好耐都冇黎啦，

有冇掛住我呢 ? ( 想太多  )

呢排日日都溫書，溫到人都就黎癲啦 >.<

今個禮拜有成 3 個 test，

星期一、二同今日星期四都有 test。

難得今日 test 完 Disease & Therapy B，

下個 test 到下個禮拜 ( 8 號 ) 先測，

所以今日就俾自己放鬆下 ~

test 咗 3 科，係得今日個科叫做有 d 信心。

因為自己對個兩科興趣不大，

一科係 Product Development，另一科係 Functional Food，

所以都冇咩心機溫 ..................

但係我對今日個科個態度就好唔同，

我對今日呢科唔係想合格就算，而係想攞高分 !

好耐都未試過做卷做到有血脈沸騰既感覺啦，

因為今之我真係識答 d 題目，仲要係好有信心個隻 ~

希望呢股熱血可以持續到會考

TODAY 'S 歌詞 :

N / A

強烈推介 !!!!!!!!!!!!!!!!!

DISC 1 同 DISC 2 都咁好聽 !

本身都好鐘意既一 d AYU 既舊歌係 countdown live 08-09 唱返，

真係好正，正爆燈 !

今次真係有一個新既濱崎步既感覺，

而家聽到上晒癮

好想知 d 歌詞既意思呀 >.<

我好想去買實物呀，可惜資金有限

AYU 呀

會考一步步咁逼近，我就一日比一日頹廢 ..........

好似個目標變得愈黎愈模糊，

變到唔記得當初自己點解要 retake 會考。

呢個時候就係考驗自己耐力既時候嘞 !

講真，今次會考既成績係唔係真係咁重要呢 ?

係我心目中，唔係。

反而我覺得自己有冇盡全力先係最重要 !

但係好多人都會問我點解要 retake 會考，

我答佢地我想試下盡全力考既感覺。

好多人聽完之後都會覺得，

我一係冇聊得滯，一係就多錢得滯。

就係咁，慢慢我就被潛移默化咗，

變到自己都會質疑自己既決定。

我好清楚自己係一個好容易俾人影響到既人，

今次都唔例外。

特別係呢一排，我既決心更加係跌到去谷底 !

日日都唔知自己想點咁。

我有成一個禮拜都冇溫過書，

每日就等運到咁，過得超 hea。

雖然呢幾日過得又唔悶、又唔辛苦，

但係我覺得每一日都充滿內疚感。

為咗令自己唔再沉淪落去，

我同自己講，當初係自己選擇 retake 會考既，

又冇人強逼我，點解而家要質疑自己既決定呢 ?

由今日開始，我要藉住會考黎同自己「拚了」 !

當係同自己做個了斷 !

反正都係一個幾月姐，之後想做咩都得啦 ~

黎緊我會對自己更嚴格，

個日記可能要荒廢好一排 ..............

希望大家可以幫我加油 ~

TODAY 'S 歌詞 :

假若說得太多
只會令真相模糊

語言有時十分無力
只會造成感情的阻礙

唉　請不要問我
唉　做得對不對

是的我將出發
哪怕前方　是何等
不合理的　地方
我也只能
繼續堅持做我自己
讓它在你心中
悲切的迴響

青澀的我所選擇的道路
是一條無法再回頭的路

那是最初也是最後的覺悟
未來在遠方吶喊

瞧　那一天的我
瞧　用背影在頷首

是的我將出發
不回頭　不逃避
抬頭挺胸　走下去
我也只能
繼續堅持做我自己
希望有一天
你能夠了解

迎面吹來陣陣強風
寒 意份外沁人肌理
此刻將瀕臨凍僵的雙手
筆直地伸向那一頭

是的我將出發
哪怕前方　是何等
不合理的　地方
我也只能
繼續堅持做我自己
我自己
必須接受這件事情

( decision - 浜崎あゆみ )