二零零七年，和團不經不覺都有十二年歷史了．時間真的過得很快！這十二年來能令我覺得和團最大改變的事就是決定將和團的根據地搬往偉智，因為在這過程中認識了一群很有潛質的小朋友，而他們亦正是現在和團的主要球員．雖然當中也許有些球員離開了我們，但我都一樣很懷念他們，因為他們都曾經為和團努力付出過，都給我們開心快樂過．．．．．．
現在我會在有空的日子裡逐一講述我對他們每一位的感想－－－－
今日的主角係－－－－張凱迪
張凱迪，我通常叫佢做迪仔或者迪迪既，叫得咁親切係因為我同佢既關係真係好熟！熟到你唔信ｔｉｍ．．．諗番起同佢係點認識既，其實同佢一早已經見過面喇，係好耐以前，佢仲係得果８歲就已經同周偉傑２個一齊踢波喇，果時我都係得果１２歲咋．．．記得果時我覺得佢將來既成就一定好西利，到我地都大左喇，終於又係花墟再次撞番．今次我終於叫左佢入和團踢波．記得果日係２００５年８月１０日星期三，果日呢．．．佢就係花墟一號場練緊Ｍ記，我就同我師父菠蘿心係二號場練緊波，記得佢應承我踢得隊波既果一刻我開心到爆，因為林智鋒岩岩離開左我和團．當時我有必要搵番個９０年球員番黎！好在最後我都成功左喇．．．之後我同佢既關係發展得好快，比預期中快得西利．好快我就同佢係９月８日食左第一次晚飯！仲係佢主動約我食嫁！所以我好開心，之後我仲記得因為佢同家豪仔買左部ｐｓ２比佢玩，果時我真係咩都錫哂佢．無耐佢就成日都黎我屋企玩同過夜，由朋友情變成兄弟情既感覺好正∼之後我同佢差唔多日日都見面，一齊踢波一齊食飯，短短年幾但已經經歷比人多，果種開心快樂係無辦法去形容既．而我同佢都係一個好感性既人，好容易為大家而落淚．．．其中曾經發生過一些難忘既事情，但咁樣反而給了我同佢考驗，事實上我地既兄弟情六經得起考驗既，仲因此而增加左我同佢之間既感情ｔｉｍ！係某ｄ事入面令我同佢都長大，我發覺我唔可以無左佢，無論踢波定去玩，我知道我一定唔可以唔預佢，因為我覺得無佢會好似爭緊ｄ野咁！總之我希望我同佢既情係永遠都唔會變！ |
