大年初一，去咗四姨度拜年 ~

去之前自己係屋企食返琴晚打邊爐食剩 d 野，

一個人係屋企打邊爐，好白痴 = ="

所以我一路打一路睇 AYU 既 asia tour 2007。

呢個演唱會我都係開過黎睇一次咋，

因為一睇就要睇成 3 個幾鐘 !

睇親 AYU 既演唱會都好開心，

就算係睇 DVD 都會跟住唱，跟住跳

上年去亞洲博覽館睇既 AYU 演唱會，

就黎出 DVD 啦，

逗咗 d 利是錢用黎買 fit 晒

可惜 AYU 今年應該冇 asia tour，

即係今年冇得再係現場睇 AYU lu >.<

講返今日先，

係屋企打完邊爐就同阿 B 哥哥一齊去四姨度 ~

去到四姨度，佢地個邊又有野食，

已經食咗野既我梗係食唔落啦，

所以食咗幾舊就冇食 lu。

之後我就 "呢" 咗入表哥房，

d 大人就係出面打麻雀。

同表哥佢地傾咗一陣計，

冇幾耐佢地就話要返大陸 dup 骨。

我都冇回鄉証，

所以冇得一齊去，

要留係四姨屋企過夜 .........................

成場最細就係我，所以勁冇聊。

自己同自己打機，打到悶就走去睇電視。

無線今晚係咁播電影，

做完「食神」就做「情意拳拳」，

之後仲有「特務迷城」。

不過我睇完「情意拳拳」就瞓 lu，

個時都已經係兩點幾。

差唔多五點幾既時侯，

冇端端俾姨媽佢地嘈醒咗 wor

佢地話有兩個人，我都唔知係邊個，

要瞓我瞓度 wor，因為如果唔係瞓我個度就冇床瞓，

所以就叫我讓個位俾佢地。

點知我起咗身之後，

佢地又話唔洗啦 wor，叫我瞓返。

真係吹漲 !

TODAY 'S 歌詞 :

N / A

琴日係姨媽度過夜，

今日瞓到點幾先起身，超爽 ~

今朝個早餐 + 午餐好豐富，

有琴晚食淨個 d 盆菜、髮菜蒸蠔屎啦、

仲有鮑魚食 tim 呀 !

食完之後姨媽同表姐佢地又叫我打牌，

天呀，放過我啦，

琴日打完今日又打 ?!

不過遲 d 表姐同表姐夫去渡蜜月，

要成兩個禮拜之後先見到佢地。

見佢地真係好想同我打牌咁，

就順下佢地意啦 ~

點知佢地打完四圈之後仲要打多四圈 wor !

個時我真係好唔願意，爭 d 想喊出黎，

但係又唔想掃佢地興，所以都係陪佢地打咗。

不過我打個時個心已經飄咗去第二度，

因為電視做緊「家有囍事」，

雖然已經睇過好多次，

但係仍然都係咁好睇，咁好笑 ~

之不過估唔到我分心打反而贏 ?!

我同姨媽打咁多次牌都係第一次有得贏咋

唔知佢地係唔係因為知我唔想玩又逼我玩，

所以讓我，等我有得贏下開心下呢 ?

打完牌之後就夠鐘準備晚飯 lu，

既然贏牌咁開心，

我就幫下手整個晚飯啦 ~

我整咗我最拿手既煎．雞．蛋 ~

不過整第一隻個陣唔係好習慣姨媽個度既火侯，

所以失咗手 >.<

不過之後個 d 都煎得 ok，

有返平時既水準 ~

姨媽仲話佢都係第一次見人用筷子黎煎雞蛋。

我仲以為用筷子煎係好普通既事黎 tim，

因為我用鑊鏟會整穿個蛋黃，

所以我會用筷子。

連表姐同表姐夫都讚我煎得靚，

真係開心

食完飯諗住幫表姐佢地入利是，

點知阿媽打黎話收工走得啦 wor。

所以我就同阿媽一齊返屋企 lu ~

阿媽話今晚係屋企打邊爐團年，

原本叫咗阿 B 哥哥黎，

但係佢又約咗人，

得返我同阿媽兩支公食。

因為係姨媽度食咗野，

所以都食唔得多野 lu ....................

今晚同阿媽一齊瞓，

因為阿嫂佢地返晒鄉下，

所以我地可以瞓佢地張床 ~

間唔中同阿媽一齊瞓，都幾 warm ~

聽日就係年初一，

不過好似過農曆既新年冇過新曆既咁有氣氛。

農曆既新年係一個有得見親戚同逗利是節日 ;

新曆既新年俾我既感覺就真係新既一年開始。

不過兩個新年都係開心既，

只係對我既意義唔同姐 ~

TODAY 'S 歌詞 :

N / A

今日一早就起身整份準備送俾 JIN 既禮物 ~

原本諗住個幾兩個既時間應該會好夠，

但係我整咗成五、六個鐘先至整好 >.<

因為有好多野搞 !

首先要寫封信俾 JIN 啦，

咁 JIN 又唔識睇中文 wor，

我都係第一次用英文寫信俾人咋，

所以寫信個度用咗好多時間。

琴日咁急住要曬相就係因為要黎今日俾 JIN 既，

d 相剪剪貼貼又要用時間 bor，跟住仲要包禮物。

搞到連飯都唔得閒食 !

JIN 1600 - 1700 會係西洋菜街出現，

咁我就呢段時間去搵佢啦，

但係一路搭車就一路諗，

死啦，旺角咁多人，陣間點俾佢好呢 ?

不過都唔諗得咁多，到時先算 !

出到旺角，條西洋菜街咁大，點搵佢呢 ?

連佢都未搵到莫講話點俾份禮物佢啦。

好彩我沿住條西洋菜街行，

終於都俾我搵到佢，果然不出所料，

佢俾勁多既人圍住，

我唯有係附近望住佢，

心諗點算好呢，而家俾佢實好多人望嫁 bor。

好彩 JIN d fd ( 幫手派碟個 d )，

佢走埋黎派隻碟俾我，

咁我就同佢講我想送份禮物俾 JIN，

佢竟然大叫 JIN，有人送野俾你呀 !

好彩冇人聽到姐，

我同佢講唔洗親手送啦，

你可唔可以幫我交俾佢 ?

佢話 ok，真係十萬個唔該佢呀 !

之後我就走咗 lu ~

走咗去會合姨媽佢地，

因為之前約咗今日去佢地度食團年飯。

去到因為表姐同表姐夫仲要行多陣街，

所以我同姨媽佢會合咗先。

點知我同姨媽傾傾下計，

講起點解我冇交電話費，

搞到人地打得入，但係我打唔到俾人，

就突然忍唔住喊咗出黎 .................

18 歲女仲係街上面喊 >.<

不過我真係控制唔到，

人愈大，唔係愈應該控制到自己既情感既咩 ?

點解我愈大愈眼淺既 ?

真係 wor，以前睇 d 電視劇就算幾感動都好，

都唔識喊嫁 bor。

但係而家睇返 d 以前睇過既劇集，

都會不自覺咁喊咗出黎。

而家我連睇「美少女戰士」我都會喊 = ="

後尾表姐同表姐夫黎到見我眼腫腫，

問我做咩事，之後又忍唔住流多兩滴。

喊出黎真係舒服好多，

不過就嚇親姨媽佢地

我地去拎埋個盆菜之後就返屋企食團年飯啦 ~

可能因為餓咗成日，

加上頭先又食咗 d 冷麵，

所以我好快就食唔落嘞。

姨媽佢地話食唔落就岩嘞，

叫我同佢地打完牌再食過

其實我唔係咁鐘意打牌，

因為打牌要用腦，

次次打牌我都會覺得天旋地轉。

不過我都好耐冇佢地打過牌 lu，

所以就打下啦 ~

點知我第一舖就十三么叫糊 wor，

搞到我幾緊張呀，就係咁，

搞到我緊張到出沖 wor @.@

明明可以打第二隻牌我都打俾人食，

真係傻傻地 ......................

打到差唔多完既時候我阿媽都黎 lu，

我梗係搵我阿媽幫手啦，

阿媽不愧係我阿媽，

一黎就係咁食糊，幫我追返唔少錢 ~

但係因為我輸得太多，

所以最後都係救唔返

打完牌之後就再食過個盆菜，

個盆菜成 10 人份量，

我地 5 個人食都唔係食剩好多野咋 wor，

証明我地幾大食

食飽之後已經好眼瞓，

但係又想睇埋「火影忍者」先瞓 wor，

所以都係睇埋先 ~

大家齊齊圍住睇個 feel 真係好正，

連我阿媽同姨媽都一齊睇個下先開心丫 ma ~

今日真係好開心，雖然又要早起身，

又冇食 lunch，仲要輸麻雀，

但係都幾充實丫

TODAY 'S 歌詞 :

N / A