好攰, 超攰, 爆攰, 喪攰................(<--好似學緊盧翠儀)

今朝8:00開始賣旗, 賣咗3張貼紙(總共俾咗5張貼紙, 每張有50個"旗")

起初留守陣地(葵興地鐵站對出),

後尾同主席一齊行落葵芳, 一路行一路賣,

經林士德去葵芳街市,

跟住去葵芳邨,

跟住去葵芳地鐵站對出嘅小巴, 巴士站,

跟住入隧道, 去工廠區,

跟住去葵芳運動場,

跟住去街市,

跟住經林士德返學校會合mayso,

旗袋好重-__-" (雖然對比dennis, mucus, 我ed係小兒科...佢地竟然賣哂d旗!!!! 痴線!!!!!)

抖咗陣就去睇dennis, mucus, vincent佢地點解可以賣咁多旗,

於是又撐埋入葵興邨........(睇下係咪真係咁多人買旗)

最後同mayso, 主席行上去交旗袋, 搵路搵咗好耐-3-

賣旗好好玩耶~~

d細路好鬼搞笑, 問我地一支旗要幾多錢xD

喺運動場有2個細路, 一個俾$10, 另一個仲勁, 俾$20, 鬥豪 XDDDD

今日都學咗好多野~ (我係第1次賣旗^0^)

下晝練solo, 凳都冇張可以坐-___-`

今日8:00先走囉!!!!!!!! SxxT!!!!!!!!!!!!!! 肚餓到吖= = 對腳企到好攰.....

尋日對住成班唱好緊張, 把聲好緊, (勁失敗!!!!!!!! >0<)

今日淨係唱俾ms lee聽又好正常- -"

英文歌都幾ok, 但中文歌d低音唔知點唱好,

我之前試過用好多力落去唱,

但高音變咗好難上,

ms lee嗰陣時叫我唔好谷得太行,

雖然音色好靚, 但驚谷得多會上唔番高音;

跟住我就唔敢用力唱低音,

但係又變咗聽唔到;

e+我盡量用厚d嘅聲黎唱,

但d音都係唔夠出, 唔夠明亮....

惟有用喉嚨聲唱先至唱得好聲,

不過佢之前都講咗, 唔好谷咁多...............

唉, 都唔知點好/0\

我係Soprano吖嘛.....低音梗係差d架啦-3-

我今日猛咁問自己,

唱歌唔見得係太重要嘅野,

我都唔係唱得好好聽,

點解要為咗嗰幾粒音而用咁多時間去練?

為咗練choir, solo就冇咗好多時間,

咁樣做真係唔太值得...

e+叫自己唔好諗咁多, 要實際d去諗,

去到呢個地步已經唔係"應唔應該", "想唔想"嘅問題,

唔練都練咗,

之前用咁多時間練, e+唔練就前功盡棄,

反正仲有1個禮拜就賽,

呢拜忙完就回復正常~

ADD OIL!!!!!!!!!!!! 到時唔要緊張, 要攞獎=D