哈哈哈哈∼∼
今日我好好好好好開心既一日呀∼∼
點解？因為我今日要去海洋公園囉！！
同我表姐呀敏＆佢個ｆｄ，又係我個ｆｄ既呀花一齊去∼
７點就起左身，之後７：３０就去左搭輕鐡搵呀敏
係天瑞買完ｄ野就搭９６９去金中，到到中環個到落雨喎＞３＜
有少少唔開心．．因為會有好多野冇得玩．．．
咁去到金中個到買完飛，就去左對面食早餐，正∼
之後呀花遲到！！但佢都好醒咁幫我地排左隊，因為佢後面排左勁多人！
上左車，好快就到左海洋公園啦，係門口影左３人照∼好彩個陣時冇落雨嚕∼
由於我地係係集古村個個門口到，所以我地一開始就去左玩機動遊戲！！
我除左激流玩左一次，其他全部都係第一次玩咋∼∼好期待呀！！∼＞ｏ＜∼
一去到我地即刻玩激流，開始時有ｄ驚，但係佢沖落去個陣時覺得好爽∼∼∼
都唔驚既．．．ｂｕｔ我濕晒＝口＝""
之後我地就玩越礦飛車，我真係好驚，我第一次就玩ｄ咁激既野架．．．
架車一落去離心力勁大，之後仲要上番去喎．．咁都算啦，但係佢即刻又要落番去喎！
俾佢玩死＝ ＝玩完之後，就覺得"好爽呀！！！"實在係太太太太太太好玩啦∼∼∼
驚就有ｄ，但係真係好爽囉∼∼下次要再玩多次∼∼
咁我地行行行，行到去玩翻天飛鷹啦，海盜船，摩天輪
佢地玩飛天鞦韆，我冇玩到，因為覺得冇咩安全感．．
玩完晒ｄ ｇａｍｅ，就去睇野啦∼∼
首先去左海洋館睇魚魚∼睇完就去左海洋劇場，一邊等佢開場，一邊係到食ｌｕｎｃｈ．．
我地等左個半鐘．．．就黎夠鐘就有ｄ人係到唱歌俾我地聽∼
之後ｄ海豚海獅就出黎表演∼∼佢地好乖好可愛呀∼∼∼∼∼∼∼∼∼∼∼∼∼∼∼
睇完就去左睇海獅同海豹既館．．．．佢地好ｑ呀∼
之後就落番去睇最多人去既館．．．就係水母館啦．．．
哇．．．頂．．要排勁奈．．．等左半個鐘左右先入到去睇喎．．
不過就係幾令既．．係少左ｄ囉．．．
時間唔夠．．．冇時間搭俾水母館仲長既覽車．．
所以去左搭接駁巴士落山．．．．．
到左就第一時間去左動感影院．．要＄１０．．
但係好好玩∼好似就係玩ｉｎｇ個ｄ ｇａｍｅ咁∼∼
之後再去左３ｄ幻影王國，但係出面冇人．．冇得載眼鏡．．咁就好冇聊地走左＝口＝
咁行下行下就去左兒童王國．．好悶．．影完相就行左去睇安安佳佳．．
女就入左去訓覺．．仔個隻就係到食野．．我同我表姐都認為佢係隻豬＝口＝
之後佢賤格到係人地面前〔ａｌｌ屎〕！！好似話"你地班仆街，我ａｌｌ俾你地睇你地算好彩啦"
佢ａｌｌ完就好衰咁坐係入去既門口到喎．．但係冇人開門俾佢＝ ＝
佢行左一個圈．．．又去番個到．．用雙腳推門．．但係又推唔開喎＝口＝佢個樣好爆笑咁囉
之後ｄ人就開左門俾佢．．可能ｄ人驚佢整壞道門＝ ＝｜｜｜
咁我地就去左恐龍館到行．．．．行完個陣時已經７點嚕．．咩館就要關閉．．
好冇聊咁去左金魚睇左一陣就走人．．．
出左去就搭小巴落旺角，食完野就搭車番屋企．．
咁今日既海洋公園之旅就告一段落∼∼∼＊＊**
++++++++++++++++++++++++++++++++++++++++++++++++++++++++
*＊天堂ＩＩ＊* |
