講起老華僑
真係好多野講
其實不單住97移民潮
八十年代都係一個好多人移民既時代
既然呢個blog係留美幼童手記
今日就一邊食綠茶雪糕
一邊講下老華僑
超市減價$2.99買既
哈哈係香港成四十幾蚊一盒仔~
你地唔恨得咁多架喇........
.................................................
講起老華僑
首先老華僑以我所認識既
都係鐘意講野,鐘意教人野,無說話技攻(可能少講廣東話)
當然有d華僑真係好好人
真係忠於中國人幫中國人呢個原則
大概可以分做三類
第一類係溫和親切派
顧名思義
一睇到中國人就好開心
好有親切感
就算唔係太認識既都吹兩嘴
講廣東話嘛-.-
太耐同無人講廣東話唔舒服
哈
當然啦
呢類華僑好鐘意講故事
想當年又得
美國新聞又得
連條街點去都教埋你
佢地多數都好好人
當你有困難既時候
都係真係會幫你既
...................................
第二類就係老知識份子派
基本上呢派既華僑係比溫和派再主動d-.-
唔理你識定唔識
都講一大輪
即係啊媽教仔咁仔
由零開始
但係
佢地有一個好嚴重既問題
認叻!!!
點解我咁講呢
因為佢地真係好鐘意認叻
就算有d野大家有共識
明知架喇
都要當人地係唔識既
例如:
讀邊間學校?
中太平洋學院
哦!!個間呀!!好貴架喎!!好少功課架嘛!!
運動好屎架嘛係咪呀?好鐘意收外地生架嘛
究竟係你讀緊呢間學校定我讀緊呢間學校呢?
佢地仲好鐘意否定人地講既野
例如:
咦,個度有間餐廳都ok架喎
個間呀?唔好食既
上上年我地去過,一d都唔好食
唉,真係無野講-.-
.......................................
終於黎到賣飛佛
最後一類
就係極端霸氣派
真係唔知點開筆好
因為真係好多野想講
請原諒我拉拉扯扯
首先呢一派係比起上兩派再極端好多
佢地不單止多野講,無說話技攻,認叻
佢地仲好鐘意晒命
除左乜野野都講乜野野都教你
仲要乜野野都要同你爭
爭到佢係第一先肯收手
例如
咁你識講日文?
識少少啦...真係好少架炸
我個女呀
識韓文日文西班牙文
p.s.真係聽到我火都黎埋
第一,學一種語言
學到識聽識講
起碼都要一段好長既時間啦
第二.識一種語言
係要識聽識講囉
好
聽落去
我:哦.....咁幾好呀
佢:我個女有d日本同學韓國同學丫嘛
咪識囉..
.......
屌!!!
..........
另外一樣野
佢地好鐘意打斷人既對話
好似兩個人傾緊計
一搵到岩位俾佢發揮既
就即入
仲要發表成個鐘既理論
雖然係咁
佢地仲好鐘意做一個動作去認威既
當有人響電話
拎係度講個時
佢就係時候出手
舉高隻手叫其他人收聲
................................................
唉
真係吹漲........
以上所講既野可能凈係發生係我既身上
但係事實上華僑係外國
有好多都係表面風光架姐
[無計因為係大陸既金山客呢三個字造就左咁多華僑既金山夢]
真真正正衣錦還鄉既華僑
絕對唔會係以上三種人...
希望第日去多d美國其他洲
繼續研究我既老華僑論
.............................................
下篇預告
美籍華人 - ABC論 |
