今日入左屯門賣電話..所以有張全日通用...
好自然去一去妳屋企樓下..去到打俾妳...
叫妳望出窗口...妳話見到我..哈..但我睇唔到妳..近視...
之後係到坐左陣..同妳傾左陣..

本身妳話要去上水...點知又唔使去...
我返到屋企...妳話想去睇煙花..哈..勁開心..
即刻仆左入黎..三點幾...早知頭先唔走..係到等妳...今次妳係落得黎最快...

跟住妳又黎左我屋企..哈...>3<"
兩個人相處既時候真係過得特別快...
冇出到去睇煙花...睇電視算...
睇完....差唔多時候..我又送左妳返去...可能因為唔知幾時有得再見...有d唔係好捨得tim..

送到妳屋企樓下...例牌>3<
哈......估唔到...我返到屋企打俾妳...傾左陣..
果陣都成十一點幾...勁眼訓...
但係妳講左句...
唔好收線住..陪我傾多陣丫...即刻精神哂...哈哈...

我愛妳呀..老婆仔

呢日好忙...晨早起身打波...
一點落mk買褲同鞋..仲有買左個kuromi既散紙包俾妳...搵得好辛苦ga...唔好唔見呀...
之後四點仆返屋企...放低d野...衝左上阿婆屋企食飯收利是...
六點幾入到黎...又係要我等...一等就七點幾...
一路搭西鐵就一路寫信俾妳...

一路行左去新北..食pizza..果陣妳就睇埋我俾妳果封信...呵..開心死我..
食左個二人套餐..食唔哂...

成個商場都好少人..又去搵妳契媽..唉...
都傾左陣..就話去睇戲..都好丫..反正第一次同妳睇...睇左雙子神偷..
睇完都十二點到啦...妳話打的過元朗...20蚊多d....算啦.
wa..今年真係勁多人...往年..都冇咁多...而且間間都係吹氣公仔...真係吹漲...兜左一個圈..買左支鐵絲花..好襯妳...哈..
去左食糖水...真係好多人...咩都冇..我食左個雪耳木瓜..妳就要左菠羅涼粉...
食完又搭叮叮送妳返去..妳無啦啦同我講...做浩賢條女真係好...我聽到之後..唉...都唔知俾咩反應妳好啦...
等車等左總共十七分鐘..
去到妳屋企樓下..坐左陣..就88啦.
我返到屋企都四點...

原本約左妳十二點幾係天水圍等既
我黎到果陣妳竟然叫我周圍行下先...
但係等下一個鐘, 等下又一個鐘...最終等到三點幾...
個胃同隻腳就一路痛..
見到妳果陣...無情的一句..
妳話"我今日本來出唔到黎ga..好彩我個fd黎左..."
之後開始三人行....悶...
去到新北江..妳同怡又去左toilet成個鐘...
果時我個腦就係到亂諗野...
估唔到等佢半日..見就兩個鐘都冇..
心淡...

又係去左燉奶老到食野...
食食下...怡行開左..我就即刻拎d愛心朱古力俾妳..仲有之前準備既kuromi...
見到妳咁開心..我都妳似冇所謂啦..

食完行番去果陣..
我係妳耳邊靜雞雞同妳講..叫妳唔好郁, 唔好望, 繼續行...
我就拎條天使鍊戴係妳手..點知個扣睇唔到...始終都穿哂煲= =
越近妳屋企我就越唔甘心...情人節冇理由會咁...
去到樓下...當住阿怡面攬住妳>3<...好sweet....

之後我就去左追悼會..個心一路諗住同妳一齊...sweet sweet..
追悼會完左..八點半到..即刻打俾妳..先知原來妳唔係到..
我就估到妳會同怡一齊...就打左俾佢...
我同佢講好掛住妳...想見妳..估唔到佢真係咁貪錢...$300一個鐘...
不出我所料...真係好心痛...估唔到情人節..情人比不上朋友...心痛到極點之外..胃痛越黎越勁..
拿拿聲返到屋企沖涼..應哂d msn....食左兩啖飯..再食唔落...上左床訓...

一路痛到十一點,.....收到個電話...
係怡打黎...話妳地而家係新之城既7-11....叫我即黎...
我就九秒九著番衫...拎齊野..跑落樓...
15mins由石硤尾去到mk...真係破左世界紀錄...
去到打俾妳...係卓悅...
之後終於見到妳地..即刻開心番哂..
見到妳個樣死死下..就知有d野..
妳又話肚餓..想食pizza..但係十一點幾..收哂..
最終都係去左食sushi...元綠...係..又係呢間...
唔知點解..跑完之後..個胃冇事..真神奇..
叫左好多野食..分左兩轉叫..
食食下..佢個fd條仔黎埋..食完點幾先走..

周圍行左陣..初初諗住睇戲..但係最後一場都冇位...
結果上左我屋企..
......hea左陣..我就同妳入左房訓..佢地兩個就入左另一間房..

我攬住妳...講左好多心底話...太開心...
而妳都攬得我好實..仲話好幸福tim...哈哈..
四點幾...妳又話要玩啤牌..又起身玩左陣..
玩之前起身開窗..發現左個新鮮domdom..頂...我老頭大半年冇返過黎..仲有邊個丫...拎左掉落街...
姐姐仔..妳都唔知個阿米勁淫先得ga...見妳著住條裙仔..就眼都唔眨咁望到實...唔係我係到..妳俾佢搞左啦.
五點幾又訓番...我都跟住訓....
起身之後..真係好唔捨得...
真係好唔想返工..好想請多日假陪妳..
但係都冇......後悔......
我煮左個米粉食埋...搞醒左妳...哈...真係好可愛...>3<
到我出門口..交低我屋企d野點用 = ="
叫妳一定要lock好門..之後妳就好似老婆咁係屋企到煮定飯等我放工咁..哈...可惜唔係啦>,<

呢一日係我永遠都唔會忘記的...

本來約左妳三點三係屯門西鐵站等...等又再等...三點八打去妳屋企..阿b話妳出左去...
等到四點三到...終於見到妳..但係唔認得妳..
化到個裝厚一厚...成隻鬼咁...妳話我...我都要講ga啦..
真係好唔掂...
一見到妳..我就將我係m記辛辛苦苦食番黎既kuromi公仔送俾妳...點知妳冇黎表示...
淨係同我講左句...六點鐘到要走...要去人地屋企...同埋去卓爾居食飯...
聽到之後..我又係到倒數計時..

之後就行市中心..妳就一路傾電話一路同我行...唉...我根本就唔想係咁..
行緊果陣我想拖妳手..妳次次都避開我...
係呢個時候..我個心簡直就好似死哂咁...
一路係到諗d好唔開心既野..唔出聲..妳就一路係到傾電話..冇理過我...我feel到自己係觀音兵law..明冇?
落到吉島個food court到...妳話食麥樂雞餐..就同妳食左....妳又係一路食. 一路傾..電話...
我初初話唔食..但係最後都食左..因為我想快d走.....之後同妳行多陣..
妳都仲係一路拎住我部電話...兩部都俾妳傾到冇電...
最後送左扎金莎花俾妳...而家諗番起好後悔...後悔冇親手送俾妳...不過算啦
下年我會送大扎d俾妳ga啦...
第一次見到妳個fd..阿怡...妳見到佢之後...就即刻飛埋佢到...仲叫我走...心已死...淚已停留..

today冇返工...因為屋企有事..之後話過拎部電腦俾妳..
妳都好乖好早係屋企等我...
我四點多d到左...妳就整左水餃俾我食..yummi...
六點半前都係得我地兩個係到...呢種感覺好sweet呀..
一路幫妳整部電腦...整整整...
妳阿媽返黎...好就沖涼..話如果一陣妳阿媽問我係邊個果陣..我就答佢係李微婉既阿哥...哈...仲一定要叫佢做姨姨...
搞到我派唔到卡片tim...算啦....
妳阿媽一入黎...我望一望出去..之後佢就話...靚仔黎左呀...我就話...係呀..姨姨...真係唔好意思..打攪哂...
跟住佢都冇理我..佢搞佢d晚餐...搞完之後...佢就上床訓左..妳都出左黎...
妳沖完涼出黎果陣...真係好可愛..哈哈..........

我地一路就係部電腦前面整下相..睇下妳玩msn咁....一路教妳用fireworks....
九點鐘到就走lu...叫妳送我搭車..妳又唔肯...送左我去電梯口...都好啦
好唔捨得呀...走左幾部電梯..同妳影左張相...哈...>3<多陣..就離開左啦...

今日第一次去妳屋企...上到去..見到妳成日都提住既里家..
妳個傻婆3都未換..仲係到飲緊粟米湯..吹漲..
等下又半個鐘..三點半.妳終於搞好哂...
出得門口果陣...妳又話要去隔離屋= ="
又等左半個鐘...心都煩埋...

終於落到樓..諗住拖妳果陣..妳竟然避...我都估到妳唔想俾里家知ga啦...
又係去新北...為左同里家換條褲..妳真係好人既姐...
入到去勁多人...係呢個時候..妳行我前面..我地俾d人阻住行唔到...
係果陣..妳申隻手出黎拖住我...真係覺得甜哂...哈哈..我就係一個好易滿足既人黎...
之後換左褲...妳又同妳契媽吹水..
(其實..我唔想見妳契媽..係因為次次妳去親都同佢傾好耐...我唔想係我地兩個人既時間.有第三個出現..明唔明?)
跟住送左里家走..行返新北返去..又去搵妳契媽...pk!!!!!!!
之後中途又見到妳d 8婆fd...妳又傾左陣...佢地仲跟埋黎tim..
oh~~shit>.<"
之後妳叫我陪妳去搵行返學既捷徑...
行左原來都有成個鐘..一d都唔捷...最後上左叮叮去元朗.
之後都係行下..食下雪糕咁...
走之前..我送左隻全港第二大既kuromi俾妳...
之後搭巴士..276p..坐下層..妳唔坐得倒頭車就同我講麻...傻婆...
搭車果陣妳問我返工d野...話我份工好wo...(哈..都幾咁啦..)
送到去妳屋企樓下...妳都係果句..."我返到去打俾妳啦"

本來約左妳兩點鐘係美孚地鐵站等.
點知我去到美孚果陣妳先話要等個fd...
所以我決定走入黎接妳出去..我亦都打算以後每次都會接妳...
去到天水圍輕鐵站...等多一個鐘到啦..終於見到妳個傻婆..
哈..一見到妳..我就話...如果妳過左三點都唔黎..我就走ga啦..
妳打黎既話..我會話妳知我仲係到等緊..其實已經走左...因為果陣妳都唔係我邊個....
我等人..半個鐘已經好多啦..妳係第一個要我等咁耐既人....足足成個鐘..
見到妳隻手寫左我個電話號碼..哈...傻婆..妳就話"睇下我幾急咁出黎丫..頭先我個fd問我約左邊個咁緊張tim 呀"...哈...算妳啦..

我地就搭西鐵同地鐵出到銅鑼灣....我話過我今次要請妳食雪糕...
跟住我地就一路行sogo..附近...之後..就去搵雪糕店...
原來妳個傻婆果日病..病都要食雪糕...真係俾妳激死..
差唔多搵左半個鐘先搵到間雪糕屋...
食完之後..行多陣..陪妳係咁睇kuromi...因為我都應成左妳會買俾妳...哈..不過果日都係冇買到..

到左送妳搭車果陣...又係到諗巴士定地鐵....最終都係搭巴士...
上到車..上層後面岩岩得番兩個雙人位...真係好好彩..
之後妳話要訓覺...我就叫妳挨落我膊頭...但係妳話要趴係到訓...就趴左落我大脾到...
我都知妳訓唔到...去到西環...妳起一起身...我就咀左落妳到...>3<
之後妳又趴返低..再起身果陣...已經係到kiss緊..
落左車..好唔捨得..但係都要走..
係妳屋企樓下...強吻左妳一下...妳臨走果句 "又蝕底左俾妳tim..."

由呢一刻開始...我就注定妳係我既愛人..我要好好咁愛妳...無條件去令妳開心

今日係我同妳相見既第一日
當我就黎放工, 收到妳既msn...叫我出街..
但係經過上次妳呃我..我都有少少擔心妳會再呃多我一次..
仲要我入天水圍搵妳...
或者..呢個就係我地既命運安排..注定我要認識妳..

我三點半去到天水圍, 係天慈等左陣..
初初以為妳係好快落到黎...以為妳黎到見我唔到..所以走左...
冇幾耐..我見到有個女仔行左埋黎...心諗..如果係既都唔錯丫..好過之前d奇珍異獸...哈哈
我一路聽緊歌...妳就一路企係我隔離..
其實..我係想聽埋首歌先去問妳..."請問, 妳係唔係小潔呀?"
點知...歌未聽完, 妳已經開口問我.."你係唔係去新北呀?" "係就行啦"

之後我就跟住妳行左去新北...
其實我入黎真係為左好奇...同埋見咁耐都未黎過天水圍..想入黎行下..
我地去左新北...搵左妳契媽...又去燉奶老...妳食左最愛果到既珍珠撈..我就食左個雞排飯
之後行去銀座..經過噴水池果陣..妳係到自拍...雖然有d無聊..但都幾得意...
之後又返去新北..今日既目的..就係陪妳買對返學鞋...妳話妳三個月就會換一對...唔知我可唔可以陪妳買第十三對呢?
哈..點解係第十三對...?自己黎問我啦..
一路係新北行左行右..終於俾妳搵到心愛果對..去到個阿叔到...我話"賣哂ga啦..."點知開口中...哈兩對都係..妳俾我激死..哈

買完鞋之後..妳話要返屋企...咁我就送左妳返去...
去到巴士站..我叫妳陪我等車...果陣妳問我有冇近視...仲問我睇唔睇到對面間學校叫咩名...
之後妳就講左..中華基督教會方潤華學校....
"點解妳會睇到?"...因為妳每日都經= ="無耐..
跟住妳又話唔陪我等..話要返屋企...咁我都送左妳落樓下..自此..我就成日係妳樓下啦...
臨上樓之前...妳仲講左個大話....."我返到去打俾妳啦".........呢句說話...我已經唔會信...