最近我同呀譚成日都係度諗...:
我地係咪真係有資格做alan個女
雖然alan話過, 除非我地唔想再比佢理
可則佢係唔會唔理我地...但係...
前排好似激嬲左佢.....佢就冇咩同我地講野
可能我同呀譚......要修煉一下自己啦~

今日係5樓, 勁大風, 我正面貼住牆邊, 低頭...
d風肆無忌憚咁吹~真係好舒服, 順便諗下果個問題..
一邊唱歌一邊諗....我叫左呀譚, bobo行埋一邊..
佢又話大風, 驚個頭亂, 又驚條裙...
雖然有時有好多男仔經過, 但佢地行佢地, 我諗我既
d風大得好舒服, 有幾次條裙真係...不過冇咩點理, 冇mood呀
繼續邊唱邊諗...唱到2點午息就黎完...
跟住落樓, 發覺....個頭比d風吹到暈, 但係真係好爽..^^
個頭就冇咩點亂, 因為好易執, 但係果陣d風真係....個頭比風吹到係咁飛....

唉~dad......之前真係好sorry 呀

今晚大把功課等住我做~好采比賽果個四格漫畫琴日比左miss朱
如果唔係6號捷止仲煩.....做功課

1, 愚人節快樂
2, 林x傑生日快樂
3, 手球賽, 恭喜你地又贏左場比賽呀

放學佢地班男仔又有手球啦..2C vs 3E
15-14, 贏一分^^
班男仔真係好西利~~
panda, terry, kenny, king, raymond
下次再比心機, 加油努力@@
第三場比賽都要盡力哦^^
場比賽睇到我都好興奮...
奸~巴~嗲!!!

琴日呀dad好嬲......唔知咩事, 搞到我同呀譚都好驚
不過佢最多都只係嬲一日...好采
不過都要講返一句: 呀dad~笑 :]
今日冇上到5樓, 唔想又煩到呀dad同bobo佢地
所以自己過......但係悶死啦

P.E堂, miss lee一開堂就鬧人
開堂唔夠5分鐘, 秩清既秩序分比佢扣清光
係唔係都鬧, 有d都唔算係大事
都比佢鬧到狗血淋頭....
唉~真係替今日比佢鬧既3位女同學可憐
默哀...但係上堂果陣..都唔錯
又係玩排球...班男仔上體操, 我諗諗下..女仔好d

ERP堂前, 同呀譚講預感接近0..
我從來都唔會話一定係0, 因為未發生既野, 所以有無限可以性
但係點知今日miss冇返, 由我地班最love既胡sir代堂
班友仔即刻掉位捉棋...唉~明明有野要我地睇
但胡sir都唔理...算啦, 玩玩下又過左兩堂

今日冇咩事...但係我諗我都要減下肥..^^
重左耶....T.T  雖然冇肥
我對我既儀態好高要求嫁..
頭髮---所以園琛佢地成日話我d頭髮靚, 冇開叉, 又滑
個樣---所以塊面冇豆豆, 馬x雯佢地都讚我靚^^
但係我要改既....而定只有我既體重=.=
唉~奸巴嗲.呢

男仔..天日既第二場比賽加油呀, 我會睇你地比賽嫁啦

張繼麟!!! 我嚴重鄙視你....你個衰人
今日打你, 你離遠見到我地就好似見到 菠蘿琪 咁走人
洗唔洗咁呀, 我同呀譚好好多..(同佢比既話)
搞錯呀你, 明知我同譚兩個對隻就算加埋一齊都唔夠你長
你仲要跑><最唔公平就係你著褲, 我著裙囉~~渾蛋
見到你個女都衰過見鬼咁, 好可惡呀你~~~~~
天日有P.E堂...^^著褲呀, 我最鐘意既~
張繼麟, 如果我打唔到你, 我就......算啦
但睇你既動作, 真係好似好想我地打你咁....~挑釁?

今日放學睇班男仔打手球比賽. 真係好正
好有動感, 好有型(姿勢), 好激, 而且好西利^^  [掌聲~]
比其他班都正(姿勢), 射波果陣, 我係可以見到你地個姿勢
係空中停低度射囉, 真係好野....抵你地贏左初賽
有d射波都....快狠準, 有d都要加油
果陣我係度諗: 好采我唔係個龍門/框, 如果唔係好痛><
手球賽既咁多位, 繼續加油哦~~支持你地^^
kenny, king, terry, panda, raymond, 5個正選 奸巴嗲!!

差d唔記得, panda~今日既餅..定係蛋糕?
你地整得幾好味, 係樓梯口都聞到陣奶油味
掂呀><但係點解唔比多舊/塊我喎......

今日同呀譚去左將軍澳...冇咩好做
行下, 食野
仲買左林x傑既生日禮物
話哂人地都係愚人節生日..^^
當然我同呀譚唔會咁衰人
不過如果果日唔記得就唔送
哈哈哈, 林x傑, 睇下你好唔好采啦

去左將軍澳, 見到joanna呀媽..
佢教我地點坐車
行行下, 行到好累呀...

琴日果個咩地球一小時, 搞到我做唔到功課
死啦, 果個數學.....我數數下
都仲有....19題..........
嗚呼~咁多, 點都係做死我嫁啦
呀dad一定唔識, vincent一定唔教, panda一定唔理我
牛柏業~~點解你唔on既?? T口T 比我問下數啦...

思樂冰 :3月30日=精力好d, 但係著裙-----3月31日=可能冇咩心情, 但係著P.E衫
Alan  :唔揀
思樂冰 :我揀!! 唔...
Alan  :妳追到先算啦~~
思樂冰 :追~你黎打姐, 一定追到
Alan  :唔準打~~:我唔鍾意 x 10
思樂冰 :但我鐘意^^
Alan  :唔得~~~
思樂冰 :唔制
Alan  :我係妳啊dad~~我話事~~~   (絕招耶....果陣有d心軟)
思樂冰 :我係你個女, 你要就我
Alan  :我係一家之主  ,妳要聽我話~~唔打得  (呢個衰人, 冇野就唔講, 有野就擺哂出黎)
思樂冰 :我而家反叛期~
Alan  :最後命令----唔打得   (王牌耶~)
思樂冰 :霸道
Alan : 妳依家係---AC領域, 天日妳唔好掂我~~
思樂冰 :你有性病?
Alan  :=.="