今日冇咩事....好平安

但係天日就唔知, 個檬豬梁上次話要個個起哂身答問題
都唔知佢又想我地點...煩死啦

一陣...唔知講咩好, 冇咩好講
好無聊呀.... 黑貓 比我琴晚追哂
而家又唔知睇咩卞通好...
托雷真係好靚仔^.^

係呀....
"牛柏業...我想加你個msn得唔得呀??"
↑要答覆呀...^^

今日真係唔好采, 比4個老師點左起身答問題
好采我都識答....
eng--唔記得左
中史--實際知識, "知"點讀? 1, 支  2, 志    好簡單, 問正音既話跟本難我唔到..1^^
普通話--iang=yang
地理--咩叫 水土流失..?唔記得左答咩
仲有果個檬豬梁落堂果陣無啦啦係度鬧人
咩特別係d女仔, 態度唔好, 又點點點...煩死啦
下堂仲話要個個起哂身, 逐個逐個答左問題至可以坐低
佢個腦真係有事, 人地唔答, 點逼都唔會答嫁啦

中史堂, 個死人terry兜左個圈黎踩我 蠢 >3<
豈有此理....
可以係alan or bobo既遺傳基因有問題啦~呵呵呵

係屋企好無聊呀, 筆袋成個漏左係學校..
得一支鉛芯筆=.=...唉
好似又有少少唔舒服, 真係麻煩
d功課我諗都係夜晚至做啦..
再唔係就天日返去抄~

好悶呀

呀譚同我今日又玩遊車河~
坐26..由順天去尖東, 再由尖東返順天。
坐到個頭暈暈...
坐咁耐都只係去尖東食撈麵, 飲牛奶=.=...
係咪好無聊呢~
食完就唔知係邊度行左一個圈
中途, 仲有個外國人突然講
"Lady, hi~"......我初初以為佢唔知同邊個講野
另過去見到佢對住我笑.....我至好呆咁講
"哦, hi.."拿拿聲走人x_x
呀譚話佢望緊第二度, 聽到我講hi佢至知咩事..
呢個呀妹真係冇佢收=.=

今日突然間好想飲牛奶, 飲左兩樽
都係係7仔買...係其他地方我都搵唔到樽裝既~
算啦, 冇計.....飲下牛奶都唔錯...
而且咁耐冇飲, 味道都唔錯

P.E堂...真係玩得好爽~...今日打手球呢~
雖然唔係好識, 但係都好enjoy跑果個過程
呢兩堂, 做左兩次示範(miss lee叫), 打左兩場比賽(自願)^^
做過球員, 又做左守門員.....咩都用過..但係就係射波唔多掂=.=
守門員果陣...有4球, 比人入左一球
有3球擋到XXXD....只係果一球....
係我頭頂上飛過入波....(鬼叫我唔夠高)
但係今日可以係個場, 不顧儀態咁跑....真係好正呀~
咁好玩, 唔知點解果3分之2既女仔寧願坐係到矖+傾計...
不過因為咁我至可以玩多次....yoyoyo!!
流左好多汗~~~><

死人terry, 明知你自己轉筆又唔係掂, 就唔好轉啦
跌左落地, 又懶...正正經經咁行出黎得唔得姐. 係都要係張枱上跳落黎
仲要踩到我件褸...豈有此理..(我扔左落洗衣機)
你比打過下既臉呀, 岩岩沖涼成個樣滲哂係盆水度..
死啦, 而家都唔知仲有冇細菌......一陣沖刷多次好冇呢...
考慮中