今日 AYU 既官網 update 咗呀，

係「NEXT LEVEL」其中一版既封面同收錄既歌曲 ~

【2CD＋DVD】

＜CD DISC-1＞
01.Bridge to the sky  
02.NEXT LEVEL  
03.Disco-munication  
04.EnergizE  
05.Sparkle  
06.rollin'  
07.GREEN  
08.Load of the SHUGYO  
09.identity  
10.Rule  
11.LOVE 'n' HATE  
12.Pieces of SEVEN  
13.Days  
14.Curtain call
 

＜CD DISC-2＞
LIVE CD from " REMIUM COUNTDOWN LIVE 2008-2009 "
01.GREEN  
02.Will  
03.End of the World  
04.Heartplace  
05.And Then  
06.Naturally  
07.POWDER SNOW  
08.HOPE or PAIN  
09.Over  
10.SCAR  
11.SIGNAL  
12.Hana  
13.too late  
14.everywhere nowhere  
15.Days  
16.For My Dear...  

＜DVD＞  
01.Days ＜video clip＞  
02.GREEN ＜video clip＞  
03.Rule ＜video clip＞  
04.Sparkle ＜video clip＞  
05.NEXT LEVEL ＜video clip＞  
06.Curtain call ＜video clip＞  
07.Days ＜making clip＞  
08.GREEN ＜making clip＞  
09.Rule ＜making clip＞  
10.Sparkle ＜making clip＞  
11.NEXT LEVEL ＜making clip＞  
12.Curtain call ＜making clip＞

個封面第一眼望唔係咁鐘意，

覺得冇咗 d 好似雜草既頭髮應該會正 d ~

個 post 個 < Secret > 果個好似。

不過 AYU 個紋身冇咗，

唔知係電腦執走咗定真係洗咗呢 ?

雖然個封面唔太鐘意，不過就對 d 歌好期待

淨係睇個 song list 已經覺得隻碟會好正，

同以前 album 既風格應該會好唔同 ~

而且係呢一版入面，

仲有收錄 08 -09 countdown live 既 luve CD，

個 live 既 song list 又係好正，

有好多歌都係 AYU 未係演唱會唱過。

可惜暫時得 CD，冇得睇 DVD

唔知 AYU 今年係唔係真係會黎香港開演唱會呢 ?

近排 d 消息傳得幾 "行" 下，

不過唔知真定假呢 ~

如果 AYU 今年真係黎開演唱會，我一定去呀 !

今日既天氣有 d 凍，仲要冇太陽 tim，

搞到成個人都冇咩心機。

今日返 1330 - 1730，

頭兩個鐘係 lecture，之後係做 lab。

不過我地個組好快就搞掂 d 野，1645 已經走得 ~

見咁早放加上肚餓，就同 iddy 去和輋食下午茶。

食完之後就返屋企 ~

點知係搭車既途中見到有未接來電，

係表姐打黎既，咁我就打返俾佢啦 ~

表姐話今日係姨媽生日，

佢地想搵埋我出黎一齊食飯。

不過佢琴日唔記得打俾我話我知。

個時我已經一心諗住返屋企，

所以就推咗表姐 lu。

後尾返到屋企，沖涼個陣諗姨媽生日一年一次，

我咁都唔出去陪佢好似好不孝咁，

所以就打俾姨媽問佢如果我而家先出會唔會出唔切 ?

姨媽話唔會，所以我就出咗 lu ~

我地去咗牛頭角既一個大排檔食野，

個度 d 野都幾好食，

所以就算我喉嚨唔舒服都豁出去啦 ~

我地仲飲咗隻叩「風花雪月」既啤酒，

我覺得都幾易入口，因為佢淡到好似水咁 ~

食飽就返屋企 lu，

雖然我都好想係姨媽度過夜，

但係因為聽日要帶飯同埋始終係屋企自在 d

所以你地既好意要留返下次先啦 ~

臨走個陣我都錫咗姨媽一下 ~

因為我冇能力買咩禮物俾姨媽，

更何況有能力都唔知送咩好啦，

所以就送一個香吻俾姨媽啦

my dear auntie-mother，i love u ~

淨係睇個 topic，估唔估到我想講咩呢 ?

照字面解就係「我不要是寄生生物 !」

冇端端點解我會變咗做寄生生物 ?

咁就要花少少時間係度同大家講下啦 ~

係上年既 8 月尾，我既生活起咗一 d 既變化。

就係我阿嫂、兩個姪女搬咗黎同我一齊住。

屋企由兩個半人住 ( 我、阿媽、阿強哥哥 - 唔係日日係度 )

變到有六個人 ( 我、阿媽、阿強哥哥、阿嫂 & 兩個姪女 )。

開頭我真係唔係好慣，

一黎唔係好知要點阿嫂 & 兩個姪女相處，

二黎我既自由度都大大減低咗。

正所謂「相見好，同住難」，

大家係埋同一間屋住，難免會有 d "aou 撬" 既。

唔經唔覺大家一齊住埋有差唔多半年既時間，

其間都有幾次家庭樂，都算相處得唔錯呀 ~

不過近排我有個種好強烈既感覺，

就係「我不要是寄生生物 !」。

會有呢種諗法走出黎既原因有好幾個 :

( 一 ) 而家冇工返，冇收入，加上屋企俾既零用唔多，
         搞到有好多野想要都冇錢買

( 二 ) 阿強哥哥一家四口，我同佢地食親晚飯個陣，
         覺得自己好似係突咗出黎咁 ...............
         ( 以前係姨媽度住個陣都有呢種感覺 )

( 三 ) 自己都已經 18 歲啦，但一 d 都唔獨立

講真，我唔係咁鐘意同咁多人一齊住，

因為一定會有意見不合或者會有 d 不受控既地方。

我而家係屋企入面係唔大唔細果個，

即係又唔話得事，但係又有責任要負個 d。

對於以前做慣咗最細既我黎講的確係有 d 吃力。

我試過為咗呢 d 野同阿 B 哥哥發一 d 嚕蘇，

佢就叫我大家一家人，咪互相遷就下 lor ~

之後我都有嘗試過，但係始終都好唔慣，

可能因為我唔夠成熟掛。

不過近排發生咗一件事令我好唔開心

咁我而家返學係戴飯嫁 ma，

放學返到屋企就放個飯盒係碗盤度，

諗住阿嫂洗碗時順便洗埋，

都係一件好正常既事姐。

點知阿嫂咁樣都要同阿強哥哥投訴

自此個飯盒就由我自己洗返嘞。

我唔係因為要自己洗返麻煩而唔開心，

而係大家一家人洗唔洗同我咁計較呀 ?

咁你即係冇當過我係一家人姐。

我平時都有幫下手做家務啦，

冇人叫我做我自己有時睇唔過眼都會做架，

咁我又同得邊個計 wor ?

我覺得阿嫂唔洗做野就應該做好佢既本份啦，

唔係話佢冇做，做唔足姐 .................

兩個細既又唔生性，日日都遊手好閒，

雖然話一個 14 歲，另一個得 7 歲姐，

但係都應該要幫下手掛 ?

咁樣寵到佢地咩都唔識，淨係識玩 !

我開頭都好好心機教佢地嫁，

但自從有次我教到整喊過個細姪女俾阿嫂話之後，

我就冇咩點再理過佢地 d 野 lu ~

前幾日我阿嫂病咗，咁 d 碗就冇人洗，

阿強哥哥返到黎就叫我洗，

原本我唔係好想既，

但係後來都應承咗。

我洗完碗之後阿強哥哥就話「你洗得咁快既 ?」，

我就話「得好少碗之 ma」，

阿強哥哥話「你得閒幫下阿嫂洗碗咪幾好 lor 」，

聽完呢句我就冇再出聲嘞。

我平時都有做下家務嫁，

咪講到我好似咩都冇做咁至得嫁 !

而且我唔鐘意俾人 要求 / 提醒 / 命令 去做家務，

我想做個陣自然會做嫁啦，

唔想做你逼我做咪盞我黑面 !

好似講多咗唔關今日個 topic 既野 tim，

都係番返正題先 ~

我承認我係一個唔成熟既人，

做野成日都係好衝動，講野完全唔會經大腦。

我成 18 歲嫁啦，係時便要獨立 d ，

唔可以成日靠屋企。

最起碼係經濟方面要獨立先啦，

我覺得自己搵自己洗，

幾時都開心過洗屋企人俾既零用錢。

如果唔係因為要考會考我一早就搵野做啦 ~

不過既然目前係考試最重要既事，

咁就唯有做多幾個月既寄生生物啦

TODAY 'S 歌詞 :

為了一點不算什麼的小事情
我又開始　畏懼
為了要掩飾我的恐懼
只好發揮逞強的毛病

你靠到我身邊
說了一堆莫名其妙的東西
儘管笨手笨腳
卻試圖為我帶來鼓勵

想必我們會這樣
一直相處下去

抬起臉笑一笑
仰起頭看看天
跑累了就把腳步放慢
就用這種感覺　你準備好了嗎？

一點點一絲絲
留下清楚的足跡
這一切都將成為
一條路　此時此刻

雖然世事並非
總是順心
對我而言你是必要的
如果我對你而言也是
似乎就不需要什麼特別的理由
這樣的日子　似乎也不壞
抬起臉笑一笑
仰起頭看看天
跑累了就把腳步放慢
就用這種感覺　你準備好了嗎？
對我而言你是必要的
如果我對你而言也是
似乎就不需要什麼特別的理由
這樣的日子　似乎也不壞             ( Independent - ayumi hamasaki )

雖然沒發現能夠讓我珍惜的話語
但是有些事情我自己知道就好
越是故作姿態?C心也越是空虛
沒這個必要吧?
事情就是如此?C沒錯吧? (come on!)
La~ 大聲叫吧! (our new age has come!)
La~ 現在就站起來吧! (proudful friends yeah!)

雖然沒發現能夠讓我珍惜的話語
但是我卻有一些想要守護的東西
越是強顏歡笑?C越是讓人看來面無表情
不就只是悲傷而已嘛!
事情就是如此?C沒錯吧? (come on!)
La~ 大聲叫吧! (our new age has come!)
La~ 現在就站起來吧! (proudful friends yeah!)                 ( + - ayumi hamasaki )