好悶呀, 天日又要再返學
通常星期一都唔鐘意上堂
又累又煩, 一諗到仲有排....
唉~唔想唔想唔想呀

一陣做埋份mat ws就得啦
唔識既都亂咁做...
無奈...今日好熱呀
天日仲有P.E堂, 唔知做咩呢
如果天日都係打手球咁就好啦
但都唔知天日跑圈果陣我又會唔會...'
天日咁熱都要跑....9死1生喎
可能好似牛柏業果日咁.....
嘩~都係執定支水好d..

岩岩去joanna屋企借計數機..感覺好無論
1, 唔記得左佢屋企幾多樓 (好似好耐都冇上過佢屋企)
我去左10樓...跟住無啦啦踩多6層=.=
2, 返到我果度...果個呀嬸又唔禁制, 入到去只係企係度
好多人嫁唔該, 跟住我入果陣又無啦啦比個門夾左一下(右手同右邊駁頭)
好采手上既牛奶同計數機都冇事....但係隻手...
好痛呀><岩岩寫字...速度慢左一秒一個字詐...>^<
真係多得個呀嬸唔少

今日真係好悶...我都可以體會得到d老人家既生活
成日都 訓醒就食, 食完就玩, 玩完又再訓...
好悶呀, 呀譚屋企又好似冇人聽~~
唉~但又唔知點解悶得黎又幾舒服....
都唔知我諗緊咩@@

呢排一直鬥緊呀dad...叫我幫佢做每日一篇
糖又冇粒, "乖女"/"乖仔"都唔肯叫一聲..
而家決定同佢鬥耐性, 鬥硬頸, 鬥狠心...
睇下呀dad同得邊個贏...(但感覺上會好孤單)
冇我同佢傾計, 串下咀...好悶呀.....
但我唔會認輸嫁~~~~yayaya><
佢個衰人, 叫一聲乖女/仔都好怩要佢死咁
佢呢隻披住 靚仔皮既四眼狐狸
呆瓜, 笨牛(星座), 死馬嬲(生肖), 高蛋, 沙皮狗
肥麟, 29吋大混球, 魔鬼, 狠心的呀爸
........諗到再鬧(點都唔可以對呀dad鬧得太過份)
雖然明知佢唔會嬲...但係做女既良心麻

今日可以試到terry同panda既廚藝(皇后蛋糕)..真係好啦
呀譚, bobo我冇講錯啦^^ 我琴日話過要食到佢地既手勢,
今日比我掂左~~~不過明明係terry引誘我,所以我都唔想嫁~~
1, 佢將個食物盒擺係張枱度
2. 不停咁又開又合, 我又要聞到d味
3. 直接開哂佢, 仲要搵過蓋向我果邊撥..d香味飄~哂過黎
4. 至抵死既一句.我: 你咁擺明引我姐"...T: "好明顯係啦"
我一直望住個盒, 又望住panda...panda都頂我唔順
最後連panda都叫佢比我食...^口^  (為左食我咩都做得出, 而且我我盯上果d..)
識我既人(bobo, 呀譚, joanna, alan)都知我呢種性格..~~
講返轉頭...味道真係唔錯...比分時間, 每樣10分為滿分
色 :6分     香 :9分     味 :8
p.s.個面硬硬地, 好好^^但係裡面就....好鬆, 一粒一粒咁..拎上手就散..-3
總分有~~20分......唔錯哦

今晚出左街食飯..同姑婆姑爺, 食得好飽...食緊陣
佢地一直係我同黃思雅而前講果d咩..拍拖
最好笑既係姑爺果句 :"我細女呀同個男仔拍拖呀...我唔鐘意果個令仔
出街竟然要呀美出錢....呢d錢應該係男仔出嫁麻"
姑婆 :好心你啦, 你幾蚊車錢就咪起到實一實啦, 個女拍拖出車錢關你咩事...
我聽到O哂咀...冇野好講=.=果幾蚊冇所謂啦~
食完飯, 黃思雅拎左我抽鎖匙, 返左屋企打機
我就要食哂成碟白菜仔至走得人..死人黃思雅, 又唔幫手
搞掂哂, 我一個人自己周圍行下...特登兜左成個大圈, 行左3個字
返到層樓, 由6樓行到12樓......我真係好似冇野好做咁
不過好耐都冇試過一個人夜晚咁樣行....唱下歌又冇人理
真係好正, 又靜又舒服.....

 今日第一次見panda作文作到眉頭深鎖..真係難得
以佢既作文能力, 唔會差得過我or呀譚....可今次係說明文
今次佢真係抵死, miss都比我地自由揀題目黎做說明
好寫唔寫....寫"六道"....唉~自己搵黎衰

廖宇祥, 我警告你
咪搞我果本簿呀
你試下再偷睇, 我同你搏命, 插盲你對眼呀
果本野bobo, joanna佢地都未睇過
幾時到你睇, 死開啦
而且又未作完
(果本野係我同呀譚作緊既小說^^)

天日eng又唔知要做d咩
miss同d同學講既要都唔同
搞到都唔知要做d咩

今日除左terry之外, 其他時間都好好

今日好采果個檬豬梁唔記得左果件事姐
如果唔係仲大鍋....^^

不過天日係咪真係要擔心一下呢
好似話eng要同自己果組d人諗一個故事
跟住做出黎..(計分)
我睇我果組既3個男仔都唔會諗野嫁啦
或者一早冇左件事...唉

仲有OAE...希望呀sir唔記得我上星期既事啦
因為上次係我亂咁講, 即場發揮
如果要我再講多次, 我真係唔知要講咩嫁~~><

天日, 救下我耶......講黎講去, 都係d英文=.=

"牛柏業...我想加你個msn得唔得呀??"
↑要答覆呀...^^