謝安琪(Kay)、孫耀威(Eric)、張敬軒、關楚耀(Kelvin)及鄧健泓齊齊向《東方》讀者拜年，恭祝各位牛年好運及身體健康，已為人母的Kay坦言新年最愛派利是，絕不受金融海嘯影響縮水，實行皆大歡喜。
謝安琪日前與同門師兄弟孫耀威、張敬軒、關楚耀及鄧健泓拍攝賀年專輯，Kay希望五月的處女演唱會可以做到盡善盡美，她說：「自己冇乜大騷經驗，希望同各方面合作順利。」
Kay在過去的頒獎禮成大贏家，問到牛年會否感壓力？她說：「唔會，咁好成績唔係預計之內，只希望日後簡單做唱片，其他嘢唔諗。」Kay坦言最愛派利是：「見咩人都派，好享受派嘅過程。(會唔會再生ＢＢ？)唔喇。」
Eric計劃踏紅館
Eric揚言已為牛年計劃一連串工作，他說：「希望喺呢兩年可以踏上紅館同推出國語碟。」其實Eric在過去十年，不斷在內地搵銀，大可以隨時退休？Eric卻說：「唔得，仲有好多嘢想做。(結婚、生仔？)將來一定有呢個機會。」
軒仔則表示即將榮升老闆，並封自己為「魚蛋王子」，他說：「同阿媽合資搞魚蛋檔，賣小食。(係咪做歌手收入唔夠？)市道唔好，計劃吓喺第二度有冇出色嘅表現。」至於「最受歡迎男歌手」是否牛年目標？軒仔說：「唱歌事業一路都係咁做，唔係發力就得，要靠天時、地利、人和。」
另外，計劃多多的Kelvin承認曾為冇獎而不快：「都有唔開心過，好多人話獎項唔緊要，但對我嚟講係一個肯定。」