今日又要練波, 冇咩特別
但係一開始, 個天真係熱死人呀
一邊打一邊流汗, 成個頭都濕哂...
之後打到4點果陣..
個天同我突然間落雨......又有d凍
吹佢唔脹...
隻手今日都好痛...琴日右手
今日左手....=3= 唉~
日日練波都聽到 楊x敏 係度講
"死啦, 咁樣點算呀..唔掂個喎"
而家做埋口頭嬋......
咁都冇計既....明明打得果d都唔肯黎練波
唔多得果d又唔肯比心機練..
我, 恩恩, 楊x敏反而日日都黎練到死下死下咁..
唉.......點算好呢...

天日社會服務組既義工訓練....唔洗我練
不過而家咁既狀態.....唉
都唔知點算好....

今日同樣要練排球
但係今日得我, 恩恩, 楊x敏
雖然3個, 但打得都好開心

但係打打下, 無啦啦多左3條茂利
見到佢地我都嘔心, 又食煙又吐嘾...
我同楊x敏就話佢3個人係垃圾(暗暗地講)
藍廢柴, 紅鋁罐(我地唔記得係黃色, 而且諗唔到, 佢又咁岩係紅色衫), 啡膠仔
唉~有一個無啦啦係度除衫
我唔覺意, 咁岩又望住果邊....一秒...=.='
有d想洗眼.....><, 冇記錯妹似係啡膠仔....果然膠膠地..

呀dad返左大陸, 好悶呀....
右手, 手腕骨果個位唔知點解"雨"左
但係我又唔記得今日有打得咁勁呀...
天日繼續, 而家日日都要練
希望我身體支持到啦

牛柏業, 成日係屋企冇用嫁, 出街吸多d新鮮(?)空氣
人都爽d啦......再唔係一齊打波丫~(講笑)

今日成日係屋企冇出街
琴日出得太耐....搞到今日唔想出tim~
不過今日係屋企都冇咩野好做
功課...個假期過左一半至算啦

於是我今日多數時間都係聽歌
聽聽下, 原來我真係愛上左一首歌
Darin Zanyar 既    B What U Wanna B  (Peerless)
超正既一首歌..
bobo, 我比你聽..你話真係好正果首既真正歌名係呢個呀
小朋友天真無邪既聲音 + 果個歌手既坦率又磁性聲音...
係而家既歌手唱一世都唱唔到出黎
><雖然個歌手唔靚仔..
但係首歌真係....好好好好好好好好正呀~~~~~~~~~~~
love^^

Darin Zanyar的Peerless←這個歌名並沒有這首歌，
但網路查到的是Peerless = B What U Wanna B
其原因在於此歌在網路流傳時最初是由某論壇版主(Peerless)
上傳到網路，但沒有標明歌名，經網友轉貼而變成Peerless的歌名~
正確的歌名應該是B What U Wanna B

今日出左成日街, 好累呀..睇下我今日既時間表先~
11:30am--出門口 至 9:15pm--返屋企
唉~都出左好耐啦, 冇計啦, 今日呀爸呀媽佢地兩個...
去旅行~三日兩夜(好似話係..結婚二十週年喎~)
佢地只係比左100蚊我....但係今日就用得7788啦....
早: 屋企食..即食麵
午: 麥當勞
晚: 合味道杯麵, 6包零食, 牛奶
咁到我今日既卡路里超哂標....
不過好采既係...黃思雅同佢個fd仲多過我同呀譚^^

今日同呀譚, bobo, joanna, 2ling, 芳芳去左照貼紙相, 影左三輯..^^
跟住食完野就返順天打羽毛球, 咁岩又見到我班既排破隊
於是又一齊練, 隻手好返d, 但係打打下, 又打親個傷口.....唉
但係2ling都有call埋panda一齊黎...
只係..佢就唔小心去左順利....黑口黑面咁過左一陣..冇事
但冇幾耐, 見到我地住部都係女仔.....只係陪下2ling..就走左..
散band....我同呀譚去左joanna屋企坐一陣..食野..
之後去左食晚餐同去公園坐下玩下..
返屋企...

今日個銀包真係元氣大傷..天日我都一定唔會出街啦...
而家冇哂錢啦..........

我地女係既班際排球...第一場係打3C
我好討厭佢地, 佢地知道我地打得唔好就係度睇低我地
我地係打得唔好呀, 咁又點呀
如果我地打得好, 我地都唔洗幫班後備練得咁辛苦啦(正選的不在...=.=)
如果我地打得勁, 我地就唔需要練到隻手就黎斷咁濟啦
如果我地打得正, 我地就唔洗日日練到咁晚啦
我地肯努力咪得囉, 肯努力既人都冇資格比人睇死
我決定左 :我地認真打呢場比賽, 就算輸都要輸得靚
我知你地3C勁呀, 咁又點呀, 咁就唔代表你地可以睇死我地2C
就算到最後我地係0分, 我都唔會認為有咩事,
盡力, 認真咁打, 就已經贏左呢場比賽....唔一定要升級
3C你地班女仔, 勁唔一定大哂........我會比心機同你地打呢場比賽
就算我隻手真係有d骨折, 我都會盡力咁打

今日唔記得帶中史書...好采冇咩事
操行好果然會好d^^ 但係雞sir又叫我幫手擦黑板...無奈

你地班男仔好西利呀...雖然輸左
但係見到你地真係出盡存咁打, 我睇都睇得好開心
kenny :總算打左場好波=]   
我都好替你地開心, (掌聲~~~)....
我都有落力幫你地打氣嫁^^
我要以你地為目標, 專心, 認真, 盡力咁.....打好場排球賽
目標 :輸~都要輸得漂漂亮亮
黃..唔係, 2C~~~~~~~~~~~~~~~~~~~~~~~~~~~加油!!!!
但係班男仔, 唔好黎睇比賽呀, 會好緊張嫁><' 驚糗

琴日9分鐘---今日對腳好痛><  (1280米)
琴日打左好耐排球---對手勁痛(唔通骨折??唔會既^^)
搞到今日冇得練..只係幫手執波同掟波....好想打呀~~~