要講下一件我極唔"鋸"嘅事:

尋日我去尖沙咀食飯,

食飯之前行商場,

行商場嘅時候同阿媽影相~

我見個人影完相,

就行快幾步去攝位啦,

又揮手叫阿媽一齊影,

到我同阿媽擺好甫士,

有個女人擋喺個鏡頭前面,

一開始仲以為佢唔知有人影緊相,

點知佢同阿爸講咗一輪之後,

我同阿媽就要讓佢影咗相先-0-

佢仲要講:"要教下個細路識禮貌!"

原來佢一路都"排緊隊影相",

我冇留意佢喺道排緊隊就衝咗出去, 係我唔啱,

但係佢講"要教下個細路識禮貌!",

就真係嬲到爆,

小姐, 我都講咗句"好對唔住"啦,

駛唔駛咁寸啊,

一句寸我冇家教+寸我阿爸阿媽唔識教女,

d咁嘅野都up得出, 你就真係冇禮貌+小氣...

佢可以好聲好氣話:"唔好意思, 我一直排緊隊"

都唔駛擋住個鏡頭擺款仲要寸爆人?

聽阿爸講佢同佢個bf其實喺道較緊鏡頭,

咁即係佢自己慢咗出去啦= =

諗諗下越諗越興,

覺得自己唔應該講對唔住,

其實佢就咁企喺道, 鬼知佢喺道排緊隊喎.....

ed商場影相spot都係邊個埋位先就邊個影先,

未必人人都要跟佢嗰套,

佢都冇埋由人地唔跟佢嗰套就鬧人地\3/

我大可以寸翻佢:"八婆係你行得唔夠快之嘛=P"

我阿媽話:"算啦, 講對唔住係有家教嘅表現"

我咁大個女第一次俾人話我冇家教啊, 去死啦.....

聽到嗰句覺得好唔舒服,

無啦啦俾人咁樣踩咗腳............\[]/

寫完出黎舒服咗d...-3-