今日同 pensy 去咗蓬瀛仙館度溫書 ~

琴晚 9 點幾瞓到今朝 8 點幾，超爽 !

可能因為瞓得足既關係，

所以我覺得今日個進度唔差 bor。

溫完書返到屋企就梗係娛樂下啦，

原本諗住用電腦，

但係無線今晚有同星馳做既「濟公」bor，

咁經典，梗係要睇下啦 !

睇完都 2245，之後打俾阿欣同佢傾下聽日 d 野。

原本聽日約咗阿欣同叉燒踩單車嫁 ma，

點知叉燒放我飛機，

搞到我同阿欣都唔知出唔出好。

就係傾緊既時候，

個電視突然「噗」一聲就熄咗。

我仲以為我 high 到個搖控器 tim，

但係個搖控器係枱面黎 bor，點會 high 到 ?

過咗冇幾耐之後就聞到陣 火羅 味嘞，

陣味仲要過咗勁耐都揮之不去 !

阿強哥哥話部電視都係咁上下時候退休 lu，

咁即係話我地會有一排冇電視睇 lu。

好彩我而家都唔多睇電視，

更何況有好多野可以係電腦睇返，

所以冇電視睇對我影響唔係好大。

最大影響既應該係我姪女，

因為佢成日掛住睇電視，

搞到做功課唔尊心，食飯又食得超慢。

不過一個屋企冇電視始終係怪怪地咁 ................

唔知幾耐之後先會有返電視睇呢 ?

TODAY 'S 歌詞 :

N / A

經過兩日既煎熬，我開始抵受唔住啦 !

瞓咗好似冇瞓咁，

人地同我講野我慢多幾拍先應到。

呢兩日真係好辛苦呀，

我冇諗過我會俾一套戲搞成咁

呢 d 咪叫做「貼錢買難受」兼折墮 lor 。

不過我今日睇咗本野叫「不要害怕，只要相信」，

係上次 lily 俾我既。

本野真係岩晒我而家睇，

睇完之後個人真係冇咁驚，

因為主係唔會離開係我身邊，

祂會永遠保護我既 ~

加上今日有同 lily & iddy 靈修，

佢地幫我祈禱，我覺得我真係冇之前咁驚。

因為早兩日都瞓唔好，所以今晚 2100 就瞓覺 lu ~

GOOD NIGHT to ME

TODAY 'S 歌詞 :

N / A

琴日 0400 先瞓得著，

跟住 0730 就俾我阿哥叫醒咗嘞。

因為實在太攰，有諗過 0830 個堂既普通話堂唔返，

瞓多幾個鐘，到 1330 個堂先返。

但係阿強哥哥好少會咁樣叫我起身，

雖然佢話如果我唔起身返學就話俾阿 B 哥哥知，

等佢扣我 d 零用錢。

個時聽到就諗你唔係咁對我呀 ma ?

其實之後諗深一層就知佢唔想我走堂先會激將法嫁姐。

之後佢話「邊個叫你琴晚 4 點幾先瞓。」

我就話「我瞓唔著丫 ma，你都知架。」

佢話「咁你而家又返得著 ?」

我話「而家天光咪瞓得著 lor，死嫁 !」

因為未瞓醒，所以就沖口而出講咗呢句說話。

我阿哥就話返我「你講野唔好咁冇大冇細下 !」

聽完呢句我就開始醒嘞，

諗返我阿哥都係錫我先會叫我起身，

但係我就鬧佢「死嫁」。

個時我問自己點解俾一套戲搞到自己咁 ?

之後我同阿哥講返句 sorry .................

我真係一個大白痴，講野成日唔經大腦 !

返到學校個人都仲係好遲鈍，

週圍發生既野都好似係夢入面咁．

所以上完普通話個堂，食埋飯之後，

就去咗圖書館瞓覺。

我同 jess 既瞓姿都好引人注目下，

因為我地唔係趴係枱面瞓，

而係係個 d 豆袋梳化度瞓，

兩個完全冇晒儀態係度瞓覺。

好彩我地兩個件衫都有頂帽係度，

笠住黎瞓都冇咁樣衰 ~

之後上多兩個鐘堂就走得 ~

琴日睇完戲今日又同「肥哥哥」去睇，

今日係去睇龍珠。

其實我對龍珠既認識都唔係好深，

係細個果時睇過下叫做有 d 印象。

我想睇呢套戲既主要原因係因為 AYU ~

因為套戲既主題曲係 AYU 唱既。

既然有人請睇，咁就梗係去睇下啦

不過我想問，

點解琴日同今日同我睇戲既人都唔會儲飛既呢 ?

張 d 飛俾晒我，搞到我而家有成 7 張飛。

我諗我每一年睇既戲都唔會儲到 7 張咁多，

因為我平時係極少睇戲，

一個月都睇唔到一次。

而家竟然一次過有咁多張戲飛，

真係要影下相先得 ~

講返套戲，雖然唔係好知原著係講咩，

但係我都覺得套戲應該冇原著咁好睇。

不過套戲 d 特技真係幾正 ~

之後就打埋機，食埋野就返屋企 lu。

返到屋企，個個都瞓晒覺 lu。

但係我睇鬼片既後遺症今日好似仲未過，

所以我唔敢去沖涼，

又唔敢瞓覺，一直到天光朝早 6 點幾先敢瞓。

好彩聽日返 1330 咋，

不過我既健康狀況同精神狀況已經差到極點 !

我唔想再俾恐懼困擾啦 !

我其實係好眼瞓嫁，

但係一瞇埋眼 / 熄燈既話我就會好驚，

完全控制唔到自己。

希望聽日同 lily & iddy 佢地靈修完之後，

情況會好 d ~

TODAY 'S 歌詞 :

N / A