今日阿媽同阿強哥哥都放假，
因為下晝會有個櫃送黎，( 屋企又多件新傢私 lu ~ )
所以今日屋企都係好熱鬧。
朝早同阿媽出街食早餐，之後就同阿媽一齊買餸。
返到屋企想溫書但又溫唔入腦，所以索性唔溫，
等時間過之後去會考 !
其實溫書溫唔入腦既原因仲有一個既，
就係我又轉咗部電話，
部電話既年代我諗同小妍子個部有得揮 >.<
因為我而家呢部係我阿嫂既，
佢突然間話想攞番部電話黎用，於是就同我阿哥講。
之後我阿哥就叫我打俾阿嫂問下佢可唔可以借俾我用多幾個月，
但係我唔想打，因為我覺得既然阿嫂都開到聲話想番部電話用，
咁我打唔打去都係一樣姐。
但我阿哥話我借人野就應該俾 d 禮貌，
打俾阿嫂問下好難為咩 ?
唔知點解俾阿哥咁講完覺得好委屈，
既然阿嫂想攞返咪俾番佢 lor，冇謂強人所難。
我寧願打俾我 d friend 問下佢地有冇舊電話借都唔打俾我阿嫂。
咁樣可能真係冇咩禮貌，但我真係唔想打。
好彩阿媽都撐我，鬧返阿哥轉頭，
仲話寧願攞錢出黎粗粗地買部電話俾我都好過要我低聲下氣求阿嫂。
為咗我，搞到佢地鬧交，我真係覺得好唔開心，
如果我冇唔見到部電話大家就唔使咁煩啦。
最後我阿哥都借咗佢部舊電話俾我用，件事先叫做解決咗。
其實我都諗住出糧之後買部 iPod 同 DC，
所以我而家對電話既功能都冇咩要求，講到就得嫁啦 ~
雖然攞出黎用個陣會俾人笑 ..............
不過冇所謂啦，笑咪由得人笑 lor ~
到咗差唔多四點個櫃終於送黎，
又要我幫手，雖然為屋企出返分力係好應該，
但係今日真係好熱，搞到「身水身汗」，
搬完之後重要勁肚餓 + 勁攰。
求其食兩啖麵就夠鍾出門口考 oral，抖都冇得抖。
我冇聽 kevin 教既方法去試場，聽咗阿媽果個，
點知就出事，行咗大半個鍾都搵唔到路去，爭 d 遲到 !
結果都係要搭巴士先去到，有驚無險。
估唔到去到竟然冇位坐，我搵呢度搵得咁辛苦，
去到仲要我罰企，搞錯 !
個冷氣仲要開咗好似冇開咁，
真係幾驚附近既人會聞到我既臭汗味 
因為上年有經驗，都知要等成個鐘先開始嫁啦，
由緊張都等到唔緊張 lu。
等到 7 點半終於都開始，
首先甲部個 part 都唔係好難，係有一兩個字唔識讀姐。
考完甲部返去備試室，
見到隔離組 3 號個女仔份試卷有隻唔知係飛蟻定飛蛾既物體癡住，
fing 極都 fing 唔甩，好搞笑 
哈哈，好彩唔係飛落我度，唔係我反應肯定超大 ~
之後到乙部嘞，題目大約係你覺得
1.領導才能
2.品行修養
3.學業成績
4.受同學歡迎程度
邊一樣對於選學生會既領導黎講最重要，邊一樣又最唔重要 ?
我覺得呢條題目對比起我之前問 d retake 咗既人考既題目，
真係簡單好多，佢地個 d 題目分別係「安樂死應否合法化」同
「男剛強、女溫柔」呢個講法仲適唔適合而家呢個年代呢 ?
我連安樂死係咩都唔清楚，如果我考呢一條，都唔知有咩講。
可能今次條題目比較易，所以都發揮得好過上年。
而且我今次考試一 d 都唔驚，反而好投入落個討論度 tim ~
整體黎講，我都滿意既，但唔知成績如何呢 ?
考完之後一身都鬆晒，之後我仲死唔信邪，
係都要行番去沙田火車站搭車，
雖然我一到夜晚就認唔到路，
因為 d 建築物個樣好似幢幢都差唔多咁。
不過都俾我行到去火車站
係途中，仲發生咗件開心事，
就係我見到個外國人踩緊單車，佢個膊頭上面又有隻貓，
我見佢隻貓咁定，咁都唔趺落黎咪 o 晒嘴 lor ~
點知個外國人冇端端同我講「你好 ~」，
咁我咪又應返佢「你好 ~」。
哈哈，真係好 funny ^^
其實呢個世界好大，洗咩因為個 oral 搞到自己咁緊張 ?
考試好小事之 ma，咁都驚，做唔好，
點做 d 更有意義既野 ?
人，果然係有趣既動物。
因為每個人都有屬於佢地不同既故事。
每個故事都是值得去聆聽，去學習的 !
「連對方的存在都會尊重的人，
一定會是個值得大家尊敬的人。」(by AYU )
TODAY 'S 歌詞 :
選擇一個適合的笑容
說出一串頭頭是道的台詞
腦中卻是一片空白
該是時候別再假裝自己失去了感情
沒錯人是無法獨自生存的
如此理所當然的一件事
沒錯少了愛叫人如何生存
事到如今才再深刻體會
說什麼都要怪這樣的時代
這算是哪門子藉口
把愛把夢想
掛在嘴邊
並不是一件丟臉的事情
到底是對誰說的話
到底是為了什麼的過程
活著到底是怎麼回事
如果說真有正確的答案那未免也太無趣
不需要再迷惘
我很清楚該守護的是什麼
已經無法再回頭
這些我早就明瞭
沒錯我會一再重新站起來
障礙不妨把它打壞就是
今後仍大有可為不是嗎
只要道路仍在
門不妨將它打開就是
沒錯人是無法獨自生存的
如此理所當然的一件事
沒錯少了愛叫人如何生存
事到如今才再深刻體會
說什麼都要怪這樣的時代
這算是哪門子藉口
把愛把夢想
掛在嘴邊
並不是一件丟臉的事情
不需要再迷惘
我很清楚該守護的是什麼
已經無法再回頭
這些我早就明瞭
沒錯我會一再重新站起來
障礙不妨把它打壞就是
今後仍大有可為不是嗎
只要道路仍在
門不妨將它打開就是 ( INSPIRE - ayumi hamasaki ) |
