尋晚係老公個堂老哥嘅結婚日子，見到人哋結婚我應該開心先係嘅，但係當我去到個會場嘅時候，見到啲人個個都好開心，對新人不停咁有人上前講“恭喜晒“，跟住就同對新人影相，我就開始諗番我嗰陣時結婚，結到一張結婚相都未影過，已經好唔開心。

到咗臨開席睇番對新人由細到大啲相嘅時候，我就更加想走，唔想再係個宴會入面，因為我真係好唔開心呀，我嗰陣時已經好想喊啦，但係我都忍住！

到對新人由大門口行入個會場

今晚，我被媽咪影咗啲出浴照，係咪好想睇呢，大家準備好未呀 ！show time ！

我係咪好sex呢，大家睇完之後，記得留言比我呀！我係詠詩呀！

今日係winnie學校旅行嘅大日子呵，雖然個行程就麻麻 ，但係winnie今日玩得好開心呵，連詠詩都玩得好開心呵！

今日首先我哋去咗美孚荔枝角公園嘅嶺南之風，嗰度其實冇咩好玩，只係得一啲同普通屋邨一樣嘅公園，只係去到嘅時候，winnie佢哋高班嘅做體操先。

跟住高班同學就玩集體遊戲，winnie編到同林詠霞，陳凱晴一組。

佢哋嗰組玩遊戲仲攞第一添呀！

跟住我哋就坐船去馬灣公園啦！我哋一去度馬灣嘅時候，第一時間就見到隻木船，隻船個名叫“挪亞方舟”啦！

不過，呢隻船仲未做好架，所以冇得過去玩，唯有等下次做好先再入去玩過啦！雖然今日入唔到去玩，我哋都去咗馬灣海灘玩呀，winnie仲玩到海水添！

最後，winnie佢哋四朵小金花仲同今年兩位班主任一齊影相留念呵！

今日係我27歲嘅生辰 , 但係唔知點解全部人好似唔記得咁嘅 , 冇人同我慶祝 , 冇人送禮物比我 , 我覺得好心淡呀!

今日 , 我同咗亞妹個bb返咗亞媽度 , 起初亞爸亞媽見到佢哋一家都好嬲架 , 因為佢哋用咗大姨同舅父嘅地址嚟借錢 , 咁又難怪亞爸亞媽佢哋嬲 , 但係鬼叫自己做錯嘢呀 , 跟住經我慢慢緩和佢哋嘅氣氛 , 再加上佢哋帶埋個b比佢哋兩個老人家睇 , 佢哋兩個老人家就算嬲都嬲唔落啦 , 到咗最後個b咪又係喺佢哋兩個老人家手上 ! 雖然兩個老人家冇出聲 , 但係我都睇得出 , 佢哋係開心架 , 由其係老豆 , 抱到唔肯放手 , 所以話佢哋唔開心 , 好難啦 , 因為又多過b比佢哋玩啦 , 佢哋兩個老人家又再一次發揮湊仔經驗比我哋班後生睇啦 , 我哋幾個後生點抱個b , 個b都喊 , 但係兩個老人家一抱就... , 瞓咗啦 , 不過 ,  老豆又好似以前咁囉 , 一邊抱b , 一邊鬧我哋班後生唔識湊b , 我聽到之後 , 我就知道亞爸亞媽話唔理我哋幾個後生 , 但係一見到我哋啲b之後 , 咪又係成個大細路咁 , 同幾個孫玩 , 唉! 總之我覺得佢哋兩個老人家宜家就有孫萬事足啦!

好唔開心呀，距離我生日仲有3日，但係點解好似冇人記得咁嘅，唔通我個生日真係要平平冇奇咁過，如果係咁嘅話，不如我自己出去同自己搞好過啦，因為要我求人幫我做生日，但係求完人之後就話唔知，咁真係好冇面，咁所以都係就咁算啦，因為我唔鍾意生日咁平淡，都唔鍾意求人陪我過，雖然話生日年年都有，但係如果年年生日都係咁平淡咁過，咁呢個人生仲有咩意思呀！