琴日終於開始身體慢慢回復狀態 ~ 右手已經有返知覺 ~

唉 ~ 同病毒抗戰咗四日終於取得勝利 ~

琴晚Joe哥叫咗我過 MGM 個 Lion Bar 度傾 Party 啲嘢 ~ 傾完就去 Star World 飲嘢 ~

Star World 入面個場都 ok , 場入面有隊 Band 夾得幾好 , 個場好有氣氛 ~ 

我就點咗杯 Lychee Martine , 佢就點咗支紅酒 ~ 

一路飲一路睇show ~ 隻feel唔錯 ~  

有個"老外"仲即興上台唱咗首歌 ~ 呼 ~ so cool ~

( 貼啲相先 ~ )

偷拍Joe哥背面 ^^

我杯嘢真係好甜 ~ 明明唔係好大杯但我都係照舊一杯就上腦 = = |||

Joe哥仲可以一個人隊曬成支紅酒 , 果然西利西利 ~

飲到 high high 地 , 就落埋D3 , 又叫咗一桶 KGB 飲 ~

我一邊聽歌慢慢吹咗一支 ~ 點知Joe哥眨下眼就吹曬剩低果啲 ~ (係咪人來嫁咁飲得既 ! )

飲到飽曬 ~ Joe哥話成晚溝唔到女 ~ 仲拉埋我落D2添 ~

跳咗陣舞 ~ 又叫多兩支 ~ 救命 ~ 爆計 ~ 吹咗半支就放低咗 ~ 跳舞算 ~

唉 ~ 飲咗成晚Joe哥都係搵唔到獵物 ~

算 ~ 返歸 ~

琴晚全程Joe哥包曬底 ~ 真係多謝曬老細 ^^ 不過我呢個做陪酒既就差啲 ~ 由開始win到返屋企 = = |||

哈哈 ~ 最搞笑既係成晚去到邊個場度都聽到 MJ 果首歌 " Beat It " , 連搭的士都聽到 , 搞到我訓教都諗住 " Beat it Beat it . . . . . . " ^^

啊 , , , 呀 ~ ~ ~  哎 . . .  ( 痛苦既叫聲 . . . )

唔知做咩無啦啦出水痘 ~ 好辛苦啊 ~

朝早去睇完醫生 ~ 醫生話我係受細菌感染 ~ 出帶狀疱疹 , 即係俗稱 " 生蛇 " . . .

嘩 ~ 痛到我啊 ~ 由右背到右胸 , 出一連串水痘咁既嘢 ~

啲細菌感染到神經線 , 開頭只係皮膚痛 , 後尾痛到肌肉 , 痛下痛下依家直頭痛到入骨 . . .

果種感覺就好似有幾千萬支針 , 周不時 "吉" 下我啲骨咁爽 ~ 真係爽死 !

好似大蛇丸咬咗我一啖 ~ 咒印發作咁 @@  哈哈 ~

真係順佢唔頂  ~ 今日請咗日病假 ~ 希望聽日會好番啲啦 ~

希望所有朋友都健健康康 ~ 注意均衡飲食同休息 ~ 唔好似我咁 = =|||

哦 ~ 一返到屋企 ~ 喵囡無跳出來 ~ 喱埋唔知係邊 ~

我四圍咁搵佢 ~ 點知搵到佢就越叫越走 ~ 仲捐埋入床下底 ~

見住佢捐入去 ~ 條隙咁細佢都識縮骨功咁捐入去 ~ 睇到我呆咗 = =|||

好少可會咁 ~

我用貓糧諗住引佢出來啦 ~ 佢都唔出 ~ 跟住我出動到佢既至愛罐頭 ~ 佢先死死氣咁瀾返出來 = =|||

真係服咗佢 ~ 咁單純又咁精叻 ~

一入到房 ~ 吓  @@ oh my god !

張床做咩唔同咗嫁 @@ 無啦啦多張床單多個枕頭 @@ oh shit !

即刻問家姐咩一回事 !

原來家姐琴晚同阿媽鬧交 ~ 搞到分房訓 ~ 佔咗我張床來訓一晚 ~

家姐仲話想搬出去住 ~

唉 ~ 阿媽唔知係咪更年期 ~ 成日發火 ~

我早就想搬出去住啦 ~ 只可惜仲未係時候 ~ 仲未有能力 ~

對住一個更年期既女人就好似對住一個隨時會爆既計時炸彈 , 一隻嚴重內分秘失調既老虎乸 , 一隻饑渴咗好耐既雌性暴龍 . . . .

真係諗起都驚 = = |||

一定係琴晚喵囡俾阿媽發脾氣果陣嚇親啦 ~

唉 ~ 老母一發火就會對活動範圍內所有會動既嘢作出攻擊 ~

喵囡真係可憐 T.T

面對工作 , , , 可以話有啲迷惘 . . .  因為依家做緊既嘢都唔係我想做既嘢 ~

之前做過 M 記 , 做過come buy , 做過樓面 , 到依家做侍應 ~

在下最想成為一位Bartender ~

前排成日遲到缺勤 , 因為想轉工 , 所以想好似以前咁逃避依家既工作 ~

無奈既係為份收入 ~ 為咗對工作負責任 ~ 我要繼續面對我呢份唔係咁想做既工作 ~

我係一個隨性既人 , 鐘意做既事就會拼命去做 ~ 唔鐘意做既就理都唔理 ~

如果比着以前既我早就已經踢炮唔撈 , 不過咁樣就已經係逃避 ~ 我唔可以逃避 ~

顧及到後果 , 我唔單只會失去一份工作 ~ 仲會永遠失去係一間公司入職既機會 ~ 失去我工作既信譽 ~ 回到以前禿廢既日子 ~

所以無論幾唔鐘意都好 , 都唔可以去逃避 ~

兼且以我依家既經驗同知識唔一定搵到我想做既 , 無十足既把握咁唯有邊做邊搵 , 慢慢部處 ~

依家既我要好好裝備自己 , 等待機會 , 蓄勢待發  ~

雖然對依家既工作都仲帶點迷惘 ~ 但我已經定立咗我既目標方向 ~ 兼且朝住呢個方向進發 ~

待續 . . .

如無意外 , 人生中我會有三個對我最重要既女人 . . .

第一個係我外婆 .

由細到大 , 佢都好錫啲孫同我 ~ 佢對我地既愛係一種慈詳既愛 ~ 我都好愛佢 ~

就算佢無咩錢 , 自己亦都好節儉 , 自己唔捨得食唔捨得着唔捨得洗 , 寧願買嘢來俾啲孫 ~

佢唔鬧我地 ~ 只會用慈詳既語氣來對我地說教 ~

只可惜佢啲仔女唔多孝順 ~ 所以我將來一定要好好報答佢對我既照顧 ~

第二個係我老母 .

佢對我既愛係一種溺愛 . . . 佢亦都好疼愛我  . . .

由細到大都係佢一個人揍大我同家姐 ~ 我都好孝順佢嫁細個果陣 , , ,

但當我漸漸大個開始有自己諗法 , 同佢既關係就越來越差 , , ,

佢既思想同中央政策一樣 : 五十年不變 = =|||  完完全全停係封建時期甚至係咸豐年代 = =|||

佢份人好專制 , 覺得佢既然係一家之主 , 就要我同家姐完全服從佢既命令咁 , , ,

而我係一個鐘意自由既人 , 同佢一啲都唔夾 , , ,

成日話我唔讀書就無出息 , 唔係屋企食飯佢竟然話我係出面食唔飽 , 當我自己唔識買嘢食咁 = =||| , 出夜街就話我識埋啲壞人黑社會去食白粉做壞事 = =||| , 又唔鐘意我帶啲frd返屋企 , 話我咁夜仲同啲frd傾電話一定唔方係好人浪費電話費 , 仲侮辱我啲frd係咩黑社會死飛仔 , 我至僧就係佢呢樣 ! 佢點話我唔讀書無出息無前途將來做份牛工都好 ! 我最重視既就係朋友 ! 佢侮辱我啲frd我真係好嬲 !!!  無論點我都忍受唔到 ~

成日埋怨呢樣埋怨果樣 , 完全唔識睇開啲既 ~ 我無論向佢解釋幾多次佢都唔信 , 淨係有佢講無我講 ,  我覺得自己都已經夠固執嫁啦 , 佢仲固執過我 , 應該用盲塞來形佢會貼切啲 ~

對一個完全唔接受人意見既人真係講都無謂 , 所以我都懶得用佢嘈 ~ 點知我關埋房門 , 佢都仲可以隔住房門大聲呼喝我成粒鐘 , , , 真係煩死人 , , ,

唉 ~ 真係唔想咁 , 希望總有一日佢會明白我 . . .

第三個 , 係將會同我度過下半生既女人 . . .

我唔知我遇到未 , 可能早就遇到咗 , 可能只係同我擦身而過 , 可能我仲未遇到 . . .

緣份係一種好微妙既嘢 , 正所謂緣來則聚 , 緣盡敗散 ,

人海茫茫之中找尋合適既另一半真係好難 ,

雖然有時緣份係唔可以強求既 ~ 但一切隨緣似乎唔多配合我既風格 ~ 

依家既我最想係事業方面既發展 , 唔係因為想貪圖啲咩名利 , 只係想為將來遇到既佢同我一齊生活而做準備 ~ 

我唔會要另一半同我挨窮 , 反而要佢過幸福快樂既生活 ~ 

如果我自己都無能力照顧自己 , 又憑咩照顧到別人 ? 

只想有一個至親至愛既女人係我背後支持我認同我 , 我已經心滿意足 . . .

我既戀愛方程式就係 : 妳鐘意我 = 我愛妳  #  妳愛我 = 我愛妳一生一世 #  妳愛我一生一世 = 我愛妳千世萬世 , 至此不愉 #

待續 . . .