|
今日係工展會最後一日，
開咗咁多屆都未去過，
今次終於都有機會去見識下啦 ~
其實我今年會去都係因為表姐話同帶我去咋 !
我一直都以為工展會係好似書展個 d 咁，
係室內黎，但原來唔係，係響維園。
入到去所有野都好新鮮，但係都冇野岩我既。
成場唯一我有幫襯既就係買水晶個檔，
因為 $ 20 一條真係幾抵，
就算唔係真水晶當飾物帶都抵啦 ~
更何況個老板講到實牙實齒咁，
所以我揀咗成 6 條 ~
不過我自己都係俾咗 1 條錢咋，
因為其餘個 d 我姨媽幫我俾咗，
thank you so much 
之後可能因為今日係最後一日既關係，
所以 d 人都愈黎愈多，
再加上今日又好曬 bor，
我地行到都唔想行 lu。
去完工展會之後我地返去藍田個冒險樂園度玩 ~
表姐問我有咩想換，我就揀咗 d 零食，
溫書個陣食 fit 晒 ~
玩完之後我地又去咗吉之島買今晚 d 餸。
買晒野之後我地仲特登去佳寶買咗 d 雞子，
因為之前我地話過不如搵次試下炸雞子睇下好唔好食，
所以今日就買黎試下嘞 ~
點知原來係唔好食既，
雞子都係打邊爐食最好食 
係 1 月既頭呢四日，
我有三日都係去咗姨媽度，同佢地一齊玩 ~
所以呢幾日都唔洗點用錢 ................
其實姨媽、表姐、表姐夫佢地都好錫我，
但係反而酩令我更驚，更冇安全感。
因為我唔知我可以做 d 咩先唔會失去佢地。
次次我同佢地玩親個陣，
一輸咗我就會發 d 小姐脾氣，
但係佢地都冇出聲，默默咁食晒我 d 脾氣。
佢地知我面皮薄，唔話得，
所以都係嘻嘻哈哈就帶過咗 ..........
其實我已經好努力咁去控制嫁啦，
不過我 EQ 真係太低啦，
明知係玩既都咁鬼認真。
都係因為我睇得輸贏太緊要，
自己又輸唔起 bor，咁多年都冇變到 ...................
正一小器鬼 ! 
TODAY 'S 歌詞 :
＊小時候 想長大 逃離不懂我的家
要翅膀 自己闖 不讓誰決定方向
長大後 裹著傷 走過幸福身旁
才瞭解 自由也是流浪
＃想尋找綠洲 我橫越沙漠
眼前的風中 是成真的夢 還是海市蜃樓
△天邊有一座城堡 不放棄拚命的找 ﹝總算找到﹞
忘記了失去多少 我的眼裡陽光在跳躍
天邊有一片青草 不肯被積雪壓倒 ﹝努力長高﹞
成熟不是心變老 是淚在打轉還能微笑
Repeat ＊,＃,△ △＊ ( 天邊 - 張韶涵 ) |
