之前回覆過Y生嘅blog,
話少人黎睇都可以係一件好事,
至少可以講多d"真話", 唔駛理睇嗰d人點諗...
但係返黎自己嗰道, 就開始覺得後悔咁回人地xd
上一篇目前為止, 只係得1個人睇過---仲要係唔知乜水
( 其實Y生算好嘅喇, 至起碼有人回! )
就算係打黎for自己"抒情",
都會在意有幾多人睇過自己嘅"抒情片段"
又有邊個能夠完全唔理人地嘅睇法?
每個人都想自已係寶石群裏面最閃嘅一粒,
為你安最高價格, 用最強燈光照射
尋日同helen一齊入去間餐廳,
服務對象係中至高消費群,
人地兩個要好多碟餸, 爐端燒, 天婦羅, 擺滿成張枱,
我地兩個要一碗拉麵, 兩個碗仔, 一齊分,
人地用咩眼光睇我地我地唔理,
總知食完就埋單閃人, 真係好爽-v-"
( P.S. 尋日音樂會好開心呀XDDD" )
好想好似尋日咁嘅態度, 扮冇事繼續打blog,
咁嘅態度未必好, 但至少可以暢快,
成日顧慮到人地, 真係好攰...
又有邊個真係能夠完全唔理人地嘅睇法?
每個人都想自已係寶石群裏面最靚嘅一粒,
為你安最高價格, 用最強燈光照射
人人都想做嗰種寶石,
受重視, 受注視, 受愛戴,
因為人人都鍾意嗰種寶石,
願意重視, 願意注視, 願意愛戴.
( 講到呢到諗起浮誇呢隻歌 )
咁講法可能你會覺得好誇,
其實每人唔多唔少都會有呢種諗法,
視乎每人嘅程度如何......
又有邊個真係能夠完全唔理人地嘅睇法?
既然呢種諗法係天生嘅, 凡人點可以完全冇呢種諗法?
要做到咁嘅"修為", 大概只有得道高僧?
用番首尾呼應,
一開始都提過自己個blog拍烏蠅-0-
再咁自言自語落去真係相當冇癮-3-``
所以, 喺不敵"人地嘅睇法"之下,
我決定停blog喇!!!!!!!!!!!!!
係暫時停一停, 可能遲d仲會打...
( 一諗到我喺呢道宣佈停blog都冇人知,
就覺得好悲哀.../0\ )
|
