我近排打咗好多"+oil", "加油"等鼓勵溫書嘅字眼,
其實跟本未溫過.........T^T
老媽子話:"你都幾聰明(?!!!)嘅....." <<<聽到人讚我好開心xDD
"....不過就因為懶(!!!!!!)所以退步喇!!!!!!!! 要勤力d(!!!!!!)溫書啊....(下删一堆勸勉說話)" <<<咁佢又講得啱嘅...xd
".....唉, 算啦, 我都知你唔會聽人勸嘅喇, 總之要考好d!!" <<<你知又要講咁多?! - -"
時間過去咗就係過去咗, 都冇得返轉頭,
惟有喺剩餘嘅時間裏面俾心機啦!!!
始終溫書係睇狀態, 效率, 吸收能力, etc嘅,
時間跟本唔代表一切....
(如果你要把握時間溫書, 咁你做乜仲要上咁耐網?)
都話電腦係姜太公, 佢都唔駛擺魚餌, d魚就願者上釣!!!
之後我要擺動身體, 進行激烈嘅掙扎,
同我又愛又恨嘅姜太公道別,
為求返落去我嘅書海裏面, 我先有生存空間...
我愈接近陸地上嘅世界, 就會呼吸困難, 下場就係...死
其他魚類表面深表同情, 為我進行喪體,
心裏面暗呼"抵死", "自己攞嚟衰"
我會葬入深海區, 長眠於大鴨蛋棺材, 滑溜嘅蛋漿陪葬,
身上印上"F", "A", "I", "L" 四個象徵冇翻身餘地嘅英文字母
抬頭, 依然係游來游去嘅魚, 少一條, 反而冇咁逼.......
我下定決心, 永遠唔要做嗰條魚!!!!!!!!
|
