天日返學啦~~仲差少少詐....
呀dad仲未sd數A果一題既答案比我
草紙果張, 我琴日打左比2ling..問左佢
但都差好少少...少到想扮睇唔到果條問題
白色....唉~返去抄啦
英文既日記, 一陣搞掂佢

唉~今日咩都唔想理
心情莫名地低落.....
天日返學, 都係算啦.....
唉....

今朝明明發左個好夢
^^而家諗返起都覺得開心
非常之好既一個夢~~
好難得哦 ^3^
呢個夢, 我一世都要記住>.<

今日呀爸呀媽兩個都出哂街, 成日都唔係屋企
呀爸 :去左四大天王果度打麻雀
呀媽 :去左黃大仙, 又去左同四大天王果度食飯
本來我都想出去...
一係去慈雲山(四大天王家)
一係去柴灣(芬姨家)
但兩個都好遠...而且又係d功課

死啦真係...d數我都唔知佢講咩....
完全唔識做T.T.....
我識做果d都做左, 但係..
數A--差一題
白色WS--差兩題
草紙WS--差10題
嗚~~~英文仍在努力中....
其他搞掂哂~~.....呢兩科
玩死人啦><

今日...唔知點解, 好唔舒服
個頭一起身就好暈....
但一定冇發燒, 冇撞到個頭,
但就唔知點解....就係好暈
但就黎返學, 又唔可以唔做功課
死下死下咁做左兩樣,
仲有一樣晚d問左人格式至做
仲有mat既A簿, 呀dad有冇幫我問下呢
我唔識, 佢又唔識, 佢就要幫我問下人啦^^
冇計啦, 邊個叫佢係我呀dad喎
琴日我問佢果一題數, 佢都有兩行打錯野
同埋....我行行都睇唔明=.='

算啦, 好暈呀~~~又唔想訓教
天殺的, 偏偏係咁趕既時候黎玩野

今晚去左姑婆屋企食飯...四大天王今次竟然有黎...
好似一年冇見....大佬, 二哥同三哥都高左好多
佢地岩岩一入門口, 我仲以為有人入錯屋
點知...睇真d個樣, 有係佢地....
唉~d男仔真係勁, 高得咁快..., 二哥高左個半個頭(汗')...
大佬: 92年, 5月10日...金牛, 個樣老過alan...
二哥: 高到....唉~搞到我好慚愧
三哥: 好似叫呀勇, 成日打機, 冇聽過佢出聲
細佬: 俊俊^^, 好可愛呀, 佢比二哥矮兩個半頭, 又肥>.<
佢地四個人, 真係...唉~一, 二, 三都真係好高
成間屋最高佢地3個...

食完飯, 同黃思雅, 婷婷, 仲有一個女仔同大佬, 細佬玩UNO
我只係睇...佢地兩個男仔真係好掂...
大佬成日蝦我地, 細佬就成日比我地蝦><
而且真係好happy....但呀勇同二哥都唔采人
二哥掛住個結他, 呀勇就掛住打機......
男仔此終好玩d~~~

今日突然想做一樣功課....但又唔想同英同數
中文又唔想寫咁多字....所以只係做左個翻譯小說
唉~今日真係好悶

黃思雅又偷偷地叫左KFC外買...
呀爸呀媽又唔知...佢仲叫我夾錢(要脅我)
點知佢叫得多得濟...食唔哂..
佢比我果d, 好少, 但又岩岩好飽
貪得多啦佢.....抵死呀>.<
不過比佢玩死...
好難得我至保持住唔住炸野...
唉~~真係驚佢會唔會到左200磅呢...(汗') <---真
好采我真係食唔肥, 要減都好易
但我真係唔想食咁多, 好濟....
消化......有d問題, 下午食既野, 而家竟然仲好飽=.=

食完睇柯南^^「偵探們的鎮魂曲」
睇返之前果d電影, 但今日終於發現
基德 呢個超級靚仔.....佢易容變聲扮左 白馬探
諗左一陣至諗到係咁, 仲要睇左好多次, 今日至發現=v='
雖然有d無奈....但係 基德 個樣睇幾多次都唔厭
柯南一樣咁可愛....個樣仲好似....^^(呀譚心照啦)
唔知柯南下一個電影係咩呢...好期待呀><