|
今日係下學期既第二個上課日，返 1330，放 1530。
都算幾悠閒，不過我都遲到 = ="
因為我掛住整個頭 .............
個頭唔知點解整極都整唔好，
可能係因為 d 泥同支 spray 唔夠勁，
所以就算個頭 gel 得起，過咗一之後就會塌返落黎。
好彩今日唔係好大風咋，唔係就超樣衰啦 !
今日上 Disease & Therapy B，
第一堂學既野已經好難，講止痛藥。
又有大把生字要記啦，好慘呀 !
放學之後就同 jess 係上水行咗陣，
行行下阿 B 哥哥打黎，
叫我幫佢買報紙同返屋企拎 d 信俾佢。
咁佢梗係唔會冇端端洗我做野咁衰啦，
佢琴日去完台灣返黎，買咗 d 手信返黎俾我地。
所以先順便叫我幫佢做野姐 ~
去到阿 B 哥哥屋企坐咗陣就返屋企 lu，
因為佢要出街。
今晚餐飯冇著落，
因為阿嫂同 d 姪女逢星期五多數都會返大陸。
所以我問下阿 B 哥哥同唔同我一齊食，
佢話到時打俾我。
到咗 1900 左右，阿強哥哥放工返黎，
問佢同唔同我一齊食，
佢同我講話佢約咗人，仲話今晚唔返黎瞓。
咁都冇所謂啦，反正阿媽今晚都會返黎，
起碼我唔洗一個人瞓先啦 ~
到咗 2000，阿 B 哥哥就話會同我一齊食，
仲話帶多個姐姐黎 tim ~
我地去咗一間類似茶餐廳既野度食，
今晚餐飯好豐富，
仲有好多我鐘意既野食 tim 呀 !
西檸雞、白酒田螺、豉椒炒蜆、蠔仔蛋 ~
平時食開蠔仔餅，今日就食下蠔仔蛋。
我都係第一次食蠔仔蛋咋，又幾正 wor。
雖然同個姐姐係第一次見，
但原來佢已經好熟識我 d 野。
佢問我咩我之前唔係長頭髮嫁咩 ?
我就嚇咗一跳，心諗咩我之下見過佢嫁咩 ?
原來我阿哥俾過 d 相佢睇，所以佢知道。
個姐姐都幾好人，我地都溝通到，
唔會話有代溝 
返到屋企阿強哥哥仲係度，
不過過咗一陣佢都走 lu。
咁我就邊用電腦邊等阿媽返黎啦，
點知阿媽話今晚唔返黎，
佢今晚去姨媽度瞓，
我聽到個時個人呆晒，
差 d 穿煲俾阿媽知阿強哥哥今晚唔毅黎瞓 tim。
即係我今晚又要一個人瞓 ...................
雖然驚但因為唔想再打俾叉燒麻煩佢啦，
所以我就開燈 + 開埋音樂黎瞓，
等自己冇咁驚。
但係因為被盞燈「殘」住，
所以瞓得都唔係幾好。
屋企一時鬼咁多人，
一時又冇晒人，感覺好怪。
有冇人諗過我既感受 ?
其實我唔係咁堅強嫁咋 
TODAY 'S 歌詞 :
雖然隨時都有可能流下淚來 但卻希望微笑以待
我渴望你的愛
真實的自己已漸漸模糊
雖然無法在擁擠的人潮裡找到答案仍不斷尋找
擅長說謊和找藉口的同時 也開始恐懼空虛
雖然隨時都有可能流下淚來 但卻希望微笑以待
逞強會讓你連溫柔都淡忘 希望能反樸歸真
所以放開心胸吧
我渴望需要你的愛
人不論何時都是孤單的生物
所以當有人需要時 希望能給予支援
雖然不能確定什麼
但我們擁有一顆相信的心
若找尋到心愛的東西要寶貝到最後
撞到高牆即使受了傷再站起來就好了
我別無所求 只求一樣
我渴望你的愛 ( poker face - ayumi hamasaki ) |
