最近真係好多野睇唔過眼

想發下牢騷...

.......................................

最近睇緊蔡瀾既一本講美女與八婆

丫

又諗起原來自己身邊都有兩個八婆

呢兩個八婆基本上係日日lunch都過黎睇我地班男仔食乜野

有好野食個d

就會扮晒野咁問佢要

最重要係佢地有野食個時自己哩埋食

我當然都有時俾佢問啦

開頭都無乜野

俾咪俾

後來真係唔掂

好煩-.-

女仔問已經一d妤持都無

搞到好似我屋企隻細狗咁

一諗有野食就跟住你,望實你

咁做真係同隻狗無乜分別

有時就算係一個飯糰

佢地都要one bite

唉..........

..........................................

又再發下其他牢騷

host無啦啦同我講水費問題

由於係第一次講水費

我第一個感覺就係

今個月水費高過average

佢就同我同隔離房個日本仔講

叫我地洗碗個陣唔好開咁勁個水龍喉

其實都係同我講緊

因為我鐘意開大佢沖乾乾d

話d水濺出黎

就係浪費..

跟住又話沖涼個時

唔好開凍水

凈係扭熱水個個既水溫

因為同凍水溝熱水

就係浪費

唉

其實

呢d措施慳得到幾水?

再者

我絕對地肯定自己用好少水

男人沖涼點會過十五分鐘?

電費我真係唔敢講

水費我一定用好少

唉

呢個host真係好孤寒........

不過最後個句

意見接受

行動照舊!

..............................................

最後一個牢騷

就係發覺呢度chinese food既waiter

每次我同佢地講廣東話

佢地係聽得明

但係死都係要同我講英文既

唔好逼我用茶餐廳術語呀

..............................................

哈

無聊星期日又黎喇

大家好

我係家政最強既PL Wong

今次再整安格斯牛配牛油焗薯/牛油燭磨菇

...............................................

今次呢四件牛都唔夠雪花

不過平野

算啦 嘿嘿

.......

就咁睇係咪好似一個金蛋呢?

哈哈

薯仔要飛飛水

.........................................

忽發奇想

就一牛四味

由下開始

黑椒味,牛扒味,''算''蓉味,香草味

試下會唔會有驚喜

............................................

第一次試整焗磨茄

今次整番上次既呢個焗薯

.......................................................

搞掂

焗薯仔今次唔知點解個薯仔d味怪怪地

反而焗磨菇正到喊....

牛扒都係不過不失

諗住一牛四味都係無乜分別

下次試下''業''耐d

係咪好吸引呢?

最後都係要對住部電腦食-.-

最近真係無乜野講

日日番學放學-.-

除左呢排係學校講多左廣東話之外-.-

都無乜特別野

.........

為左唔好令各位長期支持我個blog既朋友失望

我唯有講下

人

........................................

呢個世界真係咩人都有

正所謂一樣米養百樣人

有時覺得自己遇到既係最賤既賤人

或者最好既好人

其實

呢個世界仲有好多種人

你係估都估唔到既

出到黎之後

真係遇左好多唔同性格既人

或者咁樣先令到我自我保護意識太強啦

唔知呀-.-

............................................

首先講下d sport guy先

J先生

J先生既性格就係自大,叻唔切,要型但係好柒

佢最鐘意踩人黎抬高自己

點樣抬高自己?

就係講人地d衰野

再講自己d好野

佢最鐘意就係講自己國家有幾多好野

人地國家乜野野都無咁

呢d野都要認叻-.-

.........................................

佢某次叫我夾band

傻豬黎既,本身想打救你啦,仲點會同你夾呢

但係佢不斷地煩我

最後我忍唔住問佢

究竟你彈左幾耐?

兩年無練過,但係我日日keep住抹

好,工欲善其事,必先利其器

gd

如是者

佢有次又問我係咪買左新BAss

佢又開始認叻

但係佢仲要唔識扮識呢下好野-.-

哦,原來係呢枝

幾好呀呢枝

咩牌子?

真係屌左出聲-.-唔識咩牌子你又話好-.-

跟住又話

呢個牌子有平有貴架喎

後尾又話

其實牌子唔重要,最緊要彈得舒服

講完喇,依家係時候到佢自我讚美時候

其實就好似我個枝咁丫,d線好軟架

大佬-.-邊有電結他線係硬架-.-?

最後佢睇到

咦你有四個pick up喎

我個枝有六個

.............................................

再講多個sport guy

呢個sport guy Y

係個刷鞋仔

佢最鐘意

就係叫其他日本仔stop speaking Japanese

但係轉頭就同佢地講日文-.-

由於佢係棒球隊既關係

佢操一口流利''英文''

佢成日學佢地講個d英文

但係我覺得好難聽-.-

佢最鐘意就係上堂個時

當我地有字唔識去問老師個陣

佢就搶住答

話知道點解

有時,仲好鐘意問人地

知唔知呢個字點解呀?我就知喇

........

某次佢又對某老師刷鞋

佢刷鞋既方式

就係狂同個老師吹水

當一定程度之後

佢就以為自己做左老師身邊既大紅人喇

佢同個老師堂上吹水

吹完之後

就分組活動

佢就坐係度乜都無做

以為個老師超鐘意佢唔理佢

哈哈

點知個老師走過黎同佢講

你係度做咩?唔好以為你乜都唔駛做

.......................................

有人同我講

你咁Rock,唔屌柒佢?

係,我係Rock

但係我唔想教精佢地

你咪當我無膽或者咩都好

我覺得係我個blog度

分享下

俾多d人知道呢類人

我一人話佢

大家一齊話佢咪好咩?

有時候

大介懷呢種人對自己無益處既....

收埋心裡,得閒拎出黎笑下...

夫復何求

呢排真係好懶

乜差都唔想做.....

日日放學就係想番歸訓覺

攤上張床想訓晏覺

一係俾人嘈住訓唔到

一係就訓唔著

夜晚訓得好唔好

四五點就醒左

嗚下嗚下又唔係訓又唔係醒咁

就起身番學

.....................................

呢排發現一隻即沖既iced coffee

特別既係係用牛奶黎沖

仲要凍既都無問題

沖出黎真係好好飲

但係其實似咖啡味牛奶多過凍啡

是但....好飲就得

..........

上個禮拜口痕想食炒飯

就走左去附近一間chinese food

八蚊買左盒炒飯....

都唔會諗住好食架喇,不過算啦,鬼叫你羅有恆想食咩

點知又幾好食喎...仲有d美景揚炒既feel tim

不過最憎個waiter我同佢講中文

死都要用英文應番我既

真係好無禮貌,串我唔識講英文咁

............

繼續羅有恆地行超市

漫無目的咁行又俾我發現左d野

哈

呢個真係貴野黎架成三蚊包架大佬

硬既,一咬就變粉,好似食砂糖咁-.-

最後結論:搵笨

.........................................................

今日host無啦啦話有日式蛋糕食

哈

日本仔最鐘意據為己有

講真味道比香港d西餅淡

唔岩我口味........

..............................................

呢排好積極於音樂

日日都玩口琴

BAss有少少累唔想彈-.-

今日有人聊我夾band

隊band日韓人都有份彈keybroad

d人又唔係太黑人憎....

本來係好事黎

但係唔知點解我一d都唔想夾......

唔知係對事定對人

我覺得呢隊band好快就嗌交收場..

唉

諗番起

上年岩黎個時

周圍搵band搵人夾

最後一個都搵唔到

個時仲好灰

依家反而有都唔想夾

凈係想對住電腦做下cover就算

真係可笑..........

唉

真係唔知自己會變成點

我乜野都無晒喇.............

.................................................

下個禮拜出去琴行一轉

睇下有無學hawaii小結他既書.....

今朝晨早就起左身

唔知點解好q肚餓............

跟住6左個麵做早餐

晏晝就出去街頭表演

................................

本身都淆淆地

真係驚無人理

無人鎊水

都算

勃出去

.....................................

一去到就set野

當然有最重要既錢兜.......嘿嘿

個amp擺左係身後面

入面d錢係自己擺入去既~

無錢入面既話太過自卑

..........................

跟住就開始跟住itouch彈

開頭真係狂炒粉

手都震埋

真係怯場架-.-

話晒都好似乞食咁哈哈哈

.....................................

後尾彈彈下就越彈越順

行過d人都望下就算

真係彈左一粒鐘一個崩都無.-

有人同我講話黎睇我

點知最後都係放我飛機

仲好

我唔想人黎睇我彈

........................................

越彈越悶個時

就開始望人

一路彈一路望

我發覺呢區都幾多得閒人

全部都係買杯咖啡坐係無野做

話時話

坐係度都睇到好多人生百態

.......................................

首先試過有個啊叔

行過對住我微笑

買完咖啡仲坐係我前面睇我彈.....

不過唔知幾時走左lu....

...................................

跟住黎左個啊叔

帶住副黑超

橋埋雙手

皺住眉頭咁睇我彈

成個星探咁.....

最後發覺佢原來等緊人-.-

....................................

仲有一個細路

呆左咁望住我-.-

後尾俾佢啊媽拉走左

.....................................

有個人行埋黎就話I like ur Bass

但係由於我聽緊ipod聽唔到佢講乜

佢仲特登講多次-.-

......................................

有個超市職員

佢工作係出面排好d手推車

wow, nice bass

哈

做野之餘佢都想偷下懶掛....

跟住叫我彈某band既歌

我唔識喎大佬=/=

...................................

仲有一抬既大學生

坐左係度做功課做好耐

當我彈mr.brightside個時

無啦啦停左

問我個首係乜歌

.....................................

最後隔離房個日本仔終於黎左

因為佢應承左幫我影

依家先發覺原來我個都幾Rock  嘿嘿

枝BAss真係型

.........................................................

最後真係一個崩都無

除左日本仔可憐我俾左0.75

哈

完...................