呢一篇係 " health information " 既第一篇，

我就係呢度詳細 d 介紹下 " health information " 啦 ~

因為我而家讀緊既課程係有關營養，

咁我讀得營養就梗係因為我著重健康先會讀啦，

所以我想係我個日誌度，

可以同大家分享一 d 有關健康既野。

將一 d 我從唔同渠道知返黎既健康知識放上黎，

等大家都可以有健康既生活 ~

大家有咩健康上既問題都可以黎呢度問我嫁，

我都好樂意為大家解答 ^^

我自己整咗本野專收集一 d 有關健康既資訊，

今日就係度同大家分享一下啦 ~

本野個封面，ok 嗎 ? 哈哈 ~

「飲食習慣」

「健康食譜」

「水腫問題」

大家可以 save 底 d 相，

之後再放大黎睇就會見到 d 字，

咁樣對大家黎講應該唔難姐。

但係記得要 click 咗張相一下先好 save bor，

因為就咁另存張相會好細 !

我下次會再影近 d 字，等大家可以睇得再清楚 d ~

正所謂「小改變，大改善」，

千祈唔好睇小飲食既習慣呀，

佢同你既健康絕對有直接既關係 !

我好想同大家係呢方面可以互動，

大家記得要主動問我野呀 !

因為我整呢個分類出黎，

就係想大家可以關注自己既健康，注意平時既飲食。

不過就算冇人問我野我都會照講有關健康既野，

因為呢個係我一個既興趣 ~

wish everyone have a health life

其實想有一個新風格既日誌既概念已經有一段時間，

不過因為懶，一日拖一日，

結果拖到今日終於都開始實行啦 ~

我會將我遲 d 打既野分類，暫時有 4 個分類 :

( 一 ) just dairy，記錄我既日常生活，純粹係日記 ;

( 二 ) news of AYU，呢個會講一 d AYU 既消息 ;

( 三 ) health information，會有一 d 有關健康既知識 ;

( 四 ) feel what i think，分享一 d 我既哲理 / 反思。

遲 d 可能我會再增加分類都唔定，

呢個只係初步試驗黎 ~

不過 xanga 好似冇得將日誌分類，

所以我唯有 tag 咗我既日誌就當係分咗類嘞。

qooza 就有得將日誌分類，

所以睇 qooza 應該會清晰 d，易明 d，冇咁混亂。

希望呢個改頭換面咗既日誌會俾到新鮮感大家，

因為我真係俾咗好多心機落去，

令個日誌更多元化 ~

我亦都想藉住呢個平台，

將有關我既野毫冇保留咁帶俾大家 !

唔知做咩有幾個 fd 係今年情人節，

同我講情人節快樂 wor。

我咪回返佢 lor，「你攞景呀 ?」

雖然我知冇情人過情人節都唔係一件難堪既事，

更何況今年我係同一大班人一齊過 ~

情人節都唔一定要同情人一齊過姐，

學表姐話齋，

有情人個陣就日日都係情人節啦，唔洗羨慕人既。

雖然有 d 骨痺，但係表姐都講得岩既。

今日我同 call li、阿欣、仲有 call li 既 fd，

總共 4 男 4 女呢個相體咁款既組合，

一齊去小欖燒烤樂園 BBQ ~

對上個次燒烤應該係去阿凱屋企個次，

咁都唔係話隔咗好耐姐，都係半年賭。

我同 call li、阿欣一齊去咗小欖個度先，

因為其他人要 1900 後先到 ~

我地去到小欖都係 1700 左右，

一去到我地就開始燒野食，邊燒邊等其他人黎 ~

小欖呢度我都係第一次黎，感覺唔錯。

好在今日係陰天咋，冇落雨。

不過落雨都唔怕，因為呢度有帳篷。

燒到咁上下 d 人終於都黎 lu。

開頭都有少少尷尬既，話晒大家都未熟 ma。

不過後尾都 ok 丫 ~

可能因為我地玩咗 d game，

所以大家都變到冇咁陌生 lu。

今日玩個 d game 全部都係我第一次玩嫁， 

「ABCD」、「獵人」、「數手指」、

「上山落山」、「砰嘭 wa」、「下 ? 咩話 ?」。

真係開心，學識玩咁多隻 game ~

不過其實有好幾個 game 都幾冇聊兼冇厘頭 !

我地玩到大約 0030 就走 lu，

走個時先醒起自己好似冇諗過點樣返屋企。

咁夜，又咩車都冇，

唯有跟大隊出旺角再係旺角搭通宵 van 返屋企。

咁樣搭兩程車就用咗我 $35 啦 !

出到旺角仲要幾多人搭通宵 van，

等咗 7、8 架車先有得上，

好彩有 call li 陪我傾計先冇咁悶咋。

今日雖然帶咗相機出街，

不過我都唔係影咗好多相。

而且近排個樣有 d 殘，所以都唔放咁多張上黎啦 ~

燒呀、燒呀、燒呀 !

我同 call li 合照，咁岩唔記得除眼鏡，反而呢張最唔殘 = ="

call li 帶咗我副眼鏡，

呢張我幫 call li 影嫁，個角度係唔係好正呢 ?

返到屋企都已經 0300，

沖埋涼打埋日記搞搞下就搞到而家 0530 !

聽日我又大昏迷嫁啦，而家我好攰、好眼瞓呀 !

TODAY 'S 歌詞 :

N / A