琴晚發夢竟然俾我夢到 JIN wor，

唔知係唔係因為琴晚臨瞓前睇咗 JIN 既短片呢 ~

個夢講 JIN 做咗我既同學，

佢仲要係插班生，好多野都唔識，

要我地慢慢教佢，帶佢係學校四圍參觀 。

個夢好似呼應緊佢首「上堂時間」咁，

瞓醒都覺得開心，好似真係同 JIN 做咗朋友咁

愈睇得多 JIN 既短片就愈鐘意佢 !

佢真係好叻呀 ~

近排佢有一首新歌，

係 << 荒失失奇兵 2 粵語版 >> 既主題曲，

叫 「Move It 」，入面有句歌詞好正，

「 我地唔係間中玩，我地成日玩，

唔係因為冇野做係因為我地鐘意玩 」

呢句真係好得意呀

我今日成日都冇出過街，又係屋企吽。

鬼叫我最得閒咩，一個人出街又唔知做咩好。

原本可以去自修室既，

不過因為天氣太凍既關係，

加上近個問自修室今日又唔開，

所以都係留係屋企好過。

成日又咩都冇做過就天黑 lu ~

因為阿嫂返咗大陸，冇人煮飯食，

所以諗住今晚同阿強哥哥食飯嫁 ma，

點知等極佢都未返，

等到十點幾佢先打黎叫我食自己，

早又唔講，等我係咁等佢 !

咁夜仲邊有野好食丫，

仲要一個人孤伶伶咁食，

食咩都冇味啦 !

求其落去 7-11 買咗兩個杯麵就算。

成日差唔多一粒聲都冇出過，

好似自閉咁，悶到發癲 !

但係到夜 d 屋企人返黎既時候我竟然覺得煩 ?!

唔知係因為喉嚨痛定係成日冇講野，

變到好似唔識同佢地講野咁。

同佢地講多句都嫌煩 !

次次有親呢種忟憎既感覺時我自己都好唔鐘意，

但係又控制唔到 wor。

我知呢個係我既問題，

不過次次都唔知點做好 ...................

大家唔好咁包容我啦，

話下我啦好唔好呀 ?

唔係我會變得愈黎愈野蠻嫁啦 >.<

餓咗成日都唔想落街買野食，

其實個原因除咗懶之外，

仲係因為我冇錢啦 ..................

我唔係講笑嫁，今個月真係窮到 lone !

連買電話都要擱置住先，

因為要交下學期既學費。

所以新電話，我諗都有排等 lu ~

唉，大家都係搵兩餐，

有時 d 野真係唔恨得太多 ~

TODAY 'S 歌詞 :

搵兩餐食 有早餐食 唔恨得太多
搵兩餐食 有晚餐食 唔恨得太多
搵兩餐食 有早餐食 唔恨得太多
搵兩餐食 有早餐食 聽住聽住 唔恨得太多
搵兩餐食 有晚餐食 聽住聽住

我諗返起細個真係個
我一啲都唔珍惜
我父母係幾咁摶
係到我大個咗先至發覺
原來佢哋咁搏根本就係為咗我
雖然我哋唔係窮到做乞兒
但係次次交租都好似爭啲啲
想做老闆走去開餐館
但係市道太差無辦法唔蝕本
一直無富貴華豪
足足多過十五年都係淨係得個做
或者我大個咗睇法唔同
阿媽阿爸你永遠會係我英雄

搵兩餐食 有早餐食 聽住聽住 唔恨得太多
搵兩餐食 有晚餐食 聽住聽住 唔恨得太多
搵兩餐食 有早餐食 聽住聽住 唔恨得太多
搵兩餐食 有晚餐食 聽住聽住 唔恨得太多

呢個世界無嘢係免費
你越係想買平嘢佢啲價就越貴
見親減價就笑
你話邊有咁大隻蛤乸隨街跳
買對波鞋都成千蚊你話貴唔貴丫
我唔係講緊美金我講緊港幣啊
有邊個出街唔係想著名牌
但係如果你冇嘅就算著涼鞋
你都要行出你門口做人
啲物質嘅嘢根本就唔需要恨
有啲嘢根本冇得勉強
我梗係有夢想 但係我想

搵兩餐食 有早餐食 聽住聽住 唔恨得太多
搵兩餐食 有晚餐食 聽住聽住 唔恨得太多
搵兩餐食 有早餐食 聽住聽住 唔恨得太多
搵兩餐食 有晚餐食 聽住聽住 唔恨得太多

無論你賣報紙 或者係揸小巴
甚至乎喺街市賣西瓜
企檯髮型師或者先生點都好
大家都係想搵兩餐
我靠我啲唱片搵兩餐
所以我勸你都係唔好買老翻
如果有得發達就梗係最好
但係有啲嘢連錢都係買唔到
身體健康愛情有得發展
所以我決定我唔會發錢 寒
只要餵飽個肚 呢個世界冇乜嘢係唔可以冇

搵兩餐食 有晚餐食 唔恨得太多
搵兩餐食 有早餐食 聽住聽住 唔恨得太多
搵兩餐食 有晚餐食 聽住聽住 唔恨得太多
搵兩餐食 有早餐食 聽住聽住 唔恨得太多
搵兩餐食 有晚餐食 聽住聽住 唔恨得太多
搵兩餐食 有早餐食 聽住聽住 唔恨得太多
搵兩餐食 有晚餐食 聽住聽住 唔恨得太多   ( 搵兩餐 - 歐陽靖 feat. Ken Oak )

小妍子，生日快樂 ~

上年生日冇同你過，sorry 呀 !

今年你 18 歲生日 wor，咁大件事，

點可以唔同你過呀。

雖然出到黎都冇咩特別野做，

只係簡簡單單食餐 M 記就算。

但係出黎見一面都好過冇呀，

第二時都唔知仲有冇咁既機會聚埋一齊 lu ..............

如果唔係因為返學，

就可以同佢地一齊 fun 到放學啦。

如果唔係小妍子叫我唔好再走堂，

我諗我真係會留低。

呢 d 朋友真難得，咁為我着想 ~

其實今日返去都係溫書，都冇教野。

放咗學之後就同 iddy 入荃灣買禮物，

因為 iddy 話個度多款同平，

所以就去睇下嘞。

今日仲有幸見識到 iddy 個男友 tim ~

iddy 果然有眼光，個男仔都幾好人，

你兩個好襯呀 !

最後總算俾我揀到份禮物，

不過唔知有冇機會送俾佢呢 ?

don't think too much ~

小妍子，知你最鐘意麥兜，

等我係度送首「春田花花幼稚園校歌」俾你啦 ~

TODAY 'S 歌詞 :

握悶是塊呢滴好耳痛　窩悶天天移汽鴿暢
( 我們是快樂的小兒童　我們天天一起歌唱 )

握悶在雪習　握悶載撐脹　握悶是春天滴化
( 我們在學習　我們在成長　我們是春天的花 )

握悶是喂耐滴豬忍翁　握悶屎捨熗滴洞亮
( 我們是未來的主人翁　我們是社會的棟樑 )

小掌你耗罵　腦時你好馬　握悶田田問後您
( 校長你好嗎　老師你好嗎　我們天天問候你 )

( 春田花花幼稚園校歌 - 春田花花幼稚園既同學仔 )

今日又淨係返 0830 一堂，

仲要上咗一個鐘賭就放學嘞。

不過今日同平時有 d 唔同，

因為今日係一年一度既 IVE 火警演習 ~

其實都冇咩特別，無無聊聊咁就完咗。

上完堂之後，

我地去咗圖書館傾 distribution 個 project，

因為聽日就要交啦 !

我地真係唔到最後一刻都唔會黎傾

呢幾日為咗趕 project 已經好唔夠瞓，

不過捱埋今日就可以冇後顧之憂啦 ~

係學校傾完之後返到屋企再搏殺過 !

做到咁上下就要出去 lu，

因為今日有 interview ................

不過我又忍唔到笑同埋緊張得滯，

加上對手太強勁，所以衰咗

唔開心就實有既，因為覺得自己好廢 !

單靠外表，係好難完全睇得出果個人既真正個面。

但係我成日睇野都好表面，

所以我認我係膚淺 ..........................

但又有冇人睇唔睇得出我真正個面 ?

what am i searching for ?

what are you searching for ?

TODAY 'S 歌詞 :

N / A