今日食完飯，老細叫我打封離職信比個同事簽，因為我唔知佢哋想要咩嘢格式，所以我打完之後就係樓梯口度睇吓見唔見老細，點知，事頭婆就鬧我點解唔係番寫字樓度做嘢，要係個樓梯口度行行企企，佢話咁樣會影響下面舖面嘅運作喎，但係我只係喺樓梯口咋，點會影響你嘅運作呀，同埋佢又唔諗吓寫字樓嘅嘢我己經做晒好耐啦，跟本就冇嘢再做，我日日反嚟都係只係得個坐字，好悶架嘛，唔通行吓都唔得呀。

另外，佢仲鬧我好問啲同事借錢喎，話屋企嘅嘢唔好帶番嚟公司喎，又話公司冇一條規矩係預支糧嘅，但係佢哋下面舖面啲同事個個都可以預支糧，點解我唔得呀，唔通下面舖面嗰啲就係伙計，寫字樓就唔係呀，點解你哋舖面做嘅嘢，寫字樓唔得呀。

佢仲鬧我，點解要將公司嘅來貨價話比啲同事聽呀，我係做會計嘅，應該有會計嘅專業操守，唔應該將公司啲來貨價亂咁講比人哋，但係大家同事唔通趕住交貨比人又唔知開幾錢比人都唔講咩，我真係覺得呢份工好難做呀。

我真係想即刻同佢講，我唔做呀，反正我今日走都未夠三個月試用期，我只要做多7日就可以走囉，到時我睇你哋邊到搵過個會計幫你手。