小丸今日 18 歲啦，生日快樂 ~

其實我唔係好慣叫你做小丸，

我叫慣咗你做 call li / 全名，

不過我諗而家唔會有人咁叫你，

所以都唔知點叫你好 .....................

其實你鐘意邊種叫法多 d ?

因為今日小丸要返工，

所以琴日就同佢預祝咗先 ~

琴日朝去咗上水圖書館同 pensy 溫書，

跟住 pensy 因為要補習所以要走先，

我就溫到 5 點幾先走。

之後就會合阿欣去搵小丸嘞 ~

因為我想整身份証之前剪頭髮，

咁岩小丸而家又係 salon 做 bor，

所以就搵埋都係想剪頭髮既阿欣一齊去嘞 ~

因為唔識路，

所以搵咗一陣先搵到小丸做野個度。

原本冇諗住洗頭嫁 ma，

但係洗頭同唔洗頭個價錢係一樣，

加上又未到我剪住 wor，

反正係小丸同我洗，咁咪洗 lor。

其實我好唔鐘意係 salon 洗頭，

因為我覺得瞓係度個樣好衰，

隻眼都唔知合唔合埋好 ..................

合埋又好似死人，

唔合埋又好似好猙獰咁，都唔知想點 @.@

跟住就剪頭髮，

個髮型師 ( 好似叫阿 Roy ? ) 都幾 nice，

會同我傾下計，手勢又唔差，

我都幾滿意今次個頭 ~

但係個頭如果冇 gel 起既話，都幾薯

剪好個頭之後等埋小丸放工，

就齊齊出旺角搵埋小丸 d fd。

d fd 上次睇 twilight 都見過一次面，

所以都唔會話好陌生。

經過商議之後終於決定去食韓燒 ~

我地一行 6 人食咗成 3 個幾鐘 !

大家不停咁係咁食、食、食 !

其實我都唔係食得好飽，

因為要一路食一路燒，食幾多又消耗返幾多。

雖然話係小丸生日，

但係我呢個結拜姊妹都冇準備到禮物 >.<

但係佢 d fd 準備咗，小丸睇落都幾鐘意 ~

小丸生日，點都要同壽星女影返張相先似樣既，

我地係韓燒個度個門口影咗 d 相，

放大 d 俾大家睇真我個新 look 先 ~

仲有一張 !

慶祝生日又點會咁早返歸至得嫁，

唔玩到兩點幾三點邊得。

不過我地成班都諗唔到去邊好。

平時要諗都覺得麻煩嫁啦，

而家仲要係條街度天寒地凍既情況下諗，

簡直係雪上加霜 !

後尾我提議去石灘，

因為個度好 feel 同唔洗錢，

hea 幾耐都冇人理，想點 crazy 都得。

好彩佢地接納我既建議，

大家齊齊由銀行中心個邊行路去奧海城 ~

可能因為夜，再加上食飽晒既關係，

所以大家都好似好眼瞓，

得我同阿欣最醒神 ~

我同阿欣未出發先興奮，

未行到去石灘已經 crazy 咗，

仲係條街度 crazy 咁跑，

我地仲齊齊 rap tim 呀

去到因為小丸著裙，唔方便行出石灘，

所以我地係隔離個公園度坐。

係呢度嗌都唔會有人話，

所以我同小丸都係咁嗌。

哈哈，好耐都冇試過咁釋放自己啦 ~

踏入 18 歲，小丸即刻做咗個大突破，

你真係好野呀，

俾我一定唔敢做，寧願死忍 !

之後我地玩 truth / dare，

好似都唔係好刺激，

可能因為大家唔熟又或者未飲醉

玩玩下因為小丸個阿媽打黎催佢返屋企，

所以我地就要走嘞。

點知小丸突然好唔舒服，

又暈又嘔，行兩步嘴唇都白埋 @.@

我地一行 6 人幾經辛苦，又扶又抱，

終於都將小丸送到返屋企。

送完小丸返到屋企都成 4 點幾，

雖然表姐話玩得夜可以去佢屋企，

但係都冇理由半夜打俾表姐，

叫佢起身開門俾我嫁 ma，

所以我都係等到 5 點幾，

等火車頭班車開先返屋企 lu。

好彩有幾位男士陪我姐 ~

講就咁講，不過其實係我陪佢地搵廁所 = v =

我一早都話去 Neway 個廁所嫁啦，

又唔聽我講，最後係條街度搵極都搵唔到，

先肯去 Neway @.@

等佢地去完廁所都夠鐘搭頭班車 lu ~

就係咁，我返到屋企都天光 6 點幾 lu，

上次咁早返屋企都唔記得係幾時 lor >.<

不過今日都幾開心丫 ~

希望小丸都係啦，

雖然今個生日過得辛苦咗 d

TODAY 'S 歌詞 :

N / A

呢排 down 咗「玻璃面具」黎睇，

琴日終於都睇晒 lu ~

大家有冇睇過 / 聽過呢套野呢 ?

「玻璃面具」係講一個女仔好鐘意做戲，

而且佢係呢方面好有天份，

佢既夢想就係做一個出色既演員。

係途中佢經歷咗好多波折先可以達成佢既夢想。

我第一次接觸呢套動畫係響電視，個時係 TVB 播。

不過個時我唔係由第一集開始睇，

之後仲要間下間下咁睇。

不知做咩突然好想搵返呢套野黎睇，

所以就 down 返黎睇，仲日追夜追 tim ~

呢套野真係好好睇，

佢除咗有一般少女漫畫都有講既愛情之外，

仲講咗一 d 係實現夢想既時候，現實係幾咁殘酷，

亦講出一個人既決心係影響佢成唔成功既關鍵。

唔知點解我覺得「玻璃面具」同 AYU 好似，

個女主角同 AYU 一樣，

由一個平平冇奇既女仔，

慢慢變做一個好出色既女優 ( 歌手 )。

其間佢地付出既努力係冇人可以估計得到 !

佢地既成功完全係因為佢地既決心。

另外係動畫入面講既紅天女，

同 AYU 既 part of ME 個概念都有 d 似。

魂之半身，靈魂的另一半 ..............

TODAY 'S 歌詞 :

從零開始奔跑
懷抱着對夢想的執着
永不停歇地奔跑
一直在此守望着你

初次見面時的回憶
無法忘懷的眼神
太陽般溫暖地照亮了我的心靈
尋找着明天的冒險
為此躊躇不前
此刻只想成為你的指路燈

從零開始飛翔
釋放出你的自由
永不停歇地飛翔
守護你直至永遠
無論我們相隔多遠

...........................

因為搵唔到歌詞，
所以就跟咗個片頭曲既字幕黎打，
希望大家會留意下 d 歌詞啦 ~           ( zero - 幾田愛子 )