琴日因為同姨媽慶祝舊曆生日，

所以去咗佢屋企度食晚飯，

大姨媽、姨丈、我阿媽同四姨都有黎。

食完飯我就要去做阿四洗碗啦

邊個叫我係成場最細。

洗咗大半個鐘先洗完 !

之後同咗表姐同表姐夫玩 "six" 仔。

表姐佢地都係星期三個日先渡完蜜月返黎咋 ~

佢地仲買咗手信俾我 tim 呀，

係一個面譜黎既，暫時唔知個面譜係有咩意思。

我同表姐講如果張呢個面譜掛係間房度，

夜晚見到咪好驚 lor ?

呢個係講笑姐

其實我都幾鐘意呢個面譜嫁，thx so much !

同表姐佢地玩 "six " 仔係因為我想練習下，

咁第時出去同人玩都唔洗俾人食住 ma ~

不過我個腦轉得咁慢，唔輸都幾難 !

我輸咗真係有懲罰嫁，罰飲紅酒 ~

成晚加加埋埋都有飲咗半杯嫁 !

唔係細個 d 杯 bor，係大杯既半杯呀。

我覺得自己都未醉既，不過好眼瞓 lor。

玩到點幾，我就去瞓覺 lu，

所以琴晚就係姨媽度留宿一宵 ~

今日返學返 1330，所以瞓晏 d 都得 ~

瞓醒個人呆呆地，唔知關唔關琴日飲咗酒事呢 ?

原本琴晚約咗同阿媽一齊食 lunch 嫁 ma，

但係佢今日放我飛機，

俾咗 $50 叫我自己搞掂

雖然我係有著數，

但係我好想同阿媽一齊食 lunch 呀 !

一個人都唔知食咩好，

求其去鴻福堂買咗個叮飯食，

食飽就返學校。

返到學校仲有成半個鐘先上堂，

所以我就去咗圖書館度 hea，

hea 到夠鐘就去上堂。

個個都好出奇我今日做咩咁準時，

因為我平時係例遲既

呢個例遲既習慣今個學期一定要改 !

上堂個陣唔知做咩個人好眼瞓，

今日上個兩個鐘差唔多有個半個鐘都係發緊夢 !

後尾 break 個陣瞓一瞓個精神先好 d 咋。

個個放學之後都有人約 lu，

而家個個都講情人節去做咩好，又話要點過點過。

俾著以前我都唔會覺得有咩野，冇咪冇 lor，

但係唔知點解今年特別羨慕 d 有拖拍既人。

所以大家講情人節呢個話題既時候，

我都係避得就避。

我地呢 d 所謂既 "單身貴族" ( 講到懶好聽咁  )

聽日就約咗一齊 BBQ ~

返到屋企，諗住開電腦玩，等自己又自閉下啦，

點知部腦入面 d file 唔見晒 wor

其實唔係冇晒 d file，

只係我之前多手，

諗住而家屋企有兩部電腦，

就冇人用我個部啦 ma，

所以將以前 set 咗密碼個 account delete 咗。

而家搞到開唔返個 account 入面 d 野。

wow，真係嚇到我丫，

好彩部腦仲上到網，

我咪去 yahoo 個 知識+ 度睇下有冇人幫到我 lor，

好彩都有人遇過呢 d 問題，

呢個問題亦都有解決既方法。

我就跟住佢既步驟做返，

結果部機就回復正常嘞 ~

不過我都搞咗兩、三個鐘先搞得掂。

如果搞唔掂，就真係慘啦，

入面真係有好多 data 係度，

有差唔多成 100 GB 既野。

今日篇日記好似同以前個 d 冇咩分別 tim，

又係記敘文一篇，仲要鬼咁長 !

不過我個日記既改革黎緊嫁啦，

遲 d 既內容保証豐富，萬勿錯過呀 !

( 好似賣廣告 tim  )

送首歌俾 d "單身貴族"，

叫做 「我未驚過 」，係 miki @ cookies 唱既 ~

情人節快樂 ^^

TODAY 'S 歌詞 :

有個人好愁懷恨在心頭　何以談情亦欠對手
恐怕在腦後仍清風兩袖　信心何日已失手
也有一些人遇正了衰神　和你談情沒有句真
好戲做過後才貪新厭舊　自尊明白已傷透

*失意的　請拆起　
  誰若共你別離　是他根本配你不起
  趁有空　再增高　
  能為自我驕傲　誰也會樂意抱抱

就是從未拍拖　也都很快樂　
請抱緊信心　耐心等一個
期待過　沉寂過　才會遇著最稀罕　
你怎可以潑熄　信心的星火

若共誰沒結果　也不需怯懦　
當見識更多　便高攀一個
曾受騙　曾受挫　才會閱歷更加多　
縱使今晚黑孤身一個　都未驚過              ( 我未驚過 - Miki @ Cookies )

AYU 既新 MV 呀，今次首歌個風格好鐘意呀 !

個 MV 好有打機 feel ~

上兩次個 single 都冇買，今次呢隻好想買呀 >.<

個封面都好型呀 !

asia tour ~ 10th Anniversary ~ 港版 2 月 13 就出，

呢個都要買呀 !

哈哈，今年逗 d 利是錢就係咁用嫁啦 ^^

今日瞓到十二點幾先起身，好爽 ~

因為今日上水自修室冇開，

所以可以唔洗咁早起身去溫書。

其實我仲有其他地方可以去溫書既，

不過我今日都預咗自己唔溫書嫁啦。

因為約咗阿媽去睇戲 ~

事關阿媽有兩張免費既「家有囍事 2009」換票証。

不過可以換飛既戲院都唔係大型既戲院，

所以我上網 search 幾點有場個陣都 search 唔到，

要打電話去問先知。

我地去個間戲院係觀塘黎，叫銀都。

去到間戲院俾我既感覺好「up dup」。

到換飛既時候，更加覺得同平時既戲院好唔同 !

佢呢度係用人手劃飛，

我都係第一次見咋，好得意。

但同時亦唔係好相信原來而家仲有呢 d 咁舊式既戲院。

呢兩張就係用人手劃既戲飛，

阿媽話而家冇咩幾可見到嫁啦，叫我儲起佢。

入到戲院，成個場有成百幾個位，

但係睇既人我諗加埋都冇 10 個。

我同阿媽都冇跟位坐，

睇見邊個位岩就坐落去 ~

睇完晒成套戲，都冇咩印象特別深刻既地方，

淨係得啖笑，而且仲要冇以前既「家有囍事」咁好笑。

如果真係要我俾錢睇，我一定唔會睇。

之後就同阿媽係觀塘行下，

食下野就返屋企 lu。

咁岩返屋企既時候係放工時間，所以爆多人。

真係唔係幾鐘意同人逼，

雖然有時 d 人唔係有心撞埋黎，

但係被人撞到都唔係咁開心。

返到屋企我姪女話要我幫佢手砌圖，

我仲以為係一塊塊個 d 砌圖啦，

點知原來係 ..................... 一堆紙碎。

仲要有兩堆 tim !

我問佢點解佢要砌呢 d 野啦，

佢話係佢個組個組長叫佢砌嫁 wor。

我覺得佢個組長好、好、好冇聊 !

真係唔係好明而家 d 小朋友諗緊咩。

不過姪女叫到，同埋我自己又有個特殊既辟好，

鐘意做埋 d 剪剪貼貼既野，咁就冇所謂啦 ~

不過呢壇野都搞咗我成個幾鐘，整到眼都花埋 !

但係最後竟然差咗一張 @.@

大家係唔係好奇怪點解我會有得影相呢。

因為阿 B 哥哥買咗部新相機，

所以就俾咗部舊既我。

雖然 d 質素差就差咗 d ，都好過冇丫 ~

但係響早一個禮拜，

我表姐又俾咗一部相機俾我，

原本表姐係諗住俾姨媽用既，

但係姨媽唔識用，所以就俾咗我嘞。

一係就冇相機用，一係就俾兩部我，真係搞笑 !

不過我一個人都用唔晒兩部，

所以姨媽俾我個部就俾咗阿媽用，

阿 B 哥哥俾我個部我就自己用。

近排好多野打，但係打既多數係廢話，

有好多篇都只係將個日做過 d 咩打返出黎，

搞到好似記敘文咁，仲要打到好長篇 tim ~

而且連歌都有好多日都冇放過上黎。

發現呢個問題之後，

我諗我既日記之後都唔會再打埋 d 冇聊野，

我想我既日記唔再只係一個記敘文，

我仲想係一個可以好好表達我自己情感既日記，

同時又係可以帶俾大家一 d 得意野既地方。

希望之後既日記可以帶俾大家多 d 新鮮感，

同埋想大家睇我日記係瞭解緊我既思想，

多過瞭解我每日發生咗 d 咩野事 ~

fighTING is firing !!!!!!!!!!!!!!!!!!!!!!

TODAY 'S 歌詞 :

N / A