朝早發生既事雖然唔係咁開心，

不過我會提起精神既 !

多謝大家咁關心我隻倉鼠 ~

今日一個鐘既堂話都冇咁快就過咗 lu，

放學之後就去中學搵小妍子佢地，

因為我要問佢借 lab 衫。

我個件都唔知咩事冇端端唔見咗

好彩佢地而家考 a-level 唔洗用姐，

如果唔係要買過件咪好唔抵 ?

點知放學個陣得阿茹落黎先，

其他人過咗差唔蛋半個鐘先落黎。

因為你地要考試，

所以都唔係好敢打電話俾你地。

可能因為咁，所以今次返黎見到你地，

我覺得大家之間生疏咗，

不過我諗關心對方呢樣野，大家係冇變既 ~

最令我擔心既係 Bri !

佢成個人憔悴晒，希望佢過埋呢個 a-level 會開心 d，

唔洗活係佢屋企既陰影低下。

同佢地聚完之後就出信和 ~

去做咩 ? 梗係去買 AYU 既野啦 !

等咗幾耐先有機會買 AYU 十週年演唱會 DVD，

一盒盛惠 $140 ~

其實我覺得都唔係話貴，

買隻 album 都要差唔多 $100 啦，

而家 3 隻 DVD 都係 $140 咋 bor。

不過我諗要搵一日好得閒先開黎睇 ~

買完冇幾耐就去會合威威。

今日終於都俾我知道金雞係邊啦，

係旺角讀咗咁多年書竟然到今日先知

之後因為 joyce、阿崔、瑋健個 d 未到，

所以就同威威係戲院度等下先。

其實我地今日約出黎原本係諗全碌 ling 既，

但係我地想去個間有人 book 咗場，

所以唯有臨時改第二樣。

大家出到黎都仲未知去邊好，

最後傾咗好耐先決定到去睇戲，

仲要係去睇鬼片

套戲叫「陰容院在」，內容我唔打啦，

因為太長啦，而且個重點都唔係呢度。

個重點係我俾佢嚇到凌晨 4 點幾先瞓到 .............

因為佢最恐怖個一幕，

深深咁印係我個腦入面揮之不去，

一瞇埋眼就諗返起個一幕。

因為套戲太恐怖，所以搞到我 火羅 咗好幾次 !

第一件係我係一個唔應該嗌既位嗌咗出黎，

搞到俾人笑 >.<

第二樣係我裙袋部電話突然震，

嚇到我成個彈起咗 !

我冇誇張到嫁，我真係好驚嫁 !

驚到套戲臨尾個時我隻眼已經係瞇到得返一條線，

完場個陣仲因為我隻手禁住隻耳仔禁得太用力，

搞到隻手僵硬埋。

我以後一定唔再去戲院睇鬼片 !

聽日仲要返 0830 ，

0400 先瞓到，真係冇陰公呀 !

TODAY 'S 歌詞 :

N / A

今日返學返 1330 - 1430 一堂，

諗住朝早冇野早就早 d 返學校溫下書。

朝朝洗面擦牙之前我都會睇下 d 倉鼠既，

佢地次次見到我都會走過黎，

但係今日有一隻冇走過黎，

我個時冇戴眼鏡睇唔清，以為佢仲瞓緊覺。

我就多手諗住整醒佢，點知整咗幾下都唔醒，

就索性拎佢出黎睇下咩事。

拎佢出黎個下都知出事啦，

因為佢個身超凍 + 軟 lai lai。

睇真 d，原來佢成身都咬傷晒 .................

雖然有 d 殘忍，但係我都想係佢死之前同佢影返幾張相，

如果唔係都唔知仲有冇機會 lu。

其實我同佢影相個陣，

佢係我手上面奄奄一息，我覺得好心痛，

唔知以為佢做 d 咩

琴晚都仲見到佢好地地，今日就冇端端變成咁，

真係百思不得其解 !

之後我幫佢洗下 d 傷口，減少細菌入侵。

我都係第一次幫倉鼠咁洗傷口咋，

唔洗都唔知佢流咗咁多血 !

跟住我都唔知可以為佢做 d 咩 lu，

就唯有將佢同其他倉鼠分開。

咁樣搞一搞都搞到我冇晒心情溫書 lor，

咪留係屋企，睇下返學之前佢既情況會係點先。

結果，佢真係支持唔到，死咗 .....................

可能因為試過見過自己 d 倉鼠死，

所以而家都變得欲哭無淚，

不過個心始終都會沉咗一沉。

每次將佢地掉去垃圾桶個下個心都好難受 !

點解每次都係咁突然 ?

今次仲要係俾其他倉鼠咬傷到死，

之前明明都相安無事，一晚就變成咁。

次次我都覺得係自己既責任，

係我成日都忽略佢地先會搞成咁。

plz，可唔可以唔好再有倉鼠死呀 ?

佢地既生命已經好短暫嫁啦，

我想佢地可以老死，

唔想佢地再死於非命啦 !

TODAY 'S 歌詞 :

N / A

之前話要俾心機去解決屋企既問題，

仲話要勇敢去生存，唔再逃避。

講就容易，要實際行動就有一定既難度。

因為我都係人一個，

我仲要係一個唔係咁堅強既人，

信心會好易就動搖 ...........................

經過一輪既思考同掙扎之後，

我好似諗通咗一 d 野 ~

就係盡好自己既責任，其他既野就交俾天父啦。

咁講好似有 d 不負責任，有咩事就交俾神，

但係的確有好多野唔到我地控制。

所以只要做好自己既本份，

神自然會有佢既安排。

我一直都認為一個軟弱既人先會信神，

到而家我都係咁諗。

我所指既軟弱並唔係能力上，而係心靈上。

未係基督徒之前，

我會覺得有咩事都係自己解決，唔會靠任何野，

以為自己咁樣就係好堅強，

但係事實就正好相反。

係信主之後學識咗唔好自誇，

人係軟弱既，我相信冇人係未有過寂寞孤獨既時候。

同埋有時真係唔可以太執著，

就算你做足 100 分，但都未必會得到 100% 既野。

呢樣野正正係我需要去學習 !

拿得起怎會放不下 ?

我知道我既力量係好微少，

但我真正需要在乎既係我可以做幾多至岩 ~

其實呢 d 都只係我既一 d 體驗，

我都唔知自己咁諗係岩定錯既 ....................

不過我好肯定，

而家我先至開始真正咁去體驗人生 !

因為每日總有新發現 ^^

TODAY 'S 歌詞 :

如果有一天你要去旅行
就讓我們從那天起重新開始

有沒有發現當你覺得目標就在眼前
其實還很遙遠呢？
到底要走到那裡.
沒有終點的日子該如何是好？

如果不斷飛翔
累了的話
就休息一下吧
我就在這裡

如果有一天你要去旅行
就讓我們從那天起重新開始

你要一心一意相信光芒？
還是畏懼黑夜？

如果持續飛翔的羽翼
無法展翅
就讓我給你溫暖

一定有某人需要你
需要你的人
一定隨時在你身邊
微笑

如果不斷飛翔　累了的話
就休息一下吧
我就在這裡
如果不斷飛翔　累了的話
就休息一下吧
我就在這裡

大家都將出旅遊
那一天終將到來
不在乎拋棄所有
就從這裡出發
我們的故事
充滿不安和希望

( Depend on you (10th Anniversary version)  - ayumi hamasaki )