前兩日，係一個競爭激烈嘅運動會。

不過我唔覺得開心。我哋謙社大敗。

哇，好野，終於都考完試啦!!放下心頭大石。今日考電腦，識識地啦，但至少冇左十個一分，因為填充題有六、七題唔識做，問答題都有一、兩題冇做(不過只係唔夠時間姐，千奇唔好誤會)但係我唸應該都合格嘅。唉~~雖然已經考完試，但係聽日要對卷，阿拍實會拍抬，都慣晒囉!!

今日考完試之後，無啦啦Miss鄭突然間話要做一個校服儀容檢查。唉~~本來以為會冇事，汁到自己整整齊齊，點知就忽略左個頭呀!!!俾楊老師捉到頭髮過長，嗰陣先醒起，太遲啦，太遲啦!!!不過，都唔只我一個，仲有古子X等等。仲有一個勁攞，古子X俾楊老師捉左之後，見到黃子豪(的水)過長，就即刻同楊老師講「咁黃子豪呢?」跟住緊係佢俾老師捉啦。我哋見到佢咁樣，個個都忍唔住笑出嚟。我唸佢都覺得醜怪，我見佢due低個頭企起身。哈哈，抵佢死。不過，唔知點解次次都係佢最攞。真搞笑!!!!

成日都聼到A君好鐘意B君，其實B君都鐘意A君，不過好耐之前A君同C君傳出緋聞，之後仲係好鐘意A君既B君就經常係A君面前，話A君鐘意C君。A君已經表明佢鐘意既係B君，唔係C君。不過B君好似特登，繼續話A君鐘意C君。為左解開e個謎團，證明A君係鐘意B君，F君竟然趁A君唔係班房既時候，攞左A君本日記嚟睇。哈哈，謎底終於解開，入面寫住『我鐘意的是你，但你卻說我喜歡C君。』直至到而家，A君同B君既關係仍然係搞唔清楚。呢d嘢都係留番俾佢哋自己處理啦。

唉‥‥‥仲有兩日就考完試啦!!好快可以鬆一口氣，好想果日快D嚟呀。我好有信心今次一定考得好過之前嘅。悄悄的同你講，第一次統測我科科都唔合格，但係今次好多都識做，所以今次一定考得好D。我好希望可以入到全班頭十名，咁都已經好滿足啦。我最勁都只係全班第十二名咋。以上都係我自己打出嚟架，真架!!