今日約咗索小花、阿欣、阿茹、阿凱、小妍子同苑娸，
一齊補祝索小花既生日。
係出旺角之前我去咗上水圖書館搵樂琳，
因為有 d 禮物要俾佢 ~
對唔住呀，樂琳，
應承你每個禮拜都同你見一次面，一齊溫書，
但係我就個個禮拜都黎唔到 
我下個禮拜 ( 22 號 ) 都黎唔到呀，
因為要幫表姐手，準備結婚 d 野，
我又唔可以黎啦，對唔住 >.<
再下個禮拜 ( 29 號 ) 我都黎唔到，
因為阿凱生日 ........................
你唔會嬲我嫁呵 
我唔係度你都要俾心機溫書呀，知唔知呀 ?
出到旺角就同阿茹會合咗先，之後一齊去拎相。
跟住就返學校個 canteen 度整陣間送俾索小花既禮物。
阿凱、小妍子同苑娸補完課就落黎幫手。
不過由於時間緊逼，所以我地都手忙腳亂，
搞到好似打仗咁 = ="
我地幾個仲要冇聽到小花既電話，
搞到佢有 d 發忟憎。
搞掂之後我地即刻去同小花會合，
然後一行七人去沙嗲王食飯 ~
我都係第一次去沙嗲王咋，
我以為沙嗲王係淨係食沙嗲既 tim，
原來都有好多其仔野食，而且 d 野食又幾好食 bor ~
之後阿凱同小妍子有事要走先，
而苑娸食完都走埋 lu。
重諗住可以大家一齊影貼紙相 tim，
點知得返我地四個 ..........
今次又係影得樣樣衰衰咁，不過都係開心既 
我地影完貼紙相之後周圍行，
行到朗豪坊差唔多最頂個層見到間 CD 舖，
就行咗去睇嘞 ( 其實係因為小花被放係門口既楊丞琳宣傳牌吸引到 ) ~
係 CD 舖入面，我第一時間睇下 AYU d 碟放係邊，
搵到個時，見到有一 pair 情侶睇緊 AYU 隻 complete，
我仲聽到佢地話 .....................
「AYU 之前黎開個 con 冇去到好可惜呀 !」
「鬼咩，d 飛咁難買，我想買 $ 780 都買唔到呀 ~」
我企係隔離聽到，個心偷笑咗幾下，
個時幾想同佢地講我有去睇到 AYU 個 concert，
仲要同佢地講個 concert 超正，
下次開 con 你地一定要買到飛，唔係就走寶 !
跟住大家都未想走住，所以就去咗 cafe 度 hea ~
係 cafe 度都 hea 咗成 6 個幾鐘 !
幾乎所有野可以玩既野都俾我地玩晒，
係 cafe 度，可能因為燈光幽暗，
而且環境都 OK 舒適，
所以大家既心情都放鬆落黎，
講咗好多平時我地唔會講既話題，
畢竟我地都係少女，難免會有少女既心事 
我最鍾意聽故事，尤其係真係發生過既故事 ~
原來大家經歷既野都差唔多，聽完之後，
孤單既感覺好似消除咗 d。
「我會盡全力保護我想保護的東西，
就這麼簡單。
因為有了想保護的東西，
因為邂逅了這些人們，
所以現在的我，很堅強。
以前我誰都不信所以很軟弱。
不過卻以為，
因為我孤零零的所以很堅強，
不過 ... 事實正好相反。」 by AYU
係 cafe hea 完之後，我地又去咗有野食既地方，KFC ~
沙嗲王 -----> cafe -----> KFC
基本上成日都係食、食、食。
不過都係一日開心既 girls day ~
( 但好似得我一個重係 girl 黎咋 bor >V< )
P.S.: 係 cafe 俾小花個頭撞到我個鼻，
我痛到都控制唔到，d 淚水自己就係咁流。
幾驚個鼻會歪咗，如果有事 ..............
小花，我 d 整容費就拜託你啦
TODAY 'S 歌詞 :
我說 有些東西
的確是會改變
不過 這裡也有些
不變的東西
我能夠開始這樣相信
都是因為有你告訴我
每個人走在人生的路上
都是因為有你告訴我
相信我也是為了與你相遇
才一路走到了這裡
我說 讓我們從今以後
也一起共賞同樣的風景
無論將來會發生怎樣的事情
也千萬不要忘記
我會永遠陪在你的身旁
雖然這是我唯一能做的
無論在淚水或歡笑的日子裡
都讓我陪在你身旁
每個人走在人生的路上
都是為了遇見那唯一的人
哪怕有一天我們重新誕生到這世上
相信我一定還是可以找到你
為了與你相遇
相信我會再次走下去 ( Close to you - ayumi hamasaki ) |
