今日約左妳一點九係妳屋企樓下等..
之後去左銀座睇戲..
一路行果陣一路係到講歐陽惠怡d衰野...哈.
之後買左兩張4點既翻生朱羅館...I13同14號位
果陣仲好早..所以去左同妳食m記...
今日食左100蚊m記....
魚柳飽...餐...麥旋風...
食完去左搵妳契媽...
幸好今次冇乜客..唔使點阻住佢做生意..

返返去睇戲..
check飛果條友真係好麻煩..
又要妳去拎張學生証出黎..又唔用貼紙相.
唔俾用貼紙相..買飛果陣就唔好賣俾人啦....low b..
最終都係入左去...
坐左陣..
之後開場..入到去先發覺原來係好前..omg..!!
成套野都ok搞笑..初初睇有d似恐怖片...睇睇落又冇野..
迪迪仔..力斯..羅羅....

睇完都成6點..
陪妳去買袋...打左俾阿關...過左屯門...
我就叫妳打番屋企話今晚遲一個鐘先返..
打去果陣..先知妳dad出左事...
不過又話唔使去探佢..
去左置樂...睇到個袋..但係冇買到..
之後去左搵阿關.....友愛.

都唔知點解次次同妳去親屯門都係有d唔開心既野發生的..上次係咁..今次又係咁..
上到阿關屋企...食杯麵....真係好頽..星期日都要食d咁既野..
同阿關開酒果陣...界左隻手指...即標血....好彩我都有d常識...知道點處理...
落左佢樓下打千秋...見住妳打果陣果樣真係好好笑.
嘟哂咀咁...哈哈.........

打完之後搭叮叮..751..
阿關仲問我係唔係送妳返屋企..= =
我唔送妳...唔通佢咩..哈哈

去左7-11....知妳今晚點會夠食丫..我都係..呵~
買左兩串魚旦...去左公園...
十足十好似係公園偷情咁...
sweet sweet..

送埋妳上樓..妳第一次搭電梯攬住我ja...
哈..勁開心...不過真係唔捨得law...
出左電梯..又攬多陣...
約左妳下黎緊呢個星期日去玩ga..唔準反口呀..
睇住妳入屋...妳阿媽開門第一句...成日叮噹叮噹..妳冇帶鎖匙咩?
例牌行去妳門口聽下有冇事發生....見冇聲...我就閃人..

落到樓下...收到妳電話...哈..真係好開心..
因為呢個係妳第一個話返到屋企會打俾我既電話...
仲聽到妳阿媽話...洗澡啦...冇錯..係洗澡..唔係沖涼..係洗澡..哈..
之後我妳就去左洗澡lu..

今日..胃脹冇返工...
但係去左搵妳..
十一點到左妳屋企..
依舊都係買唔到炒米粉..
買左兩支乳酪...
上到去妳就係到洗衫...
我就係到玩電腦..聽歌..

差唔多成三點出去..
去到叮叮站..
妳俾番$68蚊..佢..都唔知佢係到做咩..

去左搭969過去...
原來妳唔搭得巴士..
下次都係同妳搭西鐵..

去到銅鑼灣..就同妳去食炒米粉..
兩碟星米...哈...
之後妳話睇westwood...
行左銅鑼灣地帶..
點知睇唔岩..又話睇岩之前果花花袋..

一路我都知妳好悶好唔開心...
我只好係到講聲對唔住...
一向搞爛gap既我...竟然函氹唔到妳開心..
老婆大人..唔好嬲啦..原諒我吧..
等我下次睇定多d笑話...

去左影貼紙相..
一d都唔靚..
照樣過膠..

之後聽到妳話搵妳契哥..
我個心都跳埋出黎...
因為我知道...我悶親妳..
但係妳又諗唔到去邊...

落到mtr..妳話想食三文魚壽司
買左飛之後...又改變主意..
黎左我到...

之後睇左陣電視..
九點一個字送左妳返屋企..

搭mtr+西鐵...
中途妳講既野已經係我心入面...
唔想打出黎..
x(..

傻婆..唔好唔開心啦...
妳一唔開心就會亂諗野ga..
妳仲記唔記得妳上次打俾我果d野呀?

因為妳媽都知我地d野..
so我送埋妳上去..
我知妳都好驚佢..
所以都叫我睇住妳入屋先好走..

我見妳入左屋...
靜雞雞係妳門口聽下有咩動靜..
聽到妳話有打過三次返屋企...
再等多陣..我見間屋靜哂..
我都安心咁走左....

最後想同妳講...
我對妳的愛..永遠都不變.
我愛妳~~小潔~~(0o0)

六點起左身..咁早起身做咩..入西貢....
起身搞好哂d野...臨出門口果陣..
寫低左兩頁紙, 係電腦打左點睇"踎低噴飯"..同埋話妳知去邊..
仲有準備條毛巾...新既牙刷..
放哂係床隔離..
之後我就望左妳一下訓得咁舒服既樣...算啦..都係早去早回唔嘈妳啦..
諗住妳平時都訓到十點幾十一點...今日都差唔多啦..
最後落埋窗簾..等太陽唔會射住妳..
細細聲閉門..走人..

八點鐘..妳打左黎..嚇得我..點解妳會咁早起身ga....
搞到我個心唔安落...做咩都掛住妳...
決定早走...
交低哂d野俾人...閃...
由八點開始..每半個鐘就打一次俾妳..睇下妳點..做緊咩...
終於..十一點多d返到去...
打去叫妳開門果陣...
妳個傻婆呆左係到..見到妳個樣..搞到我鬼咁心痛..
攬到妳實一實..feel到妳好想喊...可能妳悶到傻左...
換衫...同妳食左件黑森林..
之後妳叫我睇妳d信..同埋部電腦...仲有個日記.
睇左之後..好感動..但係又好開心...因為妳將心底既說話講哂出黎..
之後攬住妳..哈哈...真係嚇死妳..其實..我都好擔心妳係到唔知會唔會有事...
跟住...開爐俾妳沖涼..我就係到睇"噴飯"..
之後一齊睇左陣"噴飯"...
換衫出去..睇戲...食炒米粉..

落到mk...去左買飛先.."鬼差"
之後去左食炒米...點知去到冇...就轉左食炒麵...

食完去左買包炸魷魚..入到去岩岩開左畫..
都話左驚果個係妳啦...哈哈..捉到我鬼咁實...
如果妳同妳契哥去既...實蝕哂俾佢law...到時我就心痛死law...

原本妳今日都係諗住同佢行街..不過哈..俾我捉住妳...唔俾妳走..哈哈...
有時都唔知妳做咩成日要同妳阿哥出街....唉...搞到我鬼咁緊張..

之後去拎番部903sh..哈..太開心..啦...
落左新之城影貼紙相..影得好靚...醜的是我..哈哈
打左五蚊拳..差少少爆到記錄...算啦..狀況唔好...
行左旺中..同妳買左鏡, 髮夾..耳環...我地既眼光都係咁有taste..哈
最後買埋包木瓜奶同海哲就去左搭車..

妳個傻婆..成日都唔想返屋企..
但係冇計啦..妳聽日又要返學, 唔係既我是但妳返唔返..
但係聽日返學一定要返...
我都知妳驚...驚妳媽唔知會對妳做出咩...
但係我今日係教會一路同妳祈禱...就係為左呢件事...
希望會冇事啦...咁我就放心啦...

妳話過下星期日約左我ga...唔好到時又話出唔到呀...
不過聽到妳話星期六唔去嘉年華..而係去同阿關shopping...我都幾開心既...
至少唔使蝕底俾妳契哥先...呵呵.
如果係真既都唔錯ga...
希望可以快d到星期日就好啦...
老婆仔..冇我係妳身邊..妳要小心呀...唔好蝕底俾人呀..唔係既我會傷心ga >x<

傻婆..我唔準妳再提3月14日我呃妳既事..知冇*?

今日係返左工之後第一個星期六
一早約左妳去街街.....
尋日問妳又話唔去睇戲..果陣我心諗..黎我到打邊爐都好wo..
之後我都係照舊咁係妳屋企樓下等左妳成半個鐘到啦...(算快..哈哈)
之後原來妳係幾經辛苦先出到黎..因為妳全定都係到= =

首先去左銀座..妳話要睇心想事成...鬼差...
兩套野都鬼咁晏先有飛...
我就話..出去mk先睇啦...
又問妳想唔想黎我到...
妳又想黎我到..又想去睇戲..
咁我就話...睇完上黎打邊爐law....

之後去左搭巴士..69x
去到mk...新寶...oh shit...最近一場18:00....跟住都係冇睇到...
去左食豬手麵..妳就食左個墨魚丸河...
食完就去伊滕定..買左一件朱古力脆筒, 一件石板街, 仲有件tiramisu...

又去左搭mtr...見到妳口中既潮州仔...同埋兩個女仔一齊行...都唔知佢點解之前要煩妳...
去到石硤尾街市買料...雞, 豆腐, 金菇, 生菜, 芋絲, 好多丸...太健康...啦..

返到屋企就食餅..妳淨係食左件tiramisu...石板街都有少少...件朱古力就..我食哂.=.="

入房玩左陣...之後都成七點半...開始打邊爐...兩公婆真係好好feel..哈哈..一路睇"我要做model"
八點半果陣妳打左電話返去話..九點返到屋企...而家係屯門...哈哈...

十點幾果陣...妳要走...留左妳好耐都留唔到...因為冇reason..
等左陣63x..我就話冇車ga啦....其實點會咁早..諗住冇車..妳咪唔使走law>.<點知架車又黎...

搭車果陣..我話..一日未返到妳屋企..妳都可以返轉頭...
之後去到藍地..(好遠呢)....落左車...過對面搭車返轉頭..(開心死我啦)
有少少無聊.xd..

我就沖涼...洗埋d碗..妳就係到玩電腦..搞搞下都兩點幾..妳話要聽呢首歌...果隻歌咁.= ="
原來攬住妳果陣..係最滿足ga....哈哈..
四點幾訓左..^.^

年初八

今日係最後一日見妳...初初都冇諗過會去搵妳

一早係澳門搭七點船返hk...個個都問我點解咁早....耕田...哈
食完盤菜...之後諗諗下都係入黎搵妳啦..順手俾埋d手信妳...

兩點半係妳屋企樓下..等等等..三點九...本來同ci mei慶祝生日既..初初都推左...
原來妳係一直係到睇住我..知我係到等妳...點解妳唔早d落黎睇我..連電話都冇個...正衰人

見到妳就即刻俾哂d手信妳..唔鬼拎...好重...
之後妳話去輕鐵站..好啦..知妳今日做功課緊要...搵里家...第三個唔想見既人..
之後我叫妳去圖書館做功課..里家又唔肯...正一pk黎..係都要去妳屋企...怕樣衰就唔好搞到個頭咁啦...
唉...等左個半鐘..見得幾分鐘...心都痛埋...
之後我發妳脾氣走左..
估唔到..妳係唔會理我...成日話點點點....一眼就睇得出..妳係點啦..
我又係唔甘心...返轉頭跟住妳...係妳屋企樓下出現...
之後妳叫里家自己行住先..妳就同我去左冇人果邊...俾左個goodbye >3<...咁我都走得開心d..

事後我一直係到諗..其實妳落黎都係為左我d手信姐...妳根本唔想見到我...係咪呀...?
但係後來又諗番..如果妳係同我去圖書館既...妳一定做唔到功課..所以我都算數啦...

之後去左搵ci mei佢地lu...五女二男...哈..無計...身邊不乏女性朋友...

年初七

同妳玩到五點幾先訓...原來妳個傻婆係到睇住我訓...
話我上次睇住妳訓...今次妳要睇番我..哈..傻婆
我就十點幾起身..妳就十二點到啦...
之後妳要食糯米雞, 蝦較同燒賣..我就落左去買..妳就係到沖涼..
之後係到到功夫足球...一路睇一路食.....好好feeling...
食完就食埋雪糕..好味...不過變左質...都照食..哈哈..
初初妳話三點半要返到去...但係妳係一個冇咩時間觀念既人...
係我房玩妳個msn...見到咁多仔..真係呷哂醋...偷偷地抄低左妳契哥msn...
又抱左妳落床..發覺我越黎越細力...有d抱妳唔到既感覺..
之後攬左陣...五點幾送左妳返去...
入到天水圍落雨...俾妳老豆發現我地一齊...好彩果陣..咩都冇做到..so冇事...
之後我飛去搭巴士...睇下趕唔趕到七點半船...
真係一切係我掌握之中...Meishusama THX....
買埋船飛加禮物..岩岩好入閘...
一落船都係諗幾時得閒買手信俾妳...
之後就去搭的士搵阿盈..佢今晚幾靚女..可惜..她有男朋友...

慶祝完之後去佢個fd 個fd到過夜...zzzzzzzzzz

初六

原本諗住今日同妳玩得開開心心...影好多相留念ga ma....點知...

今日十二點入到去接妳..見到妳另外一個fd...阿關...佢都好識做...唔係到照住我地..哈....呢個fd唔錯丫...份人...仲幾有錢tim..
搭搭下西鐵果陣..我地都冇理到佢...佢一個人唔知行左去邊lu..之後佢自己去..

去到金鐘果陣..妳話俾個驚喜妳契哥...點知最後係嚇到我...
一路搭車果陣...妳都話唔會唔理我...唉...妳又反口啦...

我俾左部大婆俾妳..保持聯絡..
由m記跟到去摩天輪先出黎相認...傻既都知我係跟緊妳地啦...傻婆...不過妳阿哥可能未必知..哈哈..
我去到果陣..估唔到妳地玩緊摩天輪...但係係妳身邊果個唔係我law..勁無奈...
唉...已成定局...咁我就去玩果射波..射左隻99公仔俾妳...
之後妳同我講左句.."我今日想玩得癲d..不如我地今日以朋友既身份玩丫..呢句說話...簡直同殺左我冇分別"..
之後我就一直做左觀音兵...跟住妳地..係後面一路跟...
見住妳同佢行又一齊, 排隊等又一齊, 一齊傾計, 一齊玩, 我真係好想問妳一句..究竟佢係妳男朋友定我係?
妳完全無望返轉頭睇我係邊...我真係覺得好心痛好無奈law...朋友wo...朋友都可以理我ga 麻...
妳對佢冇feel 姐, 佢對妳有丫麻...我係後面咩都睇到哂啦...初初佢唔知我地係咩關係...我搭妳膊頭..佢又跟住...
簡直就等於將個女朋友親手讓左俾人咁law...睇到眼花爆...
情侶關係就唔可以玩得癲d既?

自玩完第二次激流後至到玩過山車..我都一直冇出過聲...因為妳根本就無當過我出現...每次等妳地玩緊果陣..我都妳驚佢唔知會對妳做d咩...我真係好驚...
去到玩青蛙跳...一入去排果陣我都話得兩個人玩...妳係都唔信...賭妳又唔敢賭...之後妳去問個工作人員...之後我就幫妳地拎埋d野出去等...好搞笑law...出緊去果陣...另外一個staff問我做咩唔玩law..我咪話多左我一個出黎...唔通話d咩jet...
之後我一路都係冇笑過...黑口黑面..唔使妳講我都知..
俾在妳係我...見到我同第二個女仔玩得咁開心...我相信妳都會一樣..係咪?  妳仲叫我精神d...妳精神俾我睇丫...\./

最後妳玩左跳樓機...玩完之後..係到影下相..唉...我只不過係想同妳玩一次摩天輪姐...咁都唔得..
結果同妳一張相都冇影過...咁就走左...
一路行果陣...我首要都係解決左妳契哥先...之後妳又話要返屋企..
唉...d人講過又唔算數...又話黎我到...應成左我今日一定會黎..就唔好反口啦..唔黎既妳咪唔好應成我啦...
我同妳講..我已經冇理妳成日啦...妳話想開心玩一日, 我都俾妳啦...妳而家又黎呃我..講到果陣..我個心好痛...
之後我知道妳既苦衷...都求左妳一陣...去到地鐵站果陣..蹲左陣俾妳諗諗..
結果...妳講左句...死就死啦...之後我都開心返d...因為我知妳好驚...我話會冇事...因為妳係同我一齊....第二個我唔敢包

去搭104..差唔多到果陣..妳個pk 契哥又打黎...俾左妳聽..一傾就一個鐘...妳都未試過同我傾咁耐...心都淡哂law>...<....
我沖好涼..吹埋頭果陣..妳都未傾完...好彩我部電話冇哂電...熄埋...呵..我叫佢熄ga...
之後妳都冇再理過部電話...啦..哈...

年初五

妳話今日要去做功課, 咁我又見冇野做, 入黎幫下妳啦
點知妳個衰婆...竟然約埋阿怡出黎....唉..又有人同我爭女啦...
好心佢就叫埋隻米出啦...

我黎到之後等左陣, 妳就落左黎....
初初妳又話唔理阿怡既...點知妳都係打番俾佢...
等埋佢...又黎一個三人行...

妳話想影貼紙相...但係怡都係到...好似唔係咁好wo...
好彩佢都識做...>3< 老婆錫哂妳
影完又去搵妳契媽....嗚嗚...
佢間鋪咁q細...我入左去咪即係阻住佢做生意law***成日都話我唔想入去....勁無奈law/.\"

跟住妳就話唔舒服...同妳去左m記到坐..我係諗住果陣妳做少少功課...有得交差麻...
妳去到飲左個可樂= =....妳既面...面青口唇白....真係好嚇我...

行左去睇"門徒"...又一無間道feel....都ok bored.....同雙子神偷一幕既黑老鼠一樣....嚇到妳驚...哈..老婆仔不宜...
睇完...去食妳想食好耐既米粉...本身妳話想食日本野...但係怡係到...我又唔想俾多份錢wo...so對唔住呀..下次同妳食番
去左阿一燒鵝到....妳同怡都係叫左雪菜肉絲米....我就係雞扒飯...太愛了...

食完送左怡去搭車...一路行果陣..我想妳黎我到..點知妳又唔得...不過妳應成左我...聽晚黎..都好啦..哈哈..>w<開心....
之後送妳返屋企..我就走lu...

今日係年初四
一早起身落去買送....因為今日我老婆黎我到食飯...哈哈...我親手煮ga...
買左好多野...西籣花, 雞扒....仲有菜心...蕃茄粟米蘿白薯仔..煲湯
買齊哂野就返屋企整啦..
之後打俾妳...入黎搵妳lu...
等到都唔知幾點....上到我屋企..四點幾到...
入左我房玩左陣...我就動工...哈...點知..最後落水重手左...咖哩雞冇乜味= ="
不過真係好sweet呀..可以兩公婆一齊食飯...哈..
食完..其實我真係唔想妳走ga...
去到深水步...我問我留妳既話...妳會唔會返轉頭....妳竟然話會...但係我又怕妳會俾人鬧...所以都係算啦...

送到妳返去...例行公事...哈哈...>88<

一早係教會拜完年返屋企..頂唔住..訓左陣...之後落去搵阿媽食飯..收到兩封利是...
之後打俾妳...妳就問我一陣去邊...咁岩我地都係去mk...哈...就約左我係mk等啦..
我就順便買番部新電話...唉...

就係呢部...softbank 706sc...
U Are Not My Tea.......

買左之後..打俾妳..都諗住妳差唔多到...點知.仲係上水.. = =..
我一路係到等..等成個鐘...係新世紀行左成個鐘...
打又打唔到俾妳...
之後搵到妳果陣..原來妳唔識行去上水火車站...
呢一刻..我由旺角搭火車入去搵妳..哈..妳終於等左我一次..哈哈..
妳個樣真係好唔耐煩...哈哈..笑死我...
入飛都唔識既傻婆.好彩對閘開左...我偷偷地出黎..好大男人咁..捉住妳教妳入閘...= ="
之後出左旺角..我話過...我會搵到妳想食pizza果間野出黎...
妳真係好無耐性...行一陣就頂唔住..哈..又係到唉聲嘆氣..哈..
傻婆..我係唔會呃妳既...話搵到..就搵到啦...
之後上左去食..真係好好食..好過pizza hut.....叫cpk....

食完妳就叫我走先..唔使我送妳返去...我仲以為咩事...原來妳要買襪...傻既...
我唔嚇得ga..妳唔好成日講d嚇我既野呀....我驚ga>..<
之後妳點都唔肯我陪妳...我就話係樓下等妳...
見妳都去左幾個字...妳知妳啦....路痴黎ga ma...
之後妳問我係邊...我話頭先果到...原來有人又唔識路..
哈哈哈...搞到我好心急咁搵妳...見到妳之後..即刻忍唔住攬實妳...真係嚇得我丫...仲以為妳去左邊...

跟住去左搭63x...>3<...

妳話如果我唔係妳身邊...妳話妳點算...屋企都返唔到..