今日係我用新呢個日記嚟到繼續我嘅生活史。
呢幾日我病咗啦，感冒呀！但係今日就好嚴重呀，鼻塞又喉嚨痛，仲有啲燒添呀，見到自己病，再諗吓屋企嗰兩隻恐龍，唯有係唔想同唔願意嘅情況去咗睇醫生啦。
醫生話我係一啲鼻病毒引起嘅感冒喎，我聽咗之後都唔明佢講咩，嗰醫生就話係比感冒更加犀利嘅病，就算打咗流感針都冇用嘅病，一定要另外睇醫生架，我聽完都係唔明架，唉！不過算啦，啲醫學常識，我哋呢啲普通人又點會識呀。
跟住當然唔少得我最驚嘅嘢啦，咩嚟？咪就係打針囉，當個醫生同我講打枝針好唔好，我一開始都係話唔好，但係個醫生同我如果我唔打針就會冇咁快好同埋會傳染到兩隻恐龍，我聽到之後話會傳染比佢哋之後就驚住咁比醫生打針囉。
唉！我究竟幾時先可以逃過打針呢個惡夢呀，次次睇醫生都要打針，我真係打針打到驚呀，有冇人可以救吓我呀。
