前日執電腦果陣唔覺意睇返以前讀書果陣做過既功課 ~

諗番起以前返學既日子 ~ 成班同學仔一齊幾好玩啊 ~

^^上堂訓教 , 打PsP , 上網玩遊戲 , 同隔離吹水  ; 一齊讀書 , 一齊測驗 , 一齊出貓 , 一齊考試 , 一齊抄功課 , 一齊蝦Miss , 又一齊氹返Miss ^^

哈哈 ~ 真係好令人懷念 ~

諗返起之前無讀書 , 唔係因為讀唔成 , 只係因為我一直憂慮緊一樣嘢 : 我究竟係咪係度浪費緊青春 ?

讀咁多書係咪真係有用 ? 書入面教咁多既知識道德道理 , 係現實生活中我真係極少見到用到 ~ 最終咪又係為張成績表張證書 ~

所以我倒不如盡快結束學生生涯 ~ 早啲進入社會大學 ~ 無謂浪費時間 , 金錢 , 精神 ~

好多人話我讀到高二做咩唔讀埋高三咁浪費 , 真係聽都聽到厭聽到煩 ~

無人會明白我既諗法 ~ 亦都好少人會認同我既諗法 ~

當我想離開學校果陣我已經下定決心 : 我就要證明俾人睇就算唔係大學生先至係有用既人 , 唔係讀得多書先會成功 ! 我唔想過住啲同其它人一樣生活節奏既日子 ! 日日朝9晚5既生活係我最討厭既 ! 由其是我老母 ~ 成日淨係想我讀書讀書 ~ 雖然我知咁係為我好 ~ 但我有我選擇既權利 ! 我就更加要證明俾佢睇 ! 我就係要為打破傳統而下呢個決定 !

( 可笑既係我曾經係發誓一定要讀大學 ~ 因為聽講大學有四年時間可以玩^o^ ~ 我對讀書既態度之所以會180度改變唯一解釋就係 : 人係會隨住歲月而改變既動物 ~  )

當我選擇咗離開校園時 , 我深深明白到我已經選擇咗一條難行既路 . . . . . .

我亦都考慮到我既然係比人早起步就更加要比人早到達終點 ~

我係一個唔會番轉頭行既人 , 與其話"唔會" , 不如話"唔識"會更貼切 ~

(就連行街行過咗個街口 , 我都只會搵另一條路兜返去目的地 ~ 唔會行回頭路 ~ 可能係天生我只會向前望 ~ )

人生路上都如此 ~ 向前望向前行 ! 就算條路難行都係自己揀既 ! 唔會後悔 ! 行完啲難行既路前面轉角一定會有希望同幸福等你 ! 今個轉角唔係就下一個轉角 ! 最終一定會到達目的地 !

既然決定咗就要去實行 ! 為求達到目的我會"不擇手段" !  ( " 不擇手段 "  唔係指作姦犯科既事 , 係我會用我自己既方法來達到目的 ! 視乎付出幾多同代價幾大 ! )

記得我離開校園果陣就好似人間蒸發咁 . . . . . . 話唔返就唔返 . . . . . . 呢啲算唔算係逃避呢 ?

雖然係逃避 , 但另一方面我已經係度面對緊社會 !

而我依家就係學習緊點樣去面對困難 ! 唔可以遇到唔鐘意既事就逃避 ! 係一份對自己同對別人既責任心 !

待續 . . .

上個星期既更期令我有啲透唔到氣既感覺 ~

追更不但止 ~ 一星期返三個唔同既更 ~

生活節奏完全被打亂 ~

更讓人透唔到氣既係啲無能無功無厘頭上司 ~

(不時令我諗起塔羅牌 THE TOWER 呢張牌 , 上星期啱啱學到呢張牌 , 而呢張牌既牌義係精神同肉體既極限 , 唔通係牌靈提醒我啲咩 ? )

不過既來之 ~ 則安之 ~

既然決定咗要做既就一定要去實行 ~

呼 ~ 終於挨撚到放假 ~

要好好利用假期 ^^

呢兩日放假都無咩嘢做無咩嘢搞無咩人約 ~

放假我無論如何都要去遊界掂下部鼓機先安樂 ~

太耐無去打鼓我心里面既鼓魂正在燃燒 !!!

打鼓機都有年幾啦 ~

開頭打都係跟Kelvin佢地去打 ~ 諗住係無聊試下玩 ~

漸漸我就愛上打鼓 ~

依家都可以打70~80啲歌(唔踩) ~ 踩埋就淨係打到60左右 ~

我覺得打鼓果種感覺好好 ~

唔需要諗太多嘢 ~ 可以話接近忘我境界 ~

跟住節奏雙手揮舞鼓棍 ~ 

開心或者心情好果陣可以發揮出超水準 ~ 

唔開心或者有煩惱果陣又可以忘記曬所有事盡情去打 ~ 

見到啲勁人打鼓咁勁就想超越佢地 ~

我覺得打鼓已經係我人生既一部份 ~

希望可以打到六十歲 ^^ yeah ~

唉~出面橫風橫雨~唔知咩環境呢.　.　. 台風好似十分猖狂~唔知係咪心理作用呢~就算係公司入面都感受到風唔知由邊到鑽入來咁~ 係就係我收工前掛八號啦~等我收埋佢果幾舊水OT津貼~寧願留係公司上下網~ 唔係就要冒住狂風暴雨返屋企啦~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

=^= 真係誅中咗 , , , 打八號走唔到 , , , 係公司過咗一晚 , , ,

創咗歷史性連續上班 20 個鐘頭既記錄 , , , 雖然林尾果幾粒鐘係去咗訓教 ~

唉 , , , 黑仔 , , , 手機又無電 , , , 無得打電話好似同外界隔絕咁 , , , 明明放假變咗OT , , , 打風啲客走唔到就來賭 , , , 搞到個場超旺做到踢曬腳 ~ 

原來連續返咁長時間係咁累 ~ 我感覺到身體已經到咗極限 ~  林尾終於頂唔順申請去訓教 . . .

唉 , , , 原來屋企張床係咁舒服既 . . .

睇來要昏迷下先得. . . . . .

我係一個唔中意哭既人 ~ 唔記得從幾時開始我同自己發誓要堅強 ~ 所以同自己講唔可以哭 ~

但無奈當我好傷心或者睇到一幕感人既電影既時候 ~ 淚水就會忍唔住 ~ 眼淚就好似湖水般靜靜地滴下來  ~ 再用衣袖一擦 ~ 沒有流低任何痕跡 ~

至少唔想俾人見到 ~ 可能只有小寶見過=3= ~

其實哭出來個人真係會舒服啲 ~ 不過唔係次次都要哭到夠 ~ 多出來既就留俾個天囉 ~

今日個天喊咗呀 ~ 當中既雨水有無係屬於你架 ?

不過上天係唔會令人失望既 ~ 大雨過後一定會好天架啦 ~ 仲有令人意想不到既驚喜添 ~

興奮 ^^

超興奮 @@!

要消失luu . . . ~3~

攝於 : 屋企露台         by : wInSoN         especial  to : 神po

特別鳴謝 : 彩虹邊的白雲 

祝  所有朋友每日都健康快樂