我選擇了自修重考。八月尾已躲在自修室。

八月尾的自修室空空蕩蕩，空位多、同時也有很多怪人；有位西裝友的手機不時響、又有位退休老伯的屁股也不時響。明顯地他們每天到來也並非自修，他們拿著報紙，到差不多的時間便開始打瞌睡，看著他們的背影令我有點擔心，我的未來是否會像他們一樣？

半夜邊上網邊發呆，收到一個e mail、一首不知是誰唱的Rap歌歌詞，

「唔知你仲記唔記得
李白小時很懶惰
天天不願呀去上課
然后街上看見一個老婆婆拿著鐵棒慢慢磨
李白心裡很驚奇Why走上前去問仔細
婆婆話她說要磨一根針
李白聽了 What are nonsense！

李白佢心裡想鐵棒粗壯針而小
一輩子一輩子也磨不了
但係婆婆話只要你略有恆心、鐵棒定能磨成針！
李白聽了很感動從此讀書很用功
後來成為一個大詩人
多虧婆婆的好教訓

一首偉大
一首世人傳頌警世0既詩過0左咁多年依然
係街知巷聞係中國人都會知
每次背起上0黎個個都啷啷上口
記得小時候陸陸續續一句一句將佢背到滾瓜爛熟
但係首詩教訓寓意就從來都唔入肉
我係咁背我係咁讀
呢個教育制度不斷向我地落毒
最緊要知道考試題目答中Model Answer就會被取錄答錯就定被否出局
搞到雙失青年邊緣青年每年五六萬個傑出青年每年最多咪係又0個十個

我俾佢玩到傻
唔係我諗多0左
你同我我同你你同我我同你你同我我同你你同我我同你都俾呢個大染缸荼毒過
俾你餵0左咁多歲月我食Mom Mom我食到嘔血
我唔再係你0既小寶寶
唔好撥煽情太老土，0係呢個世界度要怪就要怪呢個無情0既制度
不斷倒模不斷製造痴線佬我地唯一可以做0既就係嗌唔好！

俾人取錄、俾人否出局
劇情發展人人會有唔同0既結局
你地哩班鴨仔前途是否光明就視乎你地哩班鴨仔0既消化系統，
係咪老馮，
係咪0趙完鬆，
係咪成日食札肉檬……

李白小時很懶惰，
天天不願呀去上課，
然后街上看見一個老婆婆拿著鐵棒慢慢磨，
李白心裡很驚奇走上前去問仔細，
婆婆話她說要磨一根針，
李白聽了嘩 What are nonsense！
鐵棒粗壯針而小，
一輩子一輩子也磨不了，
但係婆婆話只要你能有恆心、鐵棒定能磨成針！
李白聽了很感動從此讀書很用功，
後來成為一個大詩人，
婆婆呀，我想目訓覺呀！」


望著電腦螢幕，何解有人能如此聰明，小學課文譜上了Rap歌詞，雖然暫時不知此曲唱出來動聽與否，但若旋律動聽，肯定有助學生背書。


如果有人能把中四中五的中國語文譜上Rap詞，Rap著會考的課文，一定能啷啷上口，那該更有趣味！


我試圖在google內打上會考課文與歌詞，看看有沒有有心人把會考課文改為歌詞，結果有811項符合"中學會考課文 歌詞"的查詢，可借沒有我要的東西，但反而找到中學會考課文的不雅改編“咸文”！


………天呀，
課文兩年也背不上四句，改了“咸文”竟然可以即時啷啷上口！！