|
眨下眼 5 日假期就放晒，
放埋今日聽日就要返學啦 !
呢幾日自己做過 d 咩都唔係好記得，
好似咩都冇做就過一日嘞。
等我諗一諗返先 ...............................
星期六 ( 12 月 6 日 )
朝早去咗自修室溫書。
冇計啦，冇錢去玩 ma，咪要去溫書 lor，
有錢既話，睬你都傻 
溫溫下，表姐就打黎問我打唔打邊爐，
反正我今晚餐冇飯食，所以就應承咗 ~
溫到 6 點鐘賭就出表姐度嘞。
阿欣今日 open day，
咁我出去表姐度都會經過九龍塘，
所以就約咗佢出黎嗲兩句。
嗲到咁上下我就去表姐屋企 lu ~
原本諗住淨係打邊爐，都冇諗過要過夜，
但後尾因為我爛玩，所以最終都係過咗夜。
不過我阿媽都有表姐度，同我一齊過夜，
佢仲同我地玩埋一份 tim ~
我仲比平時飲多咗少少酒，不過都冇醉到 ~
星期日 ( 12 月 7 日 )
瞓醒個陣已經係點幾兩點，
之後同咗表姐同表姐夫去食牛腩。
因為佢地話個檔 d 牛腩好好食，
所以就帶咗我去食，不過真係好好味 ~
食飽之後我地去咗鑽石山行，
親表姐夫去爆可既期間，
我仲同表姐講咗 d 心事 ...............
啊，終於都講咗出黎啦，
哈哈，講咗出黎之後成個人鬆晒 ~
我相信表姐一定會幫我既 !
跟住因為表姐約咗佢 d 朋友，
所以我都返屋企 lu ~
返到屋企都係用下電腦。
估唔到阿 B 哥哥會搵我出黎食飯，
我好耐都冇見過佢啦 !
不過唔知係唔係因為晏晝食得飽得滯，
所以冇胃口，所以我淨係飲野。
點知返到屋企有大閘蟹食 wor，正 !
星期一 ( 12 月 8 日 )
因為上水個自修室冇開，
我又唔識去粉嶺果個，
所以今日就柄係屋企過 ...................
星期二 ( 12 月 9 日 )
阿媽放假，佢約咗四姨 + 另一個姨姨飲茶，
佢見我冇早餐食就帶埋我去嘞 ~
食飽之後我就走先去自修室溫書。
溫溫下書發覺 d 文具神神地，
所以就 sd SMS 問下阿茹得唔得閒一齊去教協。
好彩阿茹話得，所以我就出咗旺角嘞 ~
哈哈，我買咗好多野呀，
有文具，有零食，買咗成百蚊呀 
不過都可以有排都唔洗入貨 lu ~
之後仲同阿茹食臭豆腐 tim !
阿茹又 lai 咗野 = v =
佢唔小心整咗 d 豉油落件風褸度 !
呢次令我記返起岩岩識阿茹個陣，
佢食親雪糕個底都係穿既，
次次都食到好「呢啡」。
所以我地得咗個結論，
就係阿茹係唔適宜係條街度食野 
返到屋企就搞大 project 嘞，
不詔唔係學校個 d ，係我自己既。
就係將我 d 駁髮拆晒佢 !
因為 d 駁髮太麻煩嘞，
而且 18 歲，梗係要搞下花臣啦 !
原本我諗住去返我駁個度拆返 d 頭髮既，
但佢竟然話要收 $100，咁我梗係唔制啦 !
於是我搵咗我個好大佬幫我拆 ~
拆個頭都用咗成個幾鐘 !
我個大佬真係唔話得 
拆晒 d 駁髮真係爽，洸頭個陣唔洗就住就住。
不過而家個頭唔長唔短，好怪，
究竟去唔去剪頭髮好呢 ?
星期三 ( 12 月 10 日 )
約咗阿 YIU 踩單車 ~
不過因為要接我姪女放學，
所以就要約晏 d 嘞。
我都係第一次接我姪女放學咋，
佢精力太好，返到屋企我已經成個人散晒啦 @.@
見仲有 d 時間，就打去單車舖問下租單車 d 野，
因為我未試過咁晏去租車，
所以驚唔夠時間踩 !
我前後打咗兩間，
第一間 d 態度唔係咁好，好似想 cut 我線咁。
第二間就超好，好到同我吹咗成個幾字水，
仲話下次去幫親有靚車用 tim，哈哈 ~
雖然唔夠時間冇得踩單車，
不過我地都去咗唱 k ~
阿 YIU 唱歌真係好好聽呀，
好似去咗聽 concert 咁 !
其中佢唱咗首歌我好鐘意，
係陳奕迅既「我們都寂寞」，d 歌詞好正 !
我都放咗上黎，大家可以聽下 ~
TODAY 'S 歌詞 :
趕著下班的計程車 一嘯而過
下班後不想回家的我 誰要理我
很多年之前我問 朋友來陪我 有誰來愛我
買醉的時候你認識我 最後還一起生活
為怕寂寞我們做了很多 最沒空寂寞
偶遇你之後我說 想有人愛我 就有人愛我
可是我 我不知道想要什麼
不知道擁有什麼 可能我們都寂寞
迎面一個老尼姑走過 把路燈看破
有你在家裡苦等的我 難道比她幸福得多
現在不想下班的我 沒愛好難過 有愛算什麼
我恨我 我不知道想要什麼
我不知道擁有什麼 可能我們都寂寞
走過馬路的我說 一個人寂寞 兩個人寂寞
可能我 我不知道擁有什麼
而我又缺少什麼 我還怕什麼 OOH 怕什麼
我不知道愛算什麼 YEAH
而我又算什麼 我們都寂寞 ( 我們都寂寞 - 陳奕迅 ) |
好多甜品呀 >.<
