好耐都冇打日記啦 ~
呢一排都發生咗好多野，有 :
1. 送咗份價值 $599 既 MP4 俾阿媽 ( 6 月 7 日 )
2. 屋企黎左隻葵鼠 ( 6 月 9 日 )
3. 考完試 ( 6 月13 日 )
4. 第一次姐妹團聚會 ( 6 月 13 日晚上 )
5. 今日去咗踩單車 ( 6 月 15 日 )
總括黎講呢個禮拜就係發生咗呢幾樣野。
6 月 7 日係阿媽媽生日，
之前應承左佢話出咗糧就買部 MP3 送俾佢。
係 6 月 6 日個日係 am730 見到有直銷中心既廣告話開倉，
一部 MP4 都係 $300 ~ $400，
所以考完試就去個度睇下嘞。
原本諗住買係 am730 見到既 $400 個款，
但之後個 sales 又推介左另一款 MP4 俾我，
佢話呢款夠抵，功能齊，個芒又夠大 ( 成 3 吋 )，
我試過覺得幾好咪買 lor ~
開頭幾驚阿媽會唔識用，好彩阿媽都鐘意部野，
而家都用熟咗部機 ~
以前都係畫下卡，整下野食，
今次係我第一次買禮物俾阿媽咋，
早幾日仲要請佢食飯 tim，算係咁啦掛 ~
係 6 月 9 日阿媽冇端端拎咗隻葵鼠 ( 天竺鼠 ) 返黎，
佢話係佢公司同事俾佢，
原本個同事係話俾隻倉鼠我阿媽既，
但個同事搞錯咗，將隻葵鼠當做倉鼠，
阿媽都係拎到番黎至知，所以唯有收養埋隻葵鼠。
由於我而家冇影相既功具，所以就搵咗 d 葵鼠既圖俾大家睇下先啦 ~
哈哈，而家屋企好熱鬧呀，有 3 隻倉鼠，1 隻葵鼠，
2 隻龜同 10 條魚，仲有 2 個人 
捱咗成兩個禮拜，係 6 月 13 日終於考完試，即刻成個鬆晒 ~
3 個月既暑假，正 !
晏晝同 iddy 試咗 pizza hut 個下午茶餐，都 ok 抵食既。
之後原本諗住睇戲，不過 d 場既時間唔岩，
所以冇睇到，改做行街，到 8 點就去姐妹團聚會。
因為我冇咩經驗，所以都冇咩意見可以提供。
有 d 姐妹以前都見過，佢地全部都好好人。
今次聚會之後，我分配到既工作係揀歌同menu 既 design。
而原本表姐按排我結婚當晚既工作由 行行企企+迎賓 亦轉為 秘書+迎賓 
下次既聚會係 8 月29 日，唔知到時有咩進展呢 ?
今日我就去咗踩單車，原本諗住琴日踩，
但琴日天氣唔穩定，所以取消咗。
今日終於有得踩啦，好彩冇咩落到雨，
又唔太曬，踩得都幾舒服 
有人冇錢咩都要我俾，不過算啦，
話晒都係我叫佢出黎 ......................
踩完單車之後，返咗公司睇更順便攞支票 ~
之後再同個窮鬼去沙田食飯。
今日成日都兜緊圈，首先大埔食午飯 -- > 沙田踩單車 -->
係大埔交車 --> 去九龍塘返公司 --> 沙田食晚飯，車錢都蝕死 
今日好開心呀，有得玩又聽到愛情故事，好充實。
另外今日有種好強烈既感覺，
其實人一直也是在尋找認同自己的人吧 ?
唉，聽日又要返工啦，hea 咗半個月，唔係好想返工 ........
最近重要迷上咗打 online game，試過有幾日玩到朝早 6 點先瞓，
玩到日記都唔得閒打，我就黎打到走火 入魔啦 !
somebody HELP !!!!!!
TODAY 'S 歌詞 :
我們到底在為了什麼而彷徨？
在旅途的终點 我們到底在期盼些什麼？
你到底在懼怕些什麼？
你又到底在悲嘆些什麼？
你的頭腦快被雙眼倒映出的影像所支配的話
請快聆聽心中的聲音
現實總是戲謔地玩弄我們
但你看 在其中還是隱藏著你獨自的答案
若有無法填滿的思念
那便是你親手製造的
你到底要走到何處
才能找到真正的笑容？
裝作準備好接受敷衍了事的快樂後的反動
現實逃避該到此為止
正因為是情報和誘惑大肆充斥的這個時代
因此我們才要進行各自的選擇吧
你深知 創造是從破壞中誕生的
現實總是戲謔地玩弄我們
但你看 在其中還是隱藏著你獨自的答案
若有無法填滿的思念
那便是你親手製造的
正因為是情報和誘惑大肆充斥的這個時代
因此我們才要進行各自的選擇吧
你深知 創造是從破壞中誕生的 ( talkin' 2 myself - ayumi hamasaki ) |
