呢排日日都瞓到 11 點幾先起身，我就黎變豬啦

邊個叫我懶懶閒，唔俾 d 心機搵工咩 ~

今日又係冇所事事咁過，

一起身就開電腦，睇棒棒堂，同人 msn，

咁就過咗大半日 = ="

真係廢得可以 !

不過而家屋企成日都冇人，因為阿嫂同 d 姪女返晒大陸，

晏晝得我一個係屋企，都真係幾爽，

想點爆機 ( 即係開大個喇叭聽歌 ) 都得

今日仲得閒到睇電影 tim ~

我平時用電腦都唔會睇電影既，因為要用好長時間黎睇。

但係今日就冇神神開咗黎睇 ~

而睇既就係 <<spider man 3>>，

係兩年前考完會考之後同阿凱去戲院睇既一套戲 ~

當年睇到戲既後段差唔多完既時侯就係咁喊，

到完咗場都控制唔到，隔咗差唔多成 10 分鐘先正常返 ~

今日睇返，都係照喊，不過冇當年咁勁，

可能因為屋企冇戲院咁好氣氛掛 ?

另外我仲係 youtube 聽返森美既「笑談廣東話」，

真係笑爆肚，以前係聽收音機已經好鍾意聽呢一 part。

大家得閒不妨去 youtube search 黎聽下 ~

原來今日阿媽放半日 bor，嚇得我，

我仲以為邊個返黎 tim。

阿媽話今晚佢煮飯，真係少有 ~

原本 pensy 因為要考 oral，考完之後同我食飯既，

既然係咁阿媽就叫我索性叫佢上黎食飯 ~

今晚餐飯有我，pensy，阿媽同阿強哥哥食，

十年難得一見既陣容呀 >.<

冇冇聊聊又過一日 ..................

唉，諗一套、講一套、做一套，何時才能一致 ?

琴晚阿鵬打電話黎問我今日去唔去划艇同釣魚，

反正我未搵到野做，

係屋企都係 hea 嫁啦，所以就應承咗 lu ~

不過我用電腦用到成 5 點幾先瞓 ..........................

原本我諗住 3 點幾就瞓嫁啦，

點知睇睇下片，一睇就睇到 5 點嘞 = ="

我地約咗 11 點係九龍塘等，5 點幾先瞓，

所以今日精神 not so good >.<

而且琴日仲係咁流鼻水 tim，不過食咗藥都好好多 lu ~

我地今日去西貢划艇，

首先係九龍塘搭去彩虹，再係彩虹轉 92 號巴士入白沙灣 ~

今日個天色其實都幾差下，個天好多舊烏雲，

仲有行過幾次雷 tim !

不過好彩冇落到大雨，係有落過一兩陣毛毛雨姐。

我覺得咁樣既天氣反而仲好，起碼唔洗曬先啦 ~

上次話大埔大美督租艇一日 $80，

但原來西貢仲抵，一日都係 $50 咋 !

仲要冇限時 tim >.<

個阿婆真係好好人

下次都要搵返佢 ~

我地今日都划咗幾遠下，

不過我都冇咩點出到力，大部分時間都係阿鵬划

今日釣到係我人生入面既第一條魚呀

不過張相係阿鵬到，遲 d 先 post 上黎啦 ~

雖然條魚唔係好大條，不過都好開心 ^^

不過我成日就係釣得一條，阿鵬就釣咗 5 條 >.<

之後阿鵬因為約咗佢 d 同事睇戲，所以就各自走 lu ~

一返到屋企我就即刻沖涼 lu，

因為覺得好唔舒服，個人好唔乾淨咁 !

今日真係好攰、好攰呀 !

所以今日 11 點幾就走去瞓 lu，

平時我冇 3 點幾都唔瞓嫁 ma

而家我好似幾享受釣魚呢個活動，

希望我唔會又三分鐘熱度啦，

因為我係一個善變既人 .................. 

近黎我幾欣賞既歌手 Lady Gaga remix with AYU ( by K' Remix ) 

幾鍾意呢個 remix，不過我覺得差咗一 d 流暢度，

有時 d 接位有 d 夾硬黎，不過都幾特別 ~

more remix at : http://k-remix.blogspot.com/

( 有外國歌手既 remix，亦有香港歌手既 remix，
  質素都唔錯嫁，不妨去睇下  ~ )