今日好多野做呀，又要去旺角，又要去元朗，

不過我計劃好晒點樣分配 d 時間，

所以 d 時間都應該唔會好緊逼 ~

首先我約咗阿鵬 1600 係元朗等，

咁我出旺角曬相都只係用一個鐘既時間，

所以我就諗住 1300 出到旺角，

曬完相都係 1400 ，

我上網 check 過有一架巴士由旺角去元朗都係一個鐘，

所以離 1600 都仲有大把時間剩。

已經諗住預早 d 時間嫁啦，

點知我都係遲到咗 ....................

我食埋飯出到旺角岩岩 1300，

去到阿茹介紹個間曬相舖，

佢竟然話冇呢個服務，

我問佢最快幾時有得拎，佢話 2000。

咁死火啦，我約咗阿鵬 1600 嫁 ma，點得姐，

同埋我以為自己去錯咗第二間，

因為我上網睇過真係有間係一個鐘就有相攞，

所以我就再搵下先啦。

但係後尾發覺真係個一間，

所以唯有死死地氣咁走返去啦，

我問多次佢幾時有得攞，

佢竟然答我聽日 ?!

我心諗你玩我呀，頭先又話 2000，

而家又話聽日，你係唔係咁串呀 !

因為 d 相真係好趕，

所以我問佢有冇得快 d ，佢話儘量。

我差 d 想講粗口，儘量即係幾時有得拎至得嫁，

佢又話幫我係上面寫「聽日 1200 要」，

佢叫我聽日 1200 拎相前打俾佢問下係唔係有相拎，

你咁講即係聽日 1200 你都未必俾到相我啦 !

嘩，我真係超慶，你咩 x 事呀 !

但係我個時真係六神冇主，

我淨係知我真係好急要曬相，

所以都落咗 order 先啦。

之後諗諗下，我記得之前太子警署個邊都有一間，

因為我唔忿氣，所以就算要行咁遠我都行過去 !

行到個間條絛即刻順晒，

佢同我講 1800 就有得拎，

咁得啦，就算呢間貴 d 我都寧願幫襯呢間啦 ~

於是我又返番去頭先個間退錢。

其實我個心好驚，驚佢唔肯退返俾我，

但係我真係好嬲呀，我唔想俾錢佢賺 !

所以都係厚住面皮走返去 .................

好彩佢都冇留難我。

不過我真係好想知點解果個一個鐘曬相服務會冇咗，

個條友竟然答我做唔切 lor，

仲要答得好理所當然。

我個心又諗你 x 街啦，

呢個係你地間舖既特點黎嫁 ma，

做唔切唔識諗辦法解決嫁 ?

就算真係做唔切，

你唔可以用第二種講法黎答我嫁咩 ?

你答我因為呢個服務太受歡迎嘞，

超過我地既預期，我地做唔切，

所以要暫停呢個服務。

你咁答唔得咩，我覺得條友都唔係做野既 !

唉，平時我都好少係日記鬧人嫁啦，

証明呢條友真係幾衰 !

約咗阿鵬 1600 等，結果而家就要延遲到 1900 >.<

一條友係旺角都唔知做好，

係咁係條街漫冇目的咁遊蕩。

點知蕩蕩下俾我撞到表姐夫 wor

原本都冇留意既，

行行下 feel 到俾人撞，

咁條街多人我都知佢唔係特登既，

但係都望下係邊個啦，

點知望落咁熟口面既 ?

原來係表姐夫 !

哈哈，咁都可以撞到，真係搞笑

表姐夫話要行唁去尖沙咀接表姐放工，

咁我見我冇咩野做就陪佢行下啦。

不過我陪佢行到去油蔴地就走 lu，

因為我都夠鐘返去攞相。

點知去到佢仲未有相拎，

等咗差唔多大半個鐘先有 @.@

真係好對唔住阿鵬，

由 1600 變到 1900 再變到差唔多 2000 先到，

點解次次約親佢我都好似會遲到既 ?

唔知下次會唔會又 ............

諗住呢幾日天氣回暖我今日就著少咗 d 衫，

點知今晚好鬼大風，

入到元朗變晒做雪條啦 !

可能因為咁，所以我地去咗食打邊爐。

( 其實係想食姐，都唔關事既 ~ )

我地兩個慢世魔王食咗差唔多兩個鐘先食完，

我地話成間餐廳 d 客可能已經換過一輪，

得我地仲食緊 ~

d 遲黎既食得仲快過我地 >.<

食飽之後就去打機 lu，

雖然打邊爐係令個身暖咗陣，

但係都冇咩用，因為實在太大風啦 !

去到打機個度， d 血液凝固咗咁滯，

所以個人反應好慢。

但係阿鵬今日狀態好似幾好咁 ~

我地玩咗 fing 手機，

兩隻槍 game 就走咗 lu。

之後我地去咗元朗個年宵行，

呢度細過花墟，d 野又同花墟差唔多，

所以我地好快就行完。

但係唔經唔覺原來已經 12 點幾，

我地兩個都要趕尾班車 !

好彩我地兩個都趕得切姐，

唔係都唔知點算

今日好似發生咗好多野咁，

所以而家好攰呀 -.- zzz

TODAY 'S 歌詞 :

N / A

考埋今日終於都考完試晒 lu。

今日考 Nutrition & Metabolism，

考完之後冇咩特別感覺，

好似琴日過得仲開心過今日咁

知道考完試之後返屋企一定係冇冇聊聊，

所以約咗阿欣、阿茹、阿凱、苑娸、敏妍食 lunch ~

得一個鐘既食飯時間聚舊，

老實講真係唔係好夠 !

但係而家要約齊佢地出黎，

真係一件冇咩可能既事zb2

因為 A-level 愈黎愈逼近 .................

所以大家一定要考好 d 呀，

唔係我實唔會放過你地 !

原本食完飯之後都冇諗過返學校既，

因為今日冇 gel 頭，超樣衰 !

但係因為好耐冇見過 Bri Bri ，

所以最後都係入咗去。

Bri 終於都剪咗頭髮，剪咗咪幾好 lor，

唔洗再做「冬菇 360」~

臨走之前我仲同敏妍玩到癲晒，

真係笑到肚都痛

佢地去晒上堂之後得返我同阿欣，

我地兩支公去咗行街街，

但係我冇野睇得岩，阿欣就買咗件外套。

雖然我冇野睇得岩，但係我都有收穫，

就係買咗支髮泥同埋一支定型 spray，

原來呢兩樣野都唔平，

不過只要可以整到個靚頭就冇所謂啦 ~

( 希望真係得啦，因為我都唔係好識 gel 頭住 >.< )

我地行完聯合都唔想再行 lu，

所以就去咗食許留山休息下。

但因為個度太細，

我地都唔可以坐咁耐，

同埋阿欣唔想食許留山 d 野，

因為佢怕敏感，所以等我食完就走 lu 。

但係阿欣又話想飲野，

所以之後我地又去咗仙 x 林飲野。

因為呢度地方大 d，

所以我地由下午茶坐到晚市都冇咩人理我地。

都唔明點解次次我地吹水都可以吹咁耐既，

仲要吹極都好似唔會完咁

後尾因為我肚餓，但係我地又唔想係仙 x 林食，

最後我地決定去食「譚仔米線」。

我地都係第一次咁快決定到去邊度食野咋，

以前諗成個鐘都唔知去邊食好，

如果次次都係咁快決定到就好 lu。

去到都幾多人等位，

不過我都費事諗過去邊度食 lu，

所以都係等下啦。

好彩都唔係等好耐，

不過 d 位就好逼下 lor @.@

今次我都係第二次黎食，

我諗住而家食辣野進步咗，

所以就叫咗個麻辣既小辣版黎試下，

點知就出事嘞 !

OH，辣到阿媽都唔認得呀，

明明飲酒都唔會面紅，

但係一食果個米線就變晒做孖潤腸 !

我見同枱 d 人食麻辣既多辣都面不改容，

佢地真係好勁呀 !

我感覺同我同一張枱 d 人有笑我，

笑我連小辣都食到喊晒口咁 >.<

碗米線食咗差唔多成個幾鐘先食完，

原本都冇諗住加野飲既，

但係後尾辣到頂唔順，都係加咗。

幾經辛苦終於都食完，

之後我同阿欣去咗花墟行年宵 ~

因為年宵去到年三十就冇，

所以反正今日出開街就行埋 lu。

不過由「譚仔米線」行去花墟原來都幾遠，

行咗差唔多成大半個鐘先到。

今年 d 野我覺得冇咩特別，

都係一 d 牛呀、米田共樣既野。

不過其實我黎行年宵除咗湊熱鬧之外，

其實係另有目的既。

就係買樣野俾 JIN 嘞 ~

其實我今日行咗成日都係度搵緊送咩俾 JIN 好呢 ?

結果行咗成日都冇野覺得岩。

好彩係年宵個度見到有樣好有中國特色既野，

我一望就覺得呢樣野好岩 JIN，

所以就買咗落黎。

24 號個日一定要送俾佢

任務完成之後我同阿欣都唔想再行 lu，

所以我地又行返出太子。

原本我仲諗住係始創個度既格仔箱舖買多樣野先走，

點知行到過去已經關咗門 ...................

冇計啦，唯有聽日再出過去買啦，

反正我聽日都要去曬相 ~

事關今日同阿茹食飯個陣，

傾開邊度曬相可以好快有得拎，

阿茹就推介咗個曬相既地方俾我，係響朗豪坊既。

阿茹話個度曬相平，

快到有得一個鐘就有得攞 tim，

所以我聽日就試下去下個度曬相嘞。

聽日仲約咗阿鵬同佢補祝生日 ~

睇黎聽日有排忙，又去旺角又去元朗，

what a busy day !!!!!!!!!!!!!!!!!!!!

TODAY 'S 歌詞 :

N / A

今日考 QA，返 0930 - 1130。

雖然今日考試，但係我個心一早飛咗去歐陽靖度

因為今日十二點就可以係銅鑼灣見到佢啦 ~

所以就算考兩個鐘，我一個鐘就搞掂晒。

不過我唔係求其做嫁，

我大部分既題目都有答，我諗合格唔難既 ~

出到試場見咁早就同 d 同學吹下水先走，

因為考試有時有 d 會早走 / 遲走，

所以見面既機會唔多。

今日就一係唔見，一見就笑爆肚

同佢地傾完計之後就出發去銅鑼灣 lu ~

我一路上既心情係又緊張又興奮 !

不停諗陣間會有咩事發生呢 ?

佢個 blog 寫十二點先開始，

但係我就早咗幾個字去到。

去到阿 JIN 仲未到，

所以我就做「柱」女，企係條柱隔離等 ~

等等下我睇到兩個著住 Hennessy artistry 制服既靚女，

隔離仲企咗個疑似助手。

因為隻碟係 Hennessy artistry 贊助既，

所以我就諗佢地應該同今日既活動有關。

隔咗一陣我見個助手行咗去另外一班人到，

仲派咗 d 紙佢地。

因為唔肯定佢係唔係真係關今日個活動事，

所以我行近 d 確定下。

點知真係俾我估中咗，

於是我問佢「今日 JIN 係唔係會係度派碟 ?」，

佢話「係，佢而家過緊黎 ~ 」。

WA，我幾驚我去錯地方呀，

話晒過咗差唔多半個鐘 JIN 都未出現，

令我有 d 擔心 ...............

原來個助手派果 d 紙係新聞稿黎，

係派俾 d 記者既。

咁即係話，會有記者係度採訪 ?

再過多一陣，阿 JIN 終於都黎啦，

我離遠已經望到佢，

我望咗佢一眼就即刻望返轉頭，

因為我太緊張啦 >.<

鎮定返再回望既時候，

JIN 已經係我後面，

我見佢同佢 d fd 好似岩岩食完 M 記，

佢地個手仲拎住 d 汽水同 M 記既紙袋。

終於都俾我見到佢真人，

真係好似發緊夢咁，

仲要係一個好近，好近佢既隔離

不過開頭佢要同 d 記者做訪問，

所以都未正式派碟住。

睇佢同 d 記者 d 對話都覺得佢好 funny，

佢果然係一個大細路 ^^

因為我冇帶相機，所以冇得同佢合照，

不過竟然俾我係網到 search 到我同佢既合照 wor。

但係因為我太緊張，所以淨係敢企係佢後面，

我睇返 d 相盲 覺得自己好似 d 怨靈咁 >.<

你地搵下我係邊 ~

呢張我地個表情好似呀

其實我同佢既距離真係好近，

曾經因為 d 人係咁迫埋黎，

所以我同佢都有身體上既接觸

我隻手係佢背部擦過幾下 ~

哈哈，我覺得自己好似有 d 變態 tim，

不過我真係因為咁開心咗好耐 .......................

個個都問佢攞簽名，佢都冇嫌煩，

仲話「你地唔洗急，我一定會同你地每一個簽晒佢既 !」

因為我想係佢附近留多陣，

所以就冇係咁隊俾佢叫佢幫我簽先。

到簽我個陣，我真緊張到手汗都出埋，

佢俾返隻碟我個陣我同佢講咗聲 thank you，

佢就望咗我一眼，仲面帶笑意 tim，

HELP，爭 d 俾佢電暈 !

攞完簽名我就走 lu，

因為聽日仲有一科要考。

其實我真係好想同佢行足成日嫁 >.<

最衰我冇相機，冇得同佢合照

好羨慕 d 有同佢合照既人呀 !

我見有 d 佢既 fans 仲拎咗 d JIN 以前出過既碟黎俾佢簽。

睇黎星期六我都要拎返隻 < ABC > 俾佢簽至得 !

呢個係 JIN 幫我簽嫁，第一次有 artist 既簽名 ~

好有追星 feel tim >.<

JIN，see you at 24th Jan again ~

TODAY 'S 歌詞 :

N / A         ( 想影相 - 歐陽靖 )

「想影相」係免費 rap mixtape 既其中一首歌，

首歌真係講中晒我心聲呀 !

不過未有歌詞住，

過兩日得閒等我自己打出黎先 ~