近排放假養咗個壞習慣，
就係唔到 0300 我都唔會去瞓。
明明冇咩野做嫁 bor，但係就日日咁夜瞓，
之後瞓到日上三竿先起身。
仲話要用呢個新年假黎溫書 wor，
瞓到咁晏先起身自修室都冇晒位啦。
唉，我次次都係「大隻講」，
得個講字，幾時先生性呀 ?
講我就真係天下無敵，
做呢 ? 我就有心無力 ....................
不過今朝 pensy 打黎話佢今日會去自修室，
問我去唔去，但係佢同我講要 1600 先去到。
反正我今日一家要去圖書館，
因為之前借 d 碟今日到期，
所以就冇所謂啦，如果到時有位咪得 lor。
到咗大約 1530 既時候， pensy 打俾我佢話有位，
咁我就同佢講我 1700 到。
不過我咗遲到 ...........................
因為我顧住搞個頭，
搞到遲咗差唔多成個鐘先到 
去到見唔到 pensy，就打俾佢睇下佢係邊啦，
點知原來佢唔舒服，已經返咗屋企 lu。
因為佢打俾我個時打唔通，
佢都留咗言俾我話我聽，
但係我去到搵佢唔到之後先知。
都出咗黎落，唔通又返屋企咩，
咪直接出旺角 lor。
我地約咗 2000，我出到去都係 1900 姐，
一個鐘，都好易 hea 既。
不過細瑩瑩晏晝打黎話我聽佢唔舒服唔出黎，
三缺一都算啦，
搭車冇野做個陣打俾佢地，
睇下佢地有冇得早 d 出黎啦，
咁我咪唔洗 hea lor，
點知大瑩瑩話要 2100 先收工，唔想出，
四眼妹就話個個都唔黎唔知出唔出好。
唉，我心諗你地唔係咁玩我呀，
我都出緊黎落，你地唔係咁都唔俾面呀 ma !
好彩琴日叉燒打過電話俾我，
我又同佢講過下今日 d 野，
佢就話如果佢今日得閒就黎 join 我地 ~
好彩佢真係出黎咋，
唔係佢地一個二個放晒我飛機我都唔知點好 
不過出到黎，叉燒話要再一個鐘後先黎到。
咁我唯有好冇聊咁周圍遊蕩下。
琴日都出過黎旺角啦，
要玩既琴日都玩晒，都冇咩好做落。
自己又成日都冇食過 wor，
搞到個人呆下呆下咁，
都唔知自己係度做緊咩。
過咗一個鐘，叉燒終於都黎啦，
你個頭依然都係咁搞笑 
不過見到你真係好開心 ~
雖然我送俾你個份禮物係求其咗 d，
但我諗你應該都岩用既。
我地會合咗之後就去咗食味千拉麵，
食完之後就去打機 ~
不過唔係去新之城果個，係奧海城果個，
因為冇咁多人同埋我都好耐冇去過個間 lu。
我同叉燒玩咗「拳王」啦 ( 係佢教我玩 ~ )，
打籃球同射喪屍。
原來叉燒你玩射擊 game 係咁渣既，
唔怪得你之前唔肯同我玩啦 ~
下次等我同你訓練下啦，
雖然我都唔係好勁 
之後要趕尾班車所以 2300 賭就走 lu。
我地見仲有 d 時間淨，就玩咗陣滑板。
因為叉燒出黎之前去咗踩板，
有板係身，所以就有得玩嘞 ~
不過我都唔識踩板，又有咩好玩呢 ?
我地就用黎玩咗樣勁冇聊既野，「 sir 滑梯」。
我地點用塊板黎 sir 呢 ?
首先我問下大家，
大家知唔知奧海城對出有個隧道 ?
個度咪個斜路既，
我地就係上面滑落去 ~
叉燒佢識滑既就企係度都得啦，
咁我唔識滑就坐係塊板上面 lor。
不過個速度都係好快，
我都係 sir 下停下，唔敢 sir 太快 >.<
不過我坐係度都唔係好識平衡，
成日「咩」埋一邊。
最好既係個時夜晚冇咩人，
唔驚俾人睇到亦唔驚到人，
我地玩咗幾次就走 lu 。
唔知下次幾時又有得再玩過呢 ?
真係好好玩嫁 
返到屋企發覺 lai 咗野，
我都冇為意原來已經三個月，
其實今日都 feel 到有 d 唔妥，
不過估唔到咁勁姐。
今個禮拜有排煩啦 
TODAY 'S 歌詞 :
N / A |
) 出旺角打機。