今日返工係咁多日之中最靜既一日 ~

真係好平靜 ~ 好平靜既一晚 ~

靜既時候我就會思考 ~ 有時會天馬行空 ~ 有時係反省自己既過錯 ~ 有時係思念 ~ 總之咩都會諗一餐 ~

我係一個靜既人 ~ 連阿媽都話我係佢個肚果陣踢都未踢過佢 ~ 乖到好似死咗咁 . . .

靜都幾好啊 ~ 一個人可以好安靜 ~ 望住海灘會令人心情平靜 ~ 身處大自然之中可以搵到都市沒有既寧靜 ~ 聽音樂中意戴耳筒聽可以專心聽住音樂既節奏或歌詞唔會俾其它雜音打亂 ~ 飲酒比較中意三五知己係露天或者係唔會太嘈既地方一邊飲一邊傾下計 ~ 睇書中意一個人靜靜咁係屋企或者咖啡室睇 ~ 做事要冷靜 ~ 唔中意人囉囉唆唆咁嘈住我亦都唔中意囉囉唆唆咁煩住人 ~ 唔開心想自己一個人靜靜咁唔開心 ~ 有諗過死果陣想好似大笨象或者海豚咁自己哩埋消失 ~ 免得同伴會傷心 . . . . . .

但係又唔中意周圍一個人都無 , 無人陪得返自己一個果種寂靜 ~ 試過細個果陣訓完晏教醒咗 , (當時應該係5~6歲左右) 天都黑埋 , 阿媽同家姐出咗去 , 屋企得返我自己一個 , 當時我驚佢地唔返來 : 會唔會係唔要我 ? 會唔會係出咗咩意外返唔到來 ? 會唔會今晚都唔返來 ? 會唔會以後都唔返來 . . . 當時我越諗越驚就係露台度大聲喊 ~ 喊到隔離鄰舍都出曬來 . . .

有時成班一齊好熱鬧得我自己一個人咁靜 ~ 搞到啲frd以為我有咩事唔開心 @@ (唔開心又點會話你知啊)  ~ 其實只不過係諗緊嘢啫 ~

不過人大個係要學識社會交際 ~ 先可以融入社群 ~ 唔係會變電車男咁樣自閉 @@ ( = =||| 點解電車男都搵到另一半而我就咁耐都未搵到 .\ /. !! 我既中谷美紀係邊啊 ~ )

唉 ~ 咁靜又咁悶 ~ 悶到我自己都覺得好撚悶 ~

好 ~ 今日放假 ~ 去遊界發洩下啲悶氣先 ~