一返工 ~ 成個輕觸式凝幕咁 ~ 俾老細點 ~ 俾廚房佬點 ~ 俾supper點 ~ 俾客人點 ~ 俾host點 ~ 俾啲兇狠既阿姐點 ~ 我唔係個touch mon啊 !

老細要返工準時又要勤力又要積極又要搬搬抬抬又要洗杯擦鞋總之要你萬能又要唔撚夠人又要唔撚請人 ~ 老細啊老細 ~ 你不如請個超人吧啦 ~

啲廚房佬又要聲大又要夾惡又要尻屎又要出菜慢又要話尻傳菜慢 ~ 大佬 ~ 識飛咩 ? 個場幾咁大先得嫁 ~ 咁叻你自己炒埋自己送埋啊笨 ~ 大家都係打份工啫 ~

啲supper又唔知戇居居咁係度做咩 ? 行行企企咁係度點人~ 送張單行幾步路都要老西咁遠叫人出來送過去 . . . 自己幾個係收銀台度吹水上網 . . . 係咁真係忙到走唔開啊 ? 人地忙完諗住係pantry度抖陣啫又用老細壓人來屌尻人 ~ 咁叻做尻埋我啦你 ~ 招乎客人果陣又傻更更咁唔識做結果俾老細屌 ~ 普通話叫做 : 活該 !!!

啲客又難服侍 ~ 飲嘢有咁了能得咁了能 ~ 食嘢有咁多得咁多 ~ 毛巾要有咁熱得咁熱 ~ 貼士就俾有咁少得咁少 ~ 面色就有咁難睇得咁難睇 ~ 都算 . . .

最衰係有啲大陸host ~ 使唔使咁肉緊 ? 慢少少送過去又過來催幾次 ~ 搞到重覆咗幾次單 ~ 仲要結咗帳先來用會員卡打折 = ="  咁吝嗇既人都有 . . . 折果幾廿蚊 . . . 臉色仲難睇過啲客 ~ 仲難服侍過啲客 ~ 又要呢樣又要果樣 ~ 轉頭又要走過來催 ~ 唉 ~ 做到個個哎救命 !

仲有個好兇狠既阿姐 ~ 做嘢又慢又亂 ~ 個廳多客做唔來咪出聲叫人來幫拖囉 ~ 明明自己多單跟唔來 ~ 又發曬脾氣咁話尻我地傳菜係咁送啲菜來搞到佢亂曬 ~ = =" 救命 ~ 俾佢激死 ~ 邊有啲咁既人 ? 唔送過來唔通啲嘢擺係廚房曬咩 ? 廚房佬又屌啦 ~ 跟住咪同佢對單全部菜都啱無錯無漏 ~ 佢又無聲出 ~ 轉頭又點尻啲 part-time o靚仔去搬呢樣攞果樣 ~ 唉 ~ 做嘢蠢但係點人就精甩尾 . . . 當自己係邊個 ? 睬佢都傻 !

係我EQ高啫 ~ 換第二個人都痴線 @@

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

放咗工返到屋企 ~

一開門妳就熱情地衝出來歡迎我 ~ 用妳溫柔既身體貼近我 ~

見到妳呢個樣 ~ 好似一日既辛勞都忘記曬 ~

再帶我入到廳 ~ 我坐低 ~ 妳就俯伏在我既大腿上 ~ 圓圓既眼睛帶點微微既笑容 ~

我摸摸妳既頭 ~ 妳就深情地一聲 : 喵 ~

哈哈 ~ 衰鬼 ~ 原來貓兜入面啲貓糧食曬 ~

等我為妳準備啲早餐啦 ~

我冲咗杯咖啡 ~

呢個朝早就悠閒咁睇下書上下網 ~