考完試,一切都已成定局,科科都死得好慘,雖然科科都合格,但係就無科考得好,所以就好低落,人起唔開心ge時候會做咩?
 

當然去玩啦,所以我今日就去左黑沙燒野食,雖然係唔係我都會去玩,於是我今日晨禁早就要起身出發(雖然係8點,但係對於我泥講,星期ge 8點係好早),同立宇拎住13.5kg水加12kg汽水,行到鬼死禁遠去坐車,當一個人拎住13.5kg ge水仲要係兩邊唔平衡,因為係三隻水,你會發現原來一條街係好鬼死長,當時我真係好後悔,點解我要簡拎水.........
 

崖到去車站,朗左成個鐘,看到立宇已經進入左嘔吐三部曲ge搵樣階段.....
 

終於都到左黑沙啦,不過拎水的故事仲未完.
燒烤區同個車站ge佢離真係.........點解唔整多個站係燒烤區到......
 

辛辛苦苦去到,打算偷番隻雞翼吃,但係估唔到,炭同食物就到左,但係帶打火機戈個就仲未到,成班人去左揾打火機,係e個現代社會,生個火都禁難?人類真係退化左......
打火機係千呼萬喚之中,終於買到返泥,成班餓鬼以光速ge速度燒著d炭,...就算無炭精(e加買炭唔送炭精,真係奸)又如何,無野可以左只我地整好個爐,可能係今日好乾燥,d炭超快就得,但係都係因為今日好乾燥,所以與其講燒烤,不如講係張d食物炭化.....我打算坐享漁人之利,不過我唔想食炭,又要迫我e個神手出場,比佢地見色下咩叫燒雞翼,比佢地見色下咩叫金黃色....
之後又試下d金針菜,又幾好食,..不過之後唔知邊個白痴加d蜜糖落下..,整到佢變到超難食
 

之後去拎左法克部新dc仔(相機)去影,我比番佢戈陣已經無左一半電,我用左成個鐘都無事,但係叫我小心d ge 法克就自己整花自己部機..........(搵日upload番相比你地睇)
 

之後去左玩火星撞地球(唔知你地知唔知係點玩),佢地又唔知死,係要簡我,令到佢到連敗,我真係好對唔住佢地,但係因為連敗三場有懲罰,所以我一定要嬴.......
懲罰就係沙灘版獎門人踏住上,聽落好簡單,但係法克要比個同差不多重,可能重過佢添ge肥燕踏上去,見到佢都覺到佢辛苦,再加上我同幾人傻佬ge人肉配樂器,我相信法克一定好難忘......
 

玩完之後,咩都沒,除左生ge野食. 炭又無網又無,碟又無,蜜糖又無..不過又如何,因為無人想拎d野食番去,所以我就燒多次,無炭,無網?唔緊要,有得買,..無碟?唔緊要,用石紙...最後終於都食完...
之後,又朗左成個鐘,番返屋企....