最近又係無咩野
hea得就hea
有得玩就玩
不過老實講咁樣都幾悶
我都唔知點解
係呢個地方真係
想做好多野都無件事搞掂
當然首當其衝既梗係呢度既生活節奏啦
同呢度d人做野既效率有莫大既關係啦
第二係自己真係無咁既動力去做
嗯.....雖然好似係度賴咁
但係自己係香港又真係咩都快手快腳搞掂晒
我諗我真係呢世都好難住係d鄉下地方
.......................................................
最近留意到好多新聞
Msn將於3月17號正式結束
老實講真係好唔捨得
諗番起以前中學一放學就係on msn
又成日轉背景呀轉頭像咁
最難忘就係周圍copy人地個d on9表情,跟住周圍sd俾人
哈哈
想當年小弟仲係用緊pre-paid儲值卡,而sms係要收錢既
真係打電話講多兩句都驚無錢
哈哈哈
加上當年既電話又無依家smartphone可以用wif咁方便,無論屋企學校,甚至m記都可以借wifi
當年我部LG神機係街度隨時隨地上網簡直係妙想天開,更加唔洗旨意周街可以whatsapp人
所以哩係屋企玩msn就成為左我毒撚之路既第一個phase
....................................................
我仲記得出國第一年
個時仲係15歲-.-完全唔適應呢度既生活
自己一個人,又無朋友又孤單
msn就成為我唯一對外通訊工具
由於時差既關係,我真係試過捱眼訓就係為左等d fd on可以陪我傾兩句
就已經好開心
..................................................................
時移世逆,短短三兩年既光陰
就已經無人再會用msn (ICQ更加唔知幾時開始已經無人提都唔記得)
取而代之既係facebook messanger, whatsapp, WeChat等等既應用程式
我諗大家覆機既速度絕對地比係覆msn快只少一倍
有d咩野都可以即時share
連去個廁所都可以自拍張相whatsapp俾個fd睇下......
點好似msn咁收張相,又要插usb連接部電話,跟住sd過去又龜速呢?
..............................................................
回憶.....總是美好的
不論快樂或難過既時間都總會過去
想當年捱眼訓等人on咁on9既事我已經無再咁做
當然,走在潮流尖端既我,梗係有用Whatsapp,wechat周圍去煩住人
但係如今你on一on msn,或者已經發現你既朋友已經全部灰白
只係得番你一個線上
但係以往既友情,會永遠留係"你已接收檔案"既紀錄個度...........
感謝Msn紀錄左我人生所有難忘既回憶
|
