你地有冇留意到我個頭像轉咗呢 ~

哈哈，唔好以為我走咗去紋身呀，

果個只係印水紙黎嫁咋。

係我生日個日整既，因為想試下玩下 ma ~

18 歲，點都要搞下新意思既 !

生日後既第二日，

都冇咩特別，生活依舊，

今日都係要去溫書。

不過因為琴日玩得夜得滯，

所以起唔到身去自修室溫書，

又要 pensy 擔心，真 sorry !

去到都冇心機溫書，

因為太攰啦，所以搞到睇睇下書都要恰陣先。

pensy 兩點幾就要去補習，

同佢食埋飯就返屋企 lu。

返到屋企就梗係用電腦啦，

用咗個零鐘，阿 B 哥哥就打俾我問我食唔食野，

有人請幾大都去啦，

所以就出咗去同阿 B 哥哥食野嘞。

食完之後我地行咗陣街，我地就返歸 lu。

因為約咗小學同學，

阿鵬 (唔知你花名係咩，所以咁叫 ) 今晚食飯，

所以返屋企一陣就再出街 lu。

點知我搞錯咗個約會時間，

遲咗成半個鐘有多先去到，

真係好 sorry 呀 !

我地去咗尖沙咀既重慶大廈食咖哩，

原來我之前去過重慶大廈，

不過個次去唔係食咖哩，而係搵人。

開頭去食個間餐廳得一枱客，之後先多返 d。

個間野 d 野食幾好食，

個裝修都好特別，係個度食印度野真係零舍有風味 !

今餐係阿鵬請既，當係慶祝我生日。

多謝你請我呀

仲要多謝你送份咁得意既禮物俾我 ~

食完之後我地去咗海旁影相，

但途中發生咗件好搞笑既事，

就係阿鵬部相機粒電竟然跌咗落個坑渠度，

搞到冇得用部相機。

好彩佢另外帶多咗部 DC 出街，

所以都可以影底 d 相留念。

見仲早我地就諗住去遊下船河，

點知我地行錯方向，越行越遠，

行咗好耐都未到碼頭，

最後我地由遊船河改做打機。

原來尖沙咀打機好平嫁 wor，

平過旺角差唔多一半呀，有機會要去多 d 先得。

哎呀，我竟然到咗 18 歲都仲未去買六合彩 wor !

雖然之前都有買過，

但始終到咗 18 歲去買感覺唔同 d 嫁 ma，

好似名正言順 d 咁。

遲 d 要去買返至得 !

TODAY 'S 歌詞 :

N / A

各位睇我日記既朋友，

我 12 月13 日就生日啦，

我想你地送一個形容詞俾我呀 !

無論你識唔識我都好，

你睇完我日記覺我我係個點既人就留咩啦 ~

簡簡單單 2、3 隻字就得嫁啦 ~

收到你地既留言勝過任何既禮物 !

希望大家會支持我呢個諗法，

令呢個諗法成真 ~

thx >.<

 等咗咁耐，呢日終於黎啦 !

今日係我 18 歲既生日，咁就做咗 18 年人啦 ~

覺得自己好老 tim

雖然到咗 18 歲，

不過我既心智仲停留係 ...............小童

每次生日我都會等都過咗凌晨 12 點先瞓，

我覺得踏入生日正日個一刻對我黎講係好重要，

因為個一刻將你由一個歲數帶到去另一個歲數，

好似由一個階段去到另一個階段咁。

過咗 12 點，有 d 人透過 MSN 同我講生日快樂，

亦有 d 人 sd SMS 俾我，重有 d 打電話俾我 tim ~

雖然佢地同我祝賀既方式唔同，

但係你地既心意我係感受到既 ~

到咗 2 點幾，我就走去瞓啦，

因為要養足精神玩個夠 !

雖然約咗佢地 11 點，

但係我朝早 9 點鐘賭就起身 lu，

因為我要拾下間屋，間屋實在係太亂啦。

執咗成個鐘都未執完呀 !

跟住仲要趕頭趕命去買牛奶 ( 因為琴日唔記得買 )，

冇端端做咩買牛奶 ?

因為我要整蛋糕俾佢地食 lor，

冇理由人地一場黎到冇野招呼人嫁 ma ~

仲記唔記得我話琴日買咗 d surprise 呢，

其實就係講緊呢樣啦 ~

不過整完竟然唔記得影相

朝早鬼咁多野準備，搞到約咗 pensy 都遲到 tim，

sorry 呀，我知生日唔係大晒嫁 >.<

好彩你冇嬲我姐 ^^

雖然同你見面既時間好短，

但係都好多謝你呀 !

你永遠都係我既「 好姐妹 」 ~

同 pensy 見完面之後，

就到同阿欣、阿凱、苑娸、小妍子見面嘞。

要你地搭咁遠車黎呢度，真係辛苦晒你地啦 !

會合後我就帶咗佢地去上水廣場個茶軒食野 ~

我都係第一次去食咋，

好彩 d 野食都 OK，係價錢貴咗 d 姐。

食完之後就出發去我屋企啦 ~

你地覺得我屋企點呢 ?

希望今次你地黎完對我屋企會有個好印象，

同理了解下我既生活環境啦  ~

其實叫晒你地黎都冇咩特別野做，

只係如果唔係我生日，

我諗你地都唔會個個黎晒我屋企 ............

阿凱因為要去家長日，所以要提早走。

阿凱走既時候，

我送咗我今朝整果個蛋糕 (其實應該叫 tart) 俾佢 ~

希望佢拎到返屋企個陣仲未溶啦 >.<

過多一陣，小花同阿茹都黎 lu ~

但因為佢地唔識黎，所以我派咗小妍子去接佢地。

得返我同阿欣、苑娸係屋企既時候，

我地攞咗個沙灘波玩 ~

哈哈，苑娸成日中頭獎，笑到我同阿欣瞓晒地 !

齊人後就玩下啤牌、玩下倉鼠、傾下計，

 hea 到 6 點幾，我就同埋佢地一齊走 lu，

一齊搭火車出旺角 ~

其實我之前都冇諗過去完我屋企之後有咩做，

所以出到旺角都唔知做咩好。

最後都決定去大家樂，食完飯先再算。

雖然小妍子同苑娸要走先，

但係之後都有叉燒同瑩瑩黎 join 我地一齊食飯 ~

今晚餐飯咁多人陪我一食，

咁熱鬧，真係好開心呀 !

食飽之後就去咗影貼紙相，

好耐都冇去影過啦，仲要一大班人去影。

影完之後阿茹同小花都要走 lu，

得返阿欣、瑩瑩同叉燒陪我渡過埋呢一個晚上。

原本諗住去打機，不過最後決定去「貓貓 cafe」。

今次係我第 2 次去，

個度 d 貓真係好得意呀 !

好多謝你地一直陪我到最後，

令我可以係 13 號既呢個晚上畫上一個完美既句號。

到咗 18 歲，突然間對生日呢樣野有多咗睇法。

生日，並唔係只係代表你大咗一歲咁簡單，

仲係慶祝你已經係呢個地球生存咗幾耐。

係生存緊既每一日，我地都不停咁進化緊。

而且係自己生日個日，

大家可以聚埋一齊慶祝係一件好難得既事 !

就算唔係一齊慶祝，都會收到黎自各方面既祝福，

呢種連繫，令我覺得好神奇 !

生日，係一個可以凝聚大家俾我力量既日子 ~

TODAY 'S 歌詞 :

我們彷彿迎接了一個嶄新的時代　
感覺就像奇蹟一般
這樣的滋味很難再有品嚐的機會　
請你在一次回想起.

誕生到這個地球的那一天　
想必有許多的欣喜
想必有許多的悲痛　
於是我們哭了起來
wow yeah wow yeah wow wow yeah.

現實永遠不能去信賴　
但這樣的判斷都可能出錯
其中的價值必須靠一雙眼睛來仔細看　
以自己的尺來判斷

誕生在這樣的一個時代　
但是我們依然努力前進
於是我們努力站在這裡　
我們正在走過今天
wow yeah wow yeah wow yeah

誕生到這樣的地球上　
想必有許多的欣喜
想必有許多的悲痛　
我們放聲大哭
wow yeah wow yeah wow wow yeah

誕生在這樣的一個時代　不過我卻遇見了你

誕生到這樣的地球上　因此我才會遇見你

誕生到這個地球的那一天　
想必有許多的欣喜
想必有許多的悲痛　
於是我們哭了起來
wow yeah wow yeah wow wow yeah

誕生在這樣的一個時代　
但是我們依然努力前進
於是我們努力站在這裡　
我們正在走過今天
wow yeah wow yeah wow wow yeah               ( evolution - ayumi hamasaki )