過咗幾日頹廢式既生活，今日終於都出黎玩啦 !

原本我同阿鵬係約今日去游水 + 踩單車，

但係因為天氣關係，所以就冇去踩單車，淨係去游水。

諗落我都有成年冇游過水 lor >.<

我地去咗顯田游冰池，

我地兩個都係第一次去呢個游泳池咋。

個度 d 設施都幾好丫，下次去玩都制得過 ~

個度仲有個按摩池，我地一路按一路傾計真係幾爽

可能因為個天好似想落雨咁，所以都冇咩人去游水。

我同阿鵬可以係咁玩個滑梯

不過我地都冇咩點游到水，都係傾計多 + 玩 ~

我地由一點幾玩到四點幾就走 lu，

之後去下一個目的地，大埔海濱公園 ...................

原本我地都冇諗過游完水要去邊嫁，

但阿鵬講開話想今晚自己一個去釣魚，

佢連工具都找埋出黎，於是就提議陣間去釣魚。

印象中我都好似冇去釣過魚，

去釣墨魚就有，不過個次都冇收獲既。

今次個阿鵬去咗海濱公園對出既碼頭釣魚，

仲撞見以前係酒樓做，一個都好照顧我既叔叔 tim 呀 !

原來佢今日放假，同佢傾咗陣佢就走 lu。

我同阿鵬食咗 d 小食之後就開始釣魚 lu，

食野途中發生咗一段小插曲，

就係我拎住個「八爪魚小太子」既時侯，

天上突然降下一 d 野落個袋度，

我開頭仲諗我上面咁空礦，有咩會跌落黎呢 ?

望真 d 原來係雀屎呀

好彩既係佢冇趺落 d 野食度，而係趺落個袋度。

而最好彩應該係佢冇趺落我個身 / 頭上面 ~

食完野之後天氣都 ok，係中間有一段時間落過毛毛雨，

不過都好舒服，仲有海風吹 tim，好似係奧海石灘咁 ~

兼且可以睇住個天變色，真係好正

我第一次釣魚釣到既唔係魚，竟然係一隻生蠔

等佢食我個魚餌個時仲咁開心 tim，

以為俾我釣到條魚。

點知扯佢上黎個陣淨係見到舊黑媽媽既野，

我仲以為我大力到扯爛咗條魚，扯到得返個頭 ...........

點知原來我釣到舊生蠔 @.@

不過都幾特別丫，阿鵬話佢釣咁多次魚都未試過釣生蠔。

我地釣到差唔多八點先走，收獲都係得一隻生蠔，

仲要俾我地分咗屍做魚餌 tim

原來大埔海濱公園夜晚好靚嫁 !

我地入去行咗個圈先去食飯。

就係行完海濱公園行返出大埔既時侯，

我唔小心地踩到條鼻涕蟲

我諗佢都凶多吉少，因為我個腳都幾重下 ...............

估唔到我人生第一次見到鼻涕蟲，

俾佢既見面禮就係踩佢一腳，真係 sorry 呀 !

之後沿途都見到好多條，幾驚又會踩到。

出到大埔，我地邊行邊搵機舖邊搵野食，

點知我行行下又踩到隻 .................... 蝸牛。

我仲以為我踩到 d 咩野咁脆卜卜，

原來我踩爆咗佢個殼。

我行路真係唔帶眼，今晚俾我踩到既野真係多 !

仲要都係好「juicy」既 tim

食埋飯，傾多陣計我地就返屋企 lu。

希望 16 號唔會落雨，可以踩得成單車 + 划艇啦

阿媽今日新曆生日，

因為生日正日去海洋公園免費入場，

所以今日就同咗阿媽去海洋公園玩 ~

詳細既我唔打嘞，自己睇相啦 ~

但唔知做咩係 xanga upload 相個速度好慢，

所以我係呢度 up 咗好少相咋，

想睇多 d 就去我 facebook 啦 ~

打呵欠中 ~

好搞笑既一個 pose ~

接近透明既水母 ~

到了外太空 ?!

紫外燈下 ~

借咗我副眼鏡俾佢戴

我雙腳分太開了吧 ?

我覺得呢隻最樣衰 ................

我叉 !!!!!!!!!!!!!!!!!!

我打 !!!!!!!!!!!!!!!
我係暴力狂 ?! 哈哈

好似沙龍照

好得意呀

好似好污糟 >.<

呢隻係另外一隻，唔知佢係盈盈定樂樂呢 ?

唔識郁既娃娃魚 ( 果然係活化石 !)

小熊貓夠鐘食野啦 ~

我好鍾意呢一張

用八達通捐錢，真係先進 >.<

留下一個我的印記 ~

好有特色既一個裝飾 ~

唔知點解覺得好靚 ~

我是小熊貓 ~

呢隻係佳佳，咁岩有望鏡頭，真叻女

隻手好老 = ="

有智商變低既感覺

難得同阿媽合照 ~

個日都影咗好多相，但我竟然冇用姨媽影 @.@

表姐唔講我都唔為意 tim !

下次要同姨媽影夠一百張至得

係海洋公園玩完之後就出咗旺角食晚飯。

食完飯，阿媽同姨媽就返屋企先，我就睇埋戲先返。

上次睇 << 天使與魔鬼>> 個時，

見到 <<星空奇遇記>> 既預告，

就已經覺得會幾好睇，

今日睇完真係覺得好、好、好、好、好睇 !

原來呢個系列已經有好耐歷史，

我之前真係聽都未聽過。

所以一開頭睇到一頭霧水

後尾睇落去既時侯就明發生緊咩事嘞。

成套戲真係好精彩，

一，d 特技正

二，故事夠 surreal ( 可能因為我少接觸講外太空既野 )

三，配樂帶動到氣氛，如果唔去戲院睇，一定冇咁正既效果

四，男主角幾靚仔

如果唔係去戲院睇，效果唔會咁震撼，

所以大家一定要去戲院感受下佢既魅力呀 !

電影所講既時空交錯，

未來與現在是互有關連的，

當其中一邊失衝既時候，另一邊亦會被波及。

故事就係因未來既一個失誤，而為現時的世界帶來危機。

不過呢個係電影世界入面先會發生，

係現實世界入面，而家既科技未有時光機呢樣野，

所以未來的事，係唔會影響現在 ;

但現在的事，一定會影響未來 !

人生的樂趣就在於不知道明天，

甚至下一刻會發生什麼事。

假如知道了未來的事，你會嘗試去改變它嗎 ? 還是選擇認命 ?

終於都考完試啦 !

一個禮拜考四科，真係人都顛

不過可以早 d 放暑假，都唔錯丫 ~

雖然今日係最後一日考試，但係我都冇話好開心，

我覺得琴日仲開心個今日 @.@

今晚冇搞咩考試狂歡既活動，

因為要去飲 ( 表哥個女既滿月酒 )。

仲以為去到淨係得個食字，

冇諗過表哥同表嫂會俾我抱個 BB。

我都唔知幾耐冇抱過 BB lor，

幾驚會抱得唔好整喊個 BB。

點知我一抱佢佢就瞇埋眼瞓覺

我覺得佢似係食飽想瞓多過係我抱得佢舒服到想瞓。

個 BB 女真係好得意嫁，而家得一個月大咋 !

唔知幾年後會變成咩樣呢 ?

呢張好盞鬼

一家三口 ?!