早兩日去咗表姐屋企度倒數，

雖然睇落好似係冇掟去先去表姐度過，

不過我本身都冇諗過要出去，

因為唔想同人迫 ...............

我果然係一個大悶蛋

2009 年有咩願望 ? 

就係將我計劃咗既野實行晒就係我既願望嘞 ~

到咗 18 歲，就覺得自己好老啦 ............

由一個青少年變做一個成年人，

感覺上好似有好多野等住我去面對，

但實際上又好似同未 18 歲之前冇咩分別。

話之佢我而家係法律上係叫做一個成年人，

成唔成年根本唔重要， 成年又點 ?

只要我個人冇變就得啦 ~

 2009 年，我依然要做返 張．凱．婷 ~

TODAY 'S 歌詞 :

Kary :你一句 我一句 我地鬥氣鬥到幾歲
          我鍾意扁咀 鍾意咬佢 扭計有趣
          唔識就扮熟 我等緊你 book 重未過電先煲下粥
          如果你不愛 由得我自己去搵好節目
           k房當紅館 熒光捧郁郁 
          千嬅 我扮得唔差 有眼淚 夠孤獨 
          唱落去有血有肉

Shine : 他 熟得快 爛得快 太快有結果了吧
            他種瓜 所以便有瓜
            我 卻想開花 只擔心青春未夠花

            得一半熟嗎 仍然有一半未曾定形吧
            仍留下許多可塑造性嗎
            不管長幾高 有種激素 仍然在拒絕進化
            越大越誇 成年永不會是成熟期吧
            難得在 這關卡 對牛彈結他
            未獲得掌聲 怎可以回家 浪漫在我未看化

Kary : 我時細 我時大 跳跳彈彈暢快
            塊面放青瓜 然後沖涼就要用奶奶 鮮花
            出街 今日密實 聽日露帶
            古今中外各種姿態 這個少女 世界認可少艾
            有得曬時重唔去曬 
            化個妝 小背心吊帶
            碎花裙紅波鞋 馬尾左搖又擺

Shine : 他 又高貴 又優雅 卻欠缺了風格吧
            統一標準要是似他 我有反對吧
            煎雙蛋 必須熟透嗎 不可半熟嗎

            得一半熟嗎 仍然有一半 未曾定形吧
            年輕沒規矩 都會愛護有加
            這身份 有得拖嗎
            成人就收足 大細路半價 (總有得講講價)
            亂撞亂打 頑皮也不過十年廿年吧
            寧願像 未夠班 身份證 繼續查
            而毋需 假裝 正常人家 未任性過就老化

( 半成年RMX ( feat. Kary ) - Shine + Kary )

2008 年既最後一日，

一起身就俾我見到 d 唔開心既事 ...................

係 23 號既晚上，

我發現我 d 倉鼠又生咗 BB，今次生咗 3 隻。

估唔到隔咗個零兩個月佢咁快又有得生 ~

呢個禮拜一日一日咁睇住 d BB 大，

真係好開心，但係就因為我琴日多手，

搞到佢地今朝俾其他倉鼠食晒

因為我諗住之前幫 d 倉鼠換木糠既時候，

掂 d BB 都冇事，

所以琴日就諗住拎出黎望真下 d BB 啦，

琴日 d BB 係我隻手到郁郁下，好得意 !

但係今日就 ............................

因為我既好奇而搞到 d BB 死晒，

我真係覺得好內疚 >.<

我呢個主人成日都整死晒 d 寵物，

究竟我有冇資格去做一個主人呢 ?

呢張係我唯一一張幫 d BB 影既相，

希望佢地安息啦 ...................

我一定，一定唔可以俾呢 d 悲劇再次發生 !

係 2008 年既最後一日發生呢件事，

雖然呢個句號唔多愉快，

但係因為失去咗先會更加識得珍惜，

即使 2008 年 / 以前發生咗幾多唔好既事都好，

2009 年，希望我同大家都有一個新開始 !

因為我地仍然活著，所以一定有重生既機會 !

「reBiRTH」 ----- 呢個係我送俾大家既新年禮物，

HAPPY NEW YEAR ~

TODAY ' 歌詞 :

N / A

琴日玩完之後今日又再玩過，

不過今日淨係夜晚玩 ~

小丸約咗我，同埋佢 d fd 去朗豪坊睇「吸血新世紀」，

今個聖誕都唔知點解會睇咁多次戲，

平時我好日都唔去一次嫁 ma ....................

不過套戲的確幾好睇，真係幾浪漫 ~

可惜我地個位太前，睇完之後條頸好痛 >.<

唔知套戲係唔係仲有下集既呢，

因為個結局好似未講完咁。

小丸，同你差唔多成兩年冇見啦 !

你真係型咗好鬼多

不過你既性格都冇咩點變到，

都仲係成日俾我恰

另外今日仲發生咗件超搞笑既事，

真係唔提下都唔得 !

話說我地係開場之前，

去 food court 搵地方食野既時候，

同小丸唔知講咗 d 咩之後佢冇端端拍我心口，

點知前面有個迎面而黎既賓賓佢俾呢下野嚇到，

即刻兩手交叉放係心口，

成個人向後退咗一退。

佢個下反應真係好得意，

我同小丸都笑到停唔到 ~

玩埋今日又要埋頭苦幹啦，

我一定要加油努力呀 !!!!!!!!!!!!!!!!!!!!!!!!!

TODAY 'S 歌詞 :

N / A