NEXT LEVVEL 呢首歌一聽就覺得好舒服啦，

好有 MY ALL 同 BLUE BIRD feel ~

AYU 係 pv 個髮型都好好睇呀，好想快 d 睇到全個 pv !

段片講個 pv 係響美國 LA 拍既，

望落去一望冇際，好寫意，襯晒首歌 ~

段片仲話架車係真係 AYU 揸既，唔係拖車嫁。

AYU 連車都識揸，真係好勁呀

原本今日係 day off 既，

不過因為要去參觀，所以就要返學校嘞 ~

1345 係學校集合，

A、B 兩班一齊搭旅遊車去。

好耐都未試過一班人搭旅遊車啦，

好似返留去中學個時咁 ~

我地去參觀既地方叫「靈芝培植埸」 ~

去到先知原來呢間係係我屋企附近，

係度住咁耐而家先知

搞到我好似個白痴咁，

返到學校集合完又搭返車返上水 = ="

早知我就唔返學校自己去好過啦 ~

去到個度之後，

個度既工作人員同我地介紹下呢間公司既野，

個工作人員講野都幾搞笑

講完之後佢就開始帶我地去周圍參觀 lu，

第一站係去整一個叫「太空包」既野。

因為得兩對手套，所以我就淨係負責影相，唔洗做

俾大家睇下個製作過程啦 ~

偷影咗我 d 同學，順便俾大家睇下個度既環境 ~

個度入 d 仲有個地方係種番茄嫁 !

之後就係第二站，「冷凍房」。

呢度冇咩特別，

淨係俾咗一個樣版我地睇就去下一站嘞。

第三站係「草菇房」~

因為培植品種既關係，所以呢度濕度好高。

呢度重有好多「蚊滋」同蜘蛛網，真係好恐怖 !

不過個度 d 菇菇個樣都好得意 ~

最後去埋小賣部就完晒我地今日個行程 lu，

個度好正呀，有得試食同試飲 ~

有機種出黎既真係好食 d，

就咁用水煮再加 d 豉油已經好好味，

一 d 泥臭味都冇，仲好清甜。

因為我屋企就係附近，

所以我就唔跟大家搭旅遊車返學校 lu，

同埋其他都係去上水既人一齊走。

走之前我地仲有野拎 tim，

梗係啦，今次個參觀俾咗成 $30 嫁 bor，

有得食又有得拎，算係咁啦 ~

之後我地就齊齊行去上水 lu，沿途影咗 d 相 ~

呢度好有去郊野公園 feel !

呢個野好靚呀

行行下見到有呢 d 屋，有天台又有落地玻璃，好正呀 ~

我要以呢 d 屋為目標呀 !

行行下佢地話都係去搭車，

但係我屋企就係附近，搭車都係去火車站，

我搭到出去咪又係要行，

所以之後得返我一個人行咋

話就話係附近，

但我都行咗差唔多成半個鐘先返到屋企。

返到屋企就玩頭先走個陣派俾我地既野，

就係一個「太空栽培包」。

不過唔係我地岩岩整果個 ...................

呢個係一個「有機食用菌培植包」，

個工作人員話照顧得好真就真係會有菇種出黎。

咁我就跟住佢本說明書 d 步驟黎做嘞 ~

第一個步驟 : 整濕舊海綿，再放落個培植盆度

第二個步驟 : 放個栽培包上去

第三個步驟 : 將特製既透氣袋套上去

部相機影唔到，其實個袋上面係拮咗一 d 洞，

所以先叫做特製既透氣袋。

終於都大功告成，同舊野影返張相先 ~

唔知幾時先有收成呢 ?

TODAY 'S 歌詞 :

N / A