今日返足成日學，超慘 !

由 0830 返到 1830 呀，同之前返工有得揮。

可惜今日我又遲到嘞，遲咗半個鐘

但係我成日都好俾心機聽書，冇恰過眼瞓 ~

呢排我重拎返飯返學校食 tim，

雖然學校有微波爐，但係次次都排成三四個字先到我

等得黎都餓死咗 !

我已經下定主義，一於去買返個保溫，

唔洗叮既飯壺至得 !

之後做 expirement 都好快就搞掂，

原本 1830 先落堂，我地 1730 就走得 ~

開始一個書呆子既生活，

當然，我仍然會 have some FUN 啦 ~

今日就用電腦搵咗樣好得意既野，

大家都可以去玩下 ~

呢個係可以睇到你戴 colour con 會係咩樣。

http://www.freshlook.com.hk/studio.html

我就試咗藍色 ~

重有想係度問下大家有冇興趣同我睇 < 爆粗band友 > 呢 ?

10 月 30 日就上映啦，有興趣既就搵我啦  ~

http://hk.youtube.com/watch?v=zVLOYj8_sB0

TODAY 'S 歌詞 :

N/A     ( 近排冇晒靈感，搞咩 @.@ )

病咗幾日，今日總算好返 d ~

今日成日都好得閒，因為又唔洗返學，又冇街去，

用黎休息 ( 其實應該話頹廢至岩  ) 岩晒。

瞓到點幾先起身，瞓咗成十幾個鐘，超正 !

到咗三點幾四點，阿媽叫我返以前做野個度打邊爐，

開頭我都諗咗一諗，究竟去唔去好呢 ?

因為我怕自己觸景傷情 !

最後我決定去，反正我不想再害怕面對他。

不係話要堅強嫁咩 ? 仲有咩好猶豫姐 ~

返到去，成個人都有 d 進入咗恍神既狀態 !

原本我阿媽話叫埋佢黎，最後佢都冇出現度 ...............

係因為怕見到我 ? 定係 ............... ?

係咩都好，我都唔想再去諗 lu，

我唔想再諗我同佢之間既事，

既然分開咗，就分開得徹底 d ，咁樣對大家都好 !

雖然我既傷風好得七七八八，

但係我既心病 ................. 好似未好得晒。

TODAY 'S 歌詞 :

傷風也值得　猶如床上假期
悠然停下細味　失戀的過度期
想想我自己　如何能沒了期
憑心痛記念你　過去沒法抽離
從此應該斷尾　不該堆三堆四
藉失戀逃避　誰沒有　哪個也並不會死

＊仍然剩下病假有幾晚　要復元為何會這麼慢
懷念你定了時限　過後忘了這憂惑
明日我會再上班　從前途著眼　無暇來嗟嘆
再病來病去　永遠學不識心淡＊

失戀最幸福　人人陪在我旁
輪班去照料我　怕我沒法起床
情願身體更壯　飾演苦主這個角色很無望
沉下去　哪裡有什麼曙光

REPEAT ＊

再勉強　撐一撐　大病就消散
要是還未淡　還未慣　還在怨　還再嘆　再病發註定更慘
假使命運任我揀　狂瀾能力挽　怎可因病而偷懶
存亡聚散　靠我努力渡難關

終於我會再上班　從前途著眼　無暇來嗟嘆
再病來病去　永遠學不識心淡　
有藥能自救　何必等它擴散               ( 心病 - 容祖兒 )

今日終於有得去踩單車啦 ~

距離對上個次踩單車差咗成兩個幾月

可能因為我本身鐘意 d 有速度感既野，

而且我覺得一路踩單車，一路聽歌，係一種享受 ~

所以自從知道咗租單車係可以咁平之後，

就想一得閒就去踩下，可惜冇咩人陪我踩。

我有諗過自己買返架單車好唔好呢 ?

反正自己咁鐘意踩，

但後尾遇到好多好實際既問題要考慮，

所以最終都係放棄咗 。

今日其實我唔係好舒服，

琴日 d 傷風都仲未好番晒，

今日又走去吹風，我諗我有排都唔會好返

邊個叫我應承咗人丫，更何況自己又咁想踩。

等我用順序文寫返我今日既事啦 ~

首先，我又遲到嘞，遲咗成半個鐘，

好彩唔洗請食飯

之後係新城市個度食 lunch。

食飽至出發去大水坑租單車 ~

我同瑩瑩、四眼妹由一點幾踩到四點幾，

我一路踩個陣 d 鼻水一路流，幾辛苦 !

踩到去大埔寅係頂唔住啦，抖返排先再踩過。

抖個時見佢地食 d 菠蘿冰、蜜桃冰，引鬼死我，

但我又驚我食咗喉嚨會唔舒服，所以唔敢食。

但後來都係忍唔住，買咗黎食，仲買咗 3 舊 tim ~

抖夠就回程嘞，點知我竟然 ..................... x 街咗 ?!

我都唔知自己有幾耐未試過跌得咁應 !

我仲要著短褲 tim，真抵死 !

俾張相大家睇睇 ~

好彩而家天氣轉涼，著長褲都唔怕，唔係都唔知點遮 @.@

還埋車，我地就返番去城大食晚飯，

因為經過商量之下，係個度最抵食。

食完之後，我地就走咗出旺角打機，

哈哈，我而家慢慢學識點打 d 喪屍，

希望下次玩個陣可以唔洗咁快再入錢

食埋糖水就返屋企 lu ~

真係好攰呀，病咗真係好麻煩，

希望過埋今晚個病就好啦 ~

TODAY 'S 歌詞 :

N/A